ទើបដើមឆ្នាំ២០២៥ ពិភពលោកជួបគ្រោះកាចផ្ទួនៗ ស្លាប់មនុស្សរាប់រយនាក់

ចូលឆ្នាំ២០២៥មិនទាន់បានកន្លះខែផង ពិភពលោកបានជួបគ្រោះកាចផ្ទួនៗ បណ្តាលឲ្យមនុស្សស្លាប់រាប់រយនាក់ និងបង្កការបំផ្លិចបំផ្លាញយ៉ាងមហន្តរាយ។

១. អំពើភេរវកម្មនៅអាមេរិក ថ្ងៃទី១ខែមករា

មនុស្សចំនួន១៥នាក់ត្រូវបាត់បង់ជីវិតក្នុងវាយប្រហារភេរវកម្មនៅទីក្រុង New Orleans នៃរដ្ឋ Louisiana ដោយភេរវករបានបើករថយន្តភីកអាប់មួយគ្រឿង បុករះមនុស្ស។ បូលិសបញ្ជាក់ថា ភេរវករមានឈ្មោះ Shamsud-Din Jabbar ជាពលរដ្ឋអាមេរិកនិងជាអតីតយុទ្ធជន មកពីរដ្ឋ Texas ប៉ុន្តែរូបគេមានទំនាក់ទំនងជាមួយក្រុមរដ្ឋឥស្លាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. រញ្ជួយដីនៅទីបេ ថ្ងៃទី៧ខែមករា

រញ្ជួយដីកម្រិតធ្ងន់៧.១រ៉ិចទ័រ បានវាយប្រហារទីក្រុង Shigatse បណ្តាលឲ្យមនុស្សស្លាប់១២៦នាក់ និងជាង១៨៨នាក់រងរបួស។ រញ្ជួយដីនេះមានចំណុចកណ្តាល ក្នុងទីប្រជុំជន Tsogo ជាមួយជម្រៅ១០គីឡូម៉ែត្រ។

៣. ភ្លើងឆេះព្រៃនៅ Los Angeles ថ្ងៃទី៨ខែមករា

ភ្លើងឆេះព្រៃសកម្មចំនួន៥ ដូចជា Palisades, Eaton, Kenneth, Hurst និង Lidia បានវាយប្រហារទីក្រុង Los Angeles ខណៈតួលេខមនុស្សស្លាប់ កើនដល់១១នាក់ ចំណែកមនុស្ស​​ជិត​​២០ម៉ឺន​នាក់ ​ត្រូវ​បង្ខំ​​ជម្លៀស​​ចាក​ចេញ​ពី​ផ្ទះ​​សម្បែង។ អគ្គិភ័យដ៏កាចសាហាវនេះ បានឆាបឆេះលើផ្ទៃដីសរុប ១១ ៧៥៧ហិកតា និងដុតកម្ទេចសំណង់ហេដ្ឋារចនាសម្ព័ន្ធជាង ១០ ០០០៕

អត្ថបទ៖ សុខ សុវណ្ណ

ចុចអាន៖ កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត