ការ​វាយ​ប្រហារ​ដោយ​កាំបិត​នៅ​ក្នុងសាលា​រៀនបណ្តាល​ឱ្យ​ស្ត្រី​ពីរ​នាក់​ស្លាប់​នៅ​ស្លូវ៉ាគី​

ស្ត្រីពីរនាក់ដែលមានអាយុ១៨ និង៥១ឆ្នាំត្រូវបានសម្លាប់ និងស្ត្រីវ័យក្មេងទៀតម្នាក់បានរងរបួស ដោយសារសិស្សប្រុសម្នាក់ធ្វើការវាយប្រហារដោយកាំបិតលើពួកគេក្នុងសាលារៀនមួយនៅភាគខាងកើតប្រទេសស្លូវ៉ាគី។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី១៧ខែមករានេះ។

ប៉ូលិស​មូលដ្ឋាន​បាន​ជនសង្ស័យ​អាយុ​១៨​ឆ្នាំភេទប្រុស ជា​សិស្ស​សាលាកីឡា។ បន្ទាប់ពីកើតហេតុ ជនសង្ស័យបានកំុឲ្យគេទៅជិតគាត់។ យ៉ាង​ណា​មិញគាត់​ត្រូវ​បាន​ចាប់​ខ្លួន​មួយ​រយៈ​ក្រោយ​មក។ ក្មេង​រង​គ្រោះ​ជា​សិស្ស​២​នាក់ និង​គ្រូ​ម្នាក់។

ការវាយប្រហារនេះបានកើតឡើងនៅ Spisska Stara Ves ដែលជាភូមិមួយដែលមានប្រជាជនចំនួន ២០០នាក់នៅជិតព្រំដែនប្រទេសប៉ូឡូញប្រហែល ៣៨០ គីឡូម៉ែត្រ ភាគខាងជើងឆៀងខាងកើតនៃរដ្ឋធានី Bratislava នៅម៉ោងប្រហែល ១៣:០០ ម៉ោងក្នុងស្រុក។

រដ្ឋមន្ត្រីក្រសួងអប់រំ និងរដ្ឋមន្ត្រីក្រសួងមហាផ្ទៃ បានធ្វើដំណើរទៅកាន់កន្លែងកើតហេតុ ហើយលោកនាយករដ្ឋមន្ដ្រី Robert Fico ក៏បានចូលរួមរំលែកទុក្ខដល់ក្រុមគ្រួសារជនរងគ្រោះដែលបាត់បង់ជីវិតផងដែរ។

បន្ទាប់ពីហេតុការណ៍នេះក្រុមសិស្សមួយចំនួនបានរិះគន់ថាសាលារៀនជាកន្លែងអបរំ​ តែវាបានក្លាយទៅជាកន្លែងផ្ទុះអមពើហិង្សាបង្កគ្រោះថ្នាក់ទៅវិញ៕

អត្ថបទ៖ ប៊ុន សុភាព