Connect with us

ព័ត៌មានអន្ដរជាតិ

រុស្ស៊ី ប្រកាសត្រៀមខ្លួន ធ្វើសង្គ្រាមលោកលើកទី៣ នៅ៣ឆ្នាំខាងមុខ

បានផុស

នៅ

ក្នុងការគំរាមកំហែងថ្មីអំពីជម្លោះជាសកល អនុប្រធានគណៈកម្មាធិការការពារជាតិនៃសភារុស្ស៊ីលោក Aleksey Zhuravlyov បានប្រកាសថា រុស្ស៊ីរឹងដៃរឹងជើងហើយសម្រាប់ការប្រយុទ្ធក្នុងជម្លោះទាំងអស់ ដូច្នេះប្រុសៗត្រូវតែត្រៀមលក្ខណៈសម្រាប់សង្គ្រាមលោកលើកទី៣ ជាមួយបស្ចិមប្រទេសនៅ៣ឆ្នាំខាងមុខ។

លោក Aleksey Zhuravlyov (រូបថត៖ E2W)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Daily Mail កាលពីថ្ងៃព្រហស្បតិ៍ទី១៦ខែមករា, លោក Zhuravlyov បានគូសបញ្ជាក់ថា «អឺរ៉ុបប្រាប់យើងរួចហើយថាឆ្នាំ២០២៨ឬ២០២៩ ពួកគេនិងសម្ព័ន្ធមិត្ត ត្រៀមប្រយុទ្ធជាមួយរុស្ស៊ី ដូច្នេះវាចាំបាច់សម្រាប់យើងដើម្បីការពារមាតុភូមិ នេះមិនមែនជារឿងលេងសើចទេ»។

មតិនេះក៏មានការគាំទ្រពីសំណាក់អនុប្រធានមួយរូបទៀតដែរ គឺលោក Yuri Shvytkin ដែលលើកឡើងថា «ប្រជាជនរុស្ស៊ីគ្រប់រូបត្រូវយល់ថា ពេលមានការគំរាមពីខាងក្រៅ យើងត្រូវតែចាប់កាន់អាវុធនិងការពារមាតុភូមិរបស់យើងឲ្យខាងតែបាន»។

កាលពីឆ្នាំមុន បណ្តាប្រទេសលោកខាងលិចនិងអ៊ុយក្រែន បានតាមដានមើលរុស្ស៊ីមិនឲ្យដាច់ បន្ទាប់ពីលោកវ្ល៉ាឌីមៀរ ពូទីន ពង្រីកសមត្ថភាពយោធាពង្រឹងទ័ពសកម្មឡើងដល់ ១.៥លាននាក់ ក្លាយជាកងកម្លាំងសកម្មធំលំដាប់ទី២នៅលើពិភពលោក បន្ទាប់ពីប្រទេសចិន។

កងទ័ពអង់គ្លេស (រូបថត៖ Reuters)

ពាក់ព័ន្ធរឿងសង្គ្រាមលោកនេះដែរ កាលពីខែវិច្ឆិកាឆ្នាំមុន ឯកអគ្គរដ្ឋទូតរុស្ស៊ីប្រចាំចក្រភពអង់គ្លេសលោក Andrey Kelin ព្រមានថា ពិភពលោក កំពុងស្ថិតនៅលើផ្លូវឆ្ពោះទៅរកសង្គ្រាមលោកលើកទី៣ហើយ។

ការព្រមាននោះធ្វើឡើងបន្ទាប់ពី លោកពូទីន បញ្ជាឲ្យបាញ់មីស៊ីលល្បឿនលឿនជាងសំឡេងវាយប្រហារប្រទេសអ៊ុយក្រែន ឆ្លើយតបទៅប្រធានាធិបតីផុតអាណត្តិអាមេរិកលោក ចូ បៃដិន ដែលបើកដៃឲ្យរដ្ឋាភិបាលទីក្រុងកៀវ ប្រើមីស៊ីលផ្គត់ផ្គង់ដោយទីក្រុងវ៉ាស៊ីនតោន បាញ់ចូលដីរុស្ស៊ី បញ្ឆេះស្ថានការណ៍បង្កភាពតានតឹង។

មិនត្រឹមប៉ុណ្ណឹង សូម្បីប្រធានាធិបតីជាប់ឆ្នោតអាមេរិក ដូណាល់ ត្រាំ ក៏ព្រមានដែរថា គោលនយោបាយអ៊ុយក្រែនរបស់លោក បៃដិន កំពុងរុញអាមេរិកឲ្យធ្លាក់ចូលទៅក្នុងសង្រ្គាមលោកលើកទី៣ហើយ៕

អត្ថបទ៖ សុខ សុវណ្ណ

ចុចអាន៖ ចំណុចខ្លះៗ ដែលគេហ៊ានថា សង្គ្រាមលោកលើកទី៣ បានកើតឡើងហើយ

Helistar Cambodia - Helicopter Charter Services
Sokimex Investment Group
ព័ត៌មានជាតិ២៨ នាទីutes មុន

វិថី​អាហារ​ដែល​មាន​រចនាបថ​ខ្មែរ​រួម​នឹង​ការ​បង្ហាញ​ពី​វប្បធម៌​ប្រពៃណី​ជាតិ​ និង​លេច​រូប​រាង​ចំ​កណ្តាល​ក្រុងកំពត

ព័ត៌មានជាតិ១ ម៉ោង មុន

សហជីព ៖ ការកេងចំណេញនយោបាយពីការដំឡើងពន្ធអាមេរិក គឺ​ជា​ចរិត​នយោបាយ​ដ៏ខ្មៅកខ្វក់​របស់​ក្រុម​ប្រឆាំង

សេដ្ឋកិច្ច១ ម៉ោង មុន

កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%

ព័ត៌មានជាតិ១ ម៉ោង មុន

ស្ពាន​អាកាស​មរតក​តេជោ នឹងសម្ពោធ​​ឱ្យ​ប្រើប្រាស់​​នា​ថ្ងៃ​ទី០៧ ខែមេសា អាជ្ញាធរ​រាជធានី​នឹង​បិទ​ផ្លូវ​មួយ​ចំនួន

ព័ត៌មានជាតិ២ ម៉ោង មុន

អភិបាលរាជធានីណែនាំ​ឱ្យ​ពង្រឹង​សន្តិសុខ សណ្តាប់ធ្នាប់ នា​ឱកាស​បុណ្យ​ចូលឆ្នាំថ្មីខាងមុខ

Sokha Hotels

ព័ត៌មានពេញនិយម