ព័ត៌មានអន្ដរជាតិ
ត្រាំ បន្ទោសមន្ត្រី LA ថា «អសមត្ថភាព» និងទាមទារឲ្យអភិបាលរដ្ឋកាលីហ្វ័រញ៉ា ចុះចេញពីតំណែង
ទីបំផុតប្រធានាធីបតីជាប់ឆ្នោតអាមេរិក ដូណាល់ ត្រាំ លែងនៅស្ងៀមហើយរឿងភ្លើងឆេះព្រៃដែលកំពុងរោលរាលក្នុងទីក្រុង Los Angeles ដោយពេលនេះលោកបានចេញមុខស្តីបន្ទោសមន្ត្រីរដ្ឋកាលីហ្វ័ញ៉ា ថា «អសមត្ថភាព» និងថែមទាំងទាមទារឲ្យអភិបាលរដ្ឋលោក Gavin Newsom ចុះចេញពីតំណែងទៀតផង។

ក្នុងការបង្ហោះលើបណ្តាញសង្គម Truth Social លោក ត្រាំ សរសេរថា «អគ្គិភ័យនៅតែកំពុងឆាបឆេះនៅ LA។ ក្រុមអ្នកអសមត្ថភាព ដូចជាគិតមិនចេញសោះថាត្រូវពន្លត់ភ្លើងដោយរបៀបណា។ ផ្ទះរាប់ម៉ឺនខ្នងត្រូវបានបាត់បង់ ហើយជាច្រើនខ្នងទៀតនឹងត្រូវបាត់បង់ក្នុងពេលឆាប់ៗ។ មានតែការស្លាប់នៅគ្រប់កន្លែង នេះគឺជាមហន្តរាយដ៏អាក្រក់បំផុតមួយក្នុងប្រវត្តិសាស្ត្រប្រទេសយើង។ តើពួកគេកើតអីបានជាមិនអាចពន្លត់ភ្លើងបាន?»។
ទន្ទឹមនោះ លោក ត្រាំ ក៏បានទម្លាក់កំហុសទៅលោក Newsom ផងដែរចំពោះវិបត្តិភ្លើងឆេះព្រៃនេះ ដោយទាមទារឲ្យអភិបាលរដ្ឋកាលីហ្វ័ញ៉ា ចុះចេញពីតំណែងទៅ។
មិនត្រឹមប៉ុណ្ណឹង កាលពីដើមសប្តាហ៍មុនលោក ត្រាំ ស្តីបន្ទោសថា លោក Newsom មិនព្រមចុះហត្ថលេខាលើបញ្ជាមួយ ដែលអនុញ្ញាតឲ្យដឹកទឹករាប់លានហ្គាឡុង ទៅកាន់តំបន់ដែលកំពុងឆាបឆេះ ទើបធ្វើឲ្យស្ថានការណ៍ប្រែក្លាយជាធ្ងន់ធ្ងរបែបនេះ។

សូមបញ្ជាក់ថា ចំនួនមនុស្សស្លាប់ដោយសារវិនាសកម្មភ្លើងឆេះព្រៃនៅ LA បានកើនដល់២៤នាក់ហើយ ប៉ុន្តែមន្ត្រីក្នុងតំបន់ព្រមានថា តួលេខអាចហក់ឡើងជាបន្តទៀត។
លើសពីនេះ អាជ្ញាធរក៏ចេញសេចក្តីប្រកាសឲ្យពលរដ្ឋប្រុងប្រយ័ត្នផងដែរ ព្រោះថា ប៉ុន្មានថ្ងៃខាងមុខនឹងមានខ្យល់បក់ខ្លាំង ដូច្នេះហើយអគ្គិភ័យនឹងកាន់តែអាក្រក់។
ពេលនេះ អគ្គិភ័យនៅ LA បានឆាបឆេះលើផ្ទៃដីសរុប ១៥ ៧៨២ហិកតាហើយ ដោយបំផ្លាញសំណង់អគារនិងផ្ទះសម្បែងជាង ១២ ០០០ខ្នង និងជំរុញឲ្យមនុស្ស ១៨០ ០០០នាក់ ត្រូវជម្លៀសខ្លួន៕
អត្ថបទ៖ សុខ សុវណ្ណ
ចុចអាន៖ មនុស្សស្លាប់ដោយសារភ្លើងឆេះព្រៃនៅ LA កើនដល់២៤នាក់ ខណៈ តួលេខអាចហក់ឡើងខ្ពស់ទៀត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ