ព័ត៌មានអន្ដរជាតិ
WHO៖ ហ្គាហ្សា ត្រូវការហោចណាស់ ១០ពាន់លានដុល្លារ សម្រាប់ស្ដារប្រព័ន្ធសុខភាពឡើងវិញ
យ៉ាងហោចណាស់ទឹកប្រាក់ចំនួន ១០ពាន់លានដុល្លារ ទំនងជានឹងត្រូវការចាំបាច់ ដើម្បីកសាងប្រព័ន្ធសុខភាពដែលបំផ្លិចបំផ្លាញរបស់តំបន់ហ្គាហ្សាឡើងវិញ ក្នុងរយៈពេល៥ទៅ៧ឆ្នាំខាងមុខ។ នេះបើយោងតាមការវាយតម្លៃដំបូងរបស់អង្គការសុខភាពពិភពលោក។

លោក Rik Peeperkorn តំណាងទីភ្នាក់ងារសុខភាពរបស់អង្គការសហប្រជាជាតិប្រចាំនៅទឹកដីប៉ាឡេស្ទីន បានប្រាប់អ្នកយកព័ត៌មានថា៖ «តម្រូវការគឺធំធេងណាស់… ច្រើនជាង ៣ពាន់លានដុល្លារសម្រាប់រយៈពេល១ឆ្នាំកន្លះដំបូង និងបន្ទាប់មក ១០ពាន់លានដុល្លារសម្រាប់រយៈពេល ៥ទៅ ៧ឆ្នាំ»។
ជាមួយនឹងបទឈប់បាញ់នៅទីបំផុតបានលេចចេញជារូបរាង ក្រុមមនុស្សធម៌កំពុងអំពាវនាវឲ្យមានការកើនឡើងយ៉ាងខ្លាំងនៃជំនួយមនុស្សធម៌ទៅកាន់តំបន់ហ្គាហ្សា ដែលរងការបំផ្លិចបំផ្លាញព្រោះសង្រ្គាម ចំពេលមានកិច្ចខិតខំប្រឹងប្រែងដើម្បីកំណត់ទំហំនៃតម្រូវការដ៏ខ្ពស់នេះ។
ទន្ទឹមនោះ ប្រធានអង្គការសុខភាពពិភពលោក លោក Tedros Adhanom Ghebreyesus បានឲ្យដឹងថា៖ «មានតិចជាងពាក់កណ្តាលនៃមន្ទីរពេទ្យក្នុងហ្គាហ្សាដែលអាចដំណើរការបាន»។
លោកបានសាទរចំពោះសេចក្តីប្រកាសកាលពីថ្ងៃពុធពីអ្នកសម្រុះសម្រួលដែលថា ទីបំផុតអ៊ីស្រាអែល និងក្រុមហាម៉ាសបានឈានដល់បទឈប់បាញ់ ដោយបញ្ជាក់ថាវាជាព័ត៌មានដ៏ល្អបំផុត។
លោកបានសម្តែងក្តីសង្ឃឹមថា៖ «កិច្ចព្រមព្រៀងនេះជាការបញ្ចប់ជំពូកងងឹតបំផុតក្នុងប្រវត្តិសាស្ត្រនៃទំនាក់ទំនងរវាងអ៊ីស្រាអែល និងប៉ាឡេស្ទីន»។
សូមបញ្ជាក់ថា អ៊ីស្រាអែលនិងក្រុមហាម៉ាសឈានដល់កិច្ចព្រមព្រៀងបទឈប់បាញ់នៅយប់ថ្ងៃទី១៥ខែមករា២០២៥ ហើយកិច្ចព្រមព្រៀងនោះនឹងចូលជាធរមាននៅថ្ងៃអាទិត្យទី១៩ខែមករា គឺ១ថ្ងៃមុនការឡើងកាន់អំណាចរបស់ដូណាល់ត្រាំជាប្រធានាធិបតីទី៤៧របស់សហរដ្ឋអាមេរិក៕
ដោយ៖ ឈាង

-
ព័ត៌មានអន្ដរជាតិ៥ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៥ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៦ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ ago
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ