ព័ត៌មានអន្ដរជាតិ
លោក ណេតាន់យ៉ាហ៊ូ ថា កិច្ចព្រមព្រៀងសម្រេចបានហើយ ទោះមានបញ្ហាតិចតួចនៅនាទីចុងក្រោយ
នាយករដ្ឋមន្រ្តីអ៊ីស្រាអែល លោក បេនចាមីន ណេតាន់យ៉ាហ៊ូ បាននិយាយនៅថ្ងៃសុក្រទី១៧ខែមករាឆ្នាំ២០២៥នេះថា កិច្ចព្រមព្រៀងបញ្ជូនចំណាប់ខ្មាំងដែលឃុំខ្លួននៅតំបន់ហ្គាហ្សាស្ទ្រីប ត្រូវបានសម្រេចហើយ ត្បិតការិយាល័យរបស់គាត់នៅមុននេះបាននិយាយថាមានបញ្ហាខ្លះនៅនាទីចុងក្រោយក្នុងការឈានទៅដល់បទឈប់បាញ់ដែលនឹងផ្អាកសង្រ្គាមរយៈពេល១៥ខែជាមួយក្រុមហាម៉ាសក៏ដោយ។
យោងតាមទីភ្នាក់ងារព័ត៌មាន AP លោក ណេតាន់យ៉ាហ៊ូ នឹងកោះប្រជុំគណៈរដ្ឋមន្ត្រីសន្តិសុខនៅថ្ងៃសុក្រនេះ ដើម្បីឲ្យរដ្ឋាភិបាលអនុម័តកិច្ចព្រមព្រៀង។
ការអនុម័តកិច្ចព្រមព្រៀងរបស់អ៊ីស្រាអែល នឹងផ្អាកការប្រយុទ្ធនៅតំបន់ហ្គាហ្សាស្ទ្រីប ហើយចំណាប់ខ្មាំងរាប់សិបនាក់ដែលត្រូវបានឃុំខ្លួន នឹងត្រូវបានដោះលែងឲ្យមានសេរីភាពឡើងវិញ ជាថ្នូរនឹងអ្នកទោសប៉ាឡេស្ទីនរាប់រយនាក់ដែលត្រូវបានចាប់ខ្លួនដោយអ៊ីស្រាអែល។ កិច្ចព្រៀមព្រៀងនេះ ក៏នឹងអនុញ្ញាតឲ្យប្រជាជនប៉ាឡេស្ទីនរាប់សែននាក់ដែលភៀសខ្លួនអាចត្រឡប់ទៅកាន់ផ្ទះសម្បែងរបស់ពួកគេវិញនៅតំបន់ហ្គាហ្សា។
ដំបូងឡើយ អ៊ីស្រាអែលបានពន្យារពេលបោះឆ្នោតអនុម័តកិច្ចព្រមព្រៀងកាលពីថ្ងៃព្រហស្បតិ៍លើបទឈប់បាញ់ ដោយបន្ទោសបញ្ហានៅនាទីចុងក្រោយជាមួយក្រុមហាម៉ាស ខណៈដែលភាពតានតឹងកំពុងកើនឡើងនៅក្នុងសម្ព័ន្ធរដ្ឋាភិបាលរបស់លោក ណេតាន់យ៉ាហ៊ូ ដែលបានធ្វើឲ្យមានការព្រួយបារម្ភអំពីការអនុវត្តកិច្ចព្រមព្រៀង។
ការិយាល័យរបស់លោក ណេតាន់យ៉ាហ៊ូ បានចោទប្រកាន់ក្រុមហាម៉ាស ពីការបដិសេធផ្នែកខ្លះនៃកិច្ចព្រមព្រៀង ក្នុងការប៉ុនប៉ងដើម្បីទទួលបានសម្បទានបន្ថែមទៀត ដោយមិនបានបញ្ជាក់ពីផ្នែកណាមួយឡើយ។
នៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ លោក David Mencer អ្នកនាំពាក្យរដ្ឋាភិបាលអ៊ីស្រាអែល បានប្រាប់ថា ការទាមទារថ្មីរបស់ក្រុមហាម៉ាស ពាក់ព័ន្ធជាមួយនឹងការដាក់ពង្រាយកងកម្លាំងអ៊ីស្រាអែលនៅក្នុងច្រករបៀង Philadelphia ដែលជាផ្លូវដ៏តូចមួយនៅជាប់ព្រំដែនប្រទេសអេហ្ស៊ីប ដែលកងទ័ពអ៊ីស្រាអែលដណ្តើមបានកាលពីខែឧសភាឆ្នាំ២០២៤។
យ៉ាងណាមិញ ក្រុមហាម៉ាស បានបដិសេធការលើកឡើងនេះ ដោយលោក Izzat al-Rishq មន្ត្រីជាន់ខ្ពស់របស់ហាម៉ាស បាននិយាយថា ក្រុមសកម្មប្រយុទ្ធ «បានប្តេជ្ញាចិត្តចំពោះកិច្ចព្រមព្រៀងបទឈប់បាញ់ដែលត្រូវបានប្រកាសដោយអ្នកសម្របសម្រួល»។
សូមបញ្ជាក់ថា អ៊ីស្រាអែលនិងក្រុមហាម៉ាសឈានដល់កិច្ចព្រមព្រៀងបទឈប់បាញ់នៅយប់ថ្ងៃទី១៥ខែមករា២០២៥ ហើយកិច្ចព្រមព្រៀងនោះនឹងចូលជាធរមាននៅថ្ងៃអាទិត្យទី១៩ខែមករា គឺ១ថ្ងៃមុនការឡើងកាន់អំណាចរបស់ដូណាល់ត្រាំជាប្រធានាធិបតីទី៤៧របស់សហរដ្ឋអាមេរិក៕
ដោយ៖ ឈាង
ចុចអាន៖ បទឈប់បាញ់នៅហ្គាហ្សាឈានកិច្ចព្រមព្រៀង នឹងចូលជាធរមាននៅថ្ងៃទី១៩មករា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ