ព័ត៌មានអន្ដរជាតិ

ចិន បង្ហាញផែនការប្រែក្លាយប្រទេសជាប្រជាជាតិមានការអប់រំខ្ពស់នៅឆ្នាំ២០៣៥

បានផុស

២ សប្តាហ៍ មុន

នៅ

ថ្ងៃចន្ទ ២០ មករា ២០២៥

ដោយ

Chheang

វិស័យអប់រំនៅប្រទេសចិន នឹងត្រូវពង្រឹងខ្លាំងជាងមុន ជាមួយគោលបំណងកែប្រែមុខមាត់ប្រទេសឲ្យក្លាយជាប្រជាជាតិមានការអប់រំខ្ពស់បំផុតមួយលើពិភពលោកនៅត្រឹមឆ្នាំ២០៣៥ខាងមុខ ដែលនឹងជួយសម្រួលដល់ការអភិវឌ្ឍ ការកែលម្អប្រសិទ្ធភាពក្នុងការច្នៃប្រឌិត និងការកសាងប្រទេសឲ្យរឹងមាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារព័ត៌មាន Xinhua ផែនការនេះ ត្រូវបានដាក់ចេញដោយគណៈកម្មាធិការកណ្តាលរបស់បក្សកុម្មុយនិស្ត និងក្រុមប្រឹក្សារដ្ឋចិន កាលពីថ្ងៃអាទិត្យទី១៩ខែមករាឆ្នាំ២០២៥។ ការប្រកាសនេះ ធ្វើឡើងបន្ទាប់ពីទិន្នន័យកាលពីថ្ងៃសុក្របានបង្ហាញថា ចំនួនប្រជាជនចិនបានធ្លាក់ចុះចំនួន៣ឆ្នាំជាប់ៗគ្នា ក្នុងឆ្នាំ២០២៤ ខណៈចំនួនអ្នកស្លាប់មានការកើនឡើង ហើយអ្នកជំនាញបានព្រមានថាការធ្លាក់ចុះនឹងកាន់តែអាក្រក់នៅក្នុងប៉ុន្មានឆ្នាំខាងមុខនេះ។

ការចំណាយលើការថែទាំ និងថ្លៃអប់រំកុមារ គឺជាកត្តាសំខាន់មួយបង្អាក់យុវជនចិនមិនឲ្យយកកូន ចំពេលដែលមនុស្សជាច្រើនបច្ចុប្បន្នកំពុងប្រឈមមុខនឹងភាពមិនច្បាស់លាស់អំពីអនាគតការងាររបស់ពួកគេ ព្រោះតែកំណើនសេដ្ឋកិច្ចធ្លាក់ចុះ។

Xinhua បានចុះផ្សាយថា៖ «នៅឆ្នាំ២០៣៥ អំណាចនៃការអប់រំនឹងត្រូវបានបង្កើតឡើង» ដោយបន្ថែមថា ចិននឹងស្វែងរកការពង្រីកវិសាលភាពនៃការអប់រំដោយឥតគិតថ្លៃបន្តិចម្តងៗ បង្កើនការចុះឈ្មោះចូលរៀនថ្នាក់បរិញ្ញាបត្រដែលមានគុណភាពខ្ពស់ ពង្រីកការអប់រំក្រោយឧត្តមសិក្សា និងបង្កើនចំនួននិស្សិតថ្នាក់បណ្ឌិត៕

ដោយ៖ ឈាង

Related Topics:ប្រទេសចិន