ព័ត៌មានអន្ដរជាតិ

ការបាញ់ផ្លោងនៅជិតរដ្ឋធានីស៊ូដង់ សម្លាប់ជនស៊ីវិលជាង១០០នាក់

បានផុស

២ ខែ មុន

នៅ

ថ្ងៃពុធ ១៥ មករា ២០២៥

ដោយ

យ៉ាងហោចណាស់មនុស្ស១២០នាក់ត្រូវបានគេរាយការណ៍ថា ស្លាប់នៅក្នុងហេតុការណ៍បាញ់ផ្លោងមួយកាលពីថ្ងៃចន្ទនៅក្នុងតំបន់ Dar-Salam ក្នុងទីក្រុង Omdurman ដែលឆ្លងកាត់ទន្លេនីលពីរដ្ឋធានី Khartoum ប្រទេសស៊ូដង់។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី១៥ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សង្រ្គាមស៊ីវិលក្នុងប្រទេសស៊ូដង់ ដែលឥឡូវនេះមានរយៈពេល២១ខែកន្លងទៅ បានសម្លាប់មនុស្សរាប់ម៉ឺននាក់ និងប្រជាជនភៀសខ្លួនឬផ្លាស់ទីលំនៅជាង១២លាននាក់ និងបានរុញច្រានប្រទេសនេះឱ្យធ្លាក់ចូលទៅក្នុងគ្រោះអត់ឃ្លាន ដែលអង្គការសហប្រជាជាតិពិពណ៌នាថាជាគ្រោះមហន្តរាយមនុស្សធម៌ដ៏អាក្រក់បំផុតមួយរបស់ពិភពលោក។

ក្រុមអ្នកជួយសង្គ្រោះបាននិយាយថា ការផ្គត់ផ្គង់ផ្នែកវេជ្ជសាស្រ្តមានចំនួនតិច ខណៈដែលបុគ្គលិកសុខាភិបាលព្យាយាមព្យាបាលមនុស្សមួយចំនួនធំដែលមានរបួសពីការទម្លាក់គ្រាប់បែក។ ការវាយប្រហារនេះមិនទាន់មានភាគីណាមួយអះអាងថា ខ្លួនជាអ្នកធ្វើនោះទេ។

គួរបញ្ជាក់ថា ភាគច្រើននៃទីក្រុង Omdurman ស្ថិតនៅក្រោមការគ្រប់គ្រងរបស់កងទ័ពដែលគ្រប់គ្រងដោយអនុប្រធានាធិបតី ខណៈដែលកងទ័ព RSF ដែលគ្រប់គ្រងដោយប្រធានាធិបតី កាន់កាប់រដ្ឋធានី និងជាផ្នែកមួយនៃតំបន់ Khartoum កាន់តែច្រើន។ ប៉ុន្មានសប្តាហ៍ចុងក្រោយនេះ កងទ័ព RSF ក៏បានបង្កើនការវាយលុករបស់ខ្លួននៅទីក្រុង Omdurman ក្នុងគោលបំណងដណ្តើមការគ្រប់គ្រងឡើងវិញ និងបានរឹបអូសយកតំបន់ចំនួនបី និងរឹបអូសអាវុធដែលបន្សល់ទុកដោយកងកម្លាំងប៉ារ៉ា។

បញ្ហាទាំងនេះបានចាប់ផ្តើមកាលពីឆ្នាំមុនបន្ទាប់ពីការដឹកនាំរបស់កម្លាំងប៉ារ៉ា និង កងកម្លាំងគាំទ្ររហ័ស (RSF) បានធ្លាក់ចេញពីទិសដៅអនាគតរបស់ប្រទេស។ ភាគីទាំងពីរត្រូវបានចោទប្រកាន់ថា បានកំណត់គោលដៅលើជនស៊ីវិល រួមទាំងបុគ្គលិកសុខាភិបាល និងការបាញ់ផ្លោងមិនរើសមុខលើតំបន់លំនៅដ្ឋាន។ ការប៉ះទង្គិចគ្នានាពេលថ្មីៗនេះថែមទាំងបានបង្ខំឱ្យបិទមណ្ឌលសុខភាពជាច្រើនដែលប៉ះពាល់ដល់ការផ្តល់សេវាវេជ្ជសាស្រ្តដល់ប្រជាជនរាប់ពាន់នាក់៕