ព័ត៌មានអន្ដរជាតិ
សូម្បីនាយករដ្ឋមន្ត្រីថៃក៏ស្ទើរតែចាញ់បោកក្រុមចោរបច្ចេកវិទ្យា ដោយប្រើ AI ធ្វើត្រាប់សំឡេង
អគ្គស្នងការនគរបាលជាតិថៃ បានបញ្ជាឲ្យមានការស៊ើបអង្កេតពាក់ព័ន្ធការឆបោកតាមបច្ចេកវិទ្យា បន្ទាប់ពីនាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត្រា (Paetontarn Shinawatra) បានលាតត្រដាងឲ្យដឹងថា លោកស្រីត្រូវបានកំណត់ទិសដៅដោយក្រុមឆបោកតាមអនឡាញដែលកំពុងកើនឡើង ដោយការប្រើប្រាស់បច្ចេកវិទ្យា AI ដើម្បីធ្វើឲ្យដូចជនបរទេស។
តាមការចុះផ្សាយរបស់សារព័ត៌មានថៃ Khaosod English នៅថ្ងៃទី១៥ខែមករា នាយករដ្ឋមន្ត្រីថៃ ផែថងថាន បានចែករំលែកនូវបទពិសោធន៍ដែលលោកស្រីស្ទើរតែក្លាយជាជនរងគ្រោះក្នុងអំពើឆបោកដែលកំពុងតែកើនឡើងនេះ។ ក្រុមអ្នកឆបោកបានប្រើប្រាស់បច្ចេកវិទ្យា AI ដើម្បីត្រាប់សម្លេងមេដឹកនាំបរទេសណាមួយក្នុងការប៉ុនប៉ងដើម្បីលួងលោមឲ្យបរិច្ចាគ។
លោកស្រី ផែថងថាន បានរំឭកឡើងវិញនូវហេតុការណ៍ដែលពួកបោកប្រាស់ បានបញ្ជូនសំឡេងមកកាន់លោកស្រី ដោយនិយាយរៀបរាប់ពីការស្វាគមន៍ និងបង្ហាញចំណាប់អារម្មណ៍ធ្វើកិច្ចសហការ។ បន្ទាប់ពីការសន្ទនាឆ្លងឆ្លើយខ្លះៗ ពួកគេបានអះអាងថា ថៃជាប្រទេសអាស៊ានតែមួយគត់ដែលមិនបានបរិច្ចាគដល់មូលហេតុរបស់ពួកគេ ហើយក៏បានបញ្ជួនតំំណភ្ជាប់ឲ្យបរិច្ចាគ។ ទោះបីជាបែបនេះក៏ដោយ គណនីលម្អិតគឺបញ្ជូនមកពីប្រទេសផ្សេង។
ក្រោយការលើកឡើងរបស់នាយករដ្ឋមន្ត្រីថៃ នៅថ្ងៃទី១៥ ខែមករា ឆ្នាំ២០២៥ នៅបញ្ជាការដ្ឋាននគរបាលប្រឆាំងបទល្មើសបច្ចេកវិទ្យា(Cyber police) ក្រុងបាងកក មេបញ្ជាការប្រឆាំងបទល្មើសបច្ចេកវិទ្យាបានលើកឡើងអំពីករណីនាយករដ្ឋមន្ត្រីលោកស្រី ផែថងថាន ដោយបាននិយាយថា នាយករដ្ឋមន្ត្រីត្រូវបានក្រុមឆបោកតាមទូរស័ព្ទ (Call Center) បន្លំជាសំឡេងរបស់មេដឹកនាំនៃប្រទេសមួយចំនួនទូរស័ព្ទមកឆបោកលោកស្រីឱ្យបរិច្ចាគលុយ។
មេបញ្ជាការនោះ បាននិយាយថា ចំពោះករណីនេះ នាយករដ្ឋមន្ត្រីបានប្រគល់ភារកិច្ចឱ្យលោក Prasert Chanruangthong ឧបនាយករដ្ឋមន្ត្រី រដ្ឋមន្ត្រីក្រសួងឌីជីថលដើម្បីចាត់វិធានការស៊ើបអង្កេត។ ចំណែកខាងសមត្ថកិច្ចប្រឆាំងបទល្មើសបច្ចេកវិទ្យានឹងសម្របសម្រួលជាមួយឧបនាយករដ្ឋមន្ត្រីរដ្ឋមន្ត្រីក្រសួងឌីជីថលដើម្បីចាត់វិធានការផ្នែកពាក់ព័ន្ធបន្តទៀត។
អគ្គស្នងការនគរបាលជាតិថៃ លោក Kittirat Panphetch បានបញ្ជាឲ្យមានការស៊ើបអង្កេត ហើយនគរបាលថៃក៏បានសហការជាមួយប្រតិបត្តិករក្រុមហ៊ុនទូរស័ព្ទដើម្បីបំពាក់បច្ចេកវិទ្យាទំនើបដើម្បីតាមចាប់សារឆបោកបែបនេះ។
លោកថា កន្លងទៅខាងប៉ូលិសប្រឆាំងបទល្មើសបច្ចេកវិទ្យាក៏មានទិន្នន័យព័ត៌មានអំពីក្រុមឆបោកដែលប្រើ AI ដើម្បីបន្លំសំឡេងហៅទូរស័ព្ទឆបោកប្រជាពលរដ្ឋផងដែរ។
លោក ថា ពួកនេះបានប្រើវិធីសាស្ត្រឆបោកមានច្រើនរូបភាព ទាំងការហៅទូរស័ព្ទដោយប្រើប្រាស់សំឡេងបុគ្គលដែលយើងស្គាល់ ឬធ្លាប់ស្គាល់តេមកបោកជនរងគ្រោះ។ សមត្ថកិច្ចនឹងសម្របសម្រួលព័ត៌មានជាមួយក្រុមជំនាញរបស់ក្រសួងឌីជីថលដែលចាត់តាំងដោយនាយករដ្ឋមន្ត្រី៕
ដោយ រ៉ាន់ រើយ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?