ប្រធានាធិបតីប្រទេស តង់សានី ទទួលមរណភាពក្រោយបាត់ខ្លួនជាង២សប្តាហ៍

ប្រធានាធិបតីនៃប្រទេសតង់សានី លោក John Magufuli បានទទួលមរណភាព បន្ទាប់ពីមានការសង្ស័យរយៈពេលច្រើនសប្តាហ៍លើបញ្ហាសុខភាព និងកន្លែងស្នាក់នៅរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសុន្ទរកថាតាមទូរទស្សន៍កាលពីល្ងាចថ្ងៃពុធ លោកអនុប្រធានាធិបតី Samia Suluhu Hassan បាននិយាយថា ប្រធានាធិបតីវ័យ៦១ឆ្នាំរូបនេះ បានទទួលមរណភាពនៅមន្ទីរពេទ្យមួយក្នុងទីក្រុង Dar-Es-Salaam ដោយសារជំងឺបេះដូងដែលគាត់កើតរយៈពេលមួយទសវត្សរ៍មកហើយ។

លោក Hassan និយាយថា ដំបូងលោក Magufuli ត្រូវបានបញ្ជូនទៅកាន់មន្ទីរពេទ្យ Jakaya Kikwete Cardiac Institute កាលពីថ្ងៃទី៦ខែមីនា ប៉ុន្តែត្រូវបញ្ជូនចេញវិញ។ គាត់ត្រូវបានគេបញ្ជូនទៅមន្ទីរពេទ្យជាថ្មីម្តងទៀតនៅថ្ងៃទី១៤ខែមីនា បន្ទាប់ពីមានអារម្មណ៍មិនស្រួលខ្លួន។

លោក Magufuli បានបង្ហាញខ្លួនជាសាធារណៈលើកចុងក្រោយកាលពីថ្ងៃទី២៧ខែកុម្ភៈ ហើយមន្ត្រីរដ្ឋាភិបាលកំពូលៗបានបដិសេធថា គាត់មិនមានបញ្ហាសុខភាពទេ ទោះមានការចែកចាយព័ត៌មានតាមអ៊ីនធឺណេតថា លោកមានជំងឺនិងធ្វើអ្វីលែងកើតក៏ដោយ។

យោងតាមរដ្ឋធម្មនុញ្ញរបស់ប្រទេសតង់សានី លោក Hassan អាយុ៦១ឆ្នាំ នឹងឡើងកាន់តំណែងជាប្រធានាធិបតីសម្រាប់អាណត្តិ៥ឆ្នាំនៅសេសសល់ដែលលោក Magufuli ទទួលបានកាលពីឆ្នាំមុនក្រោយឈ្នះអណត្តិទី២៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ ម្ចាស់​បទ “មុខសញ្ញា” ជួប​ទុក្ខ​ធំ​ក្នុង​គ្រួសារ ​

ចុចអាន៖ ចូលរួម​សោក​ស្តាយ !​ម្ចាស់​បទ​ “ក្រមុំ​ភ្នំពេញ” ទទួលមរណភាព​ទាំង​វ័យ​ក្មេង