ព័ត៌មានអន្ដរជាតិ
មុនផុតអាណត្តិនៅម៉ោង១២យប់នេះ លោក បៃដិន លើកលែងការចោទប្រកាន់ទាំងអស់ដល់មនុស្សសំខាន់ៗ
ថ្ងៃនេះជាថ្ងៃចុងក្រោយរបស់ប្រធានាធិបតីអាមេរិក ចូ បៃដិន (Joe Biden) នៅសេតវិមាន ពោលគឺរយៈពេលបួនឆ្នាំមកទល់នឹងថ្ងៃនេះ ហើយក៏រយៈពេលជិតគម្រប់ខួប៣ឆ្នាំនៃសង្គ្រាមនៅអ៊ុយក្រែនបានផ្ទុះឡើង ក្នុងអំណាចរបស់លោក ប៉ុន្តែលោកមិនបាននៅបញ្ចប់វានោះទេ។
ប្រធានាធិបតីបន្តតំណែង គឺលោក ដូណាល់ ត្រាំ(Donald Trump) បានសន្យាក្នុងពេលយុទ្ធនាការរកការគាំទ្រការបោះឆ្នោតនៅមុនថ្ងៃទី៥ខែវិច្ឆិកាឆ្នាំ២០២៤ ថា លោកនឹងបញ្ចប់វា ត្រឹមតែរយៈពេល២៤ ឬហៅថា ត្រឹមតែ១ថ្ងៃ។
ក្នុងពេលសង្គ្រាមអ៊ុយក្រែន-រុស្ស៊ីជិត៣ឆ្នាំកន្លងមកនេះ រដ្ឋបាលសហរដ្ឋអាមេរិក ស្ថិតក្រោមការកាច់ចង្កូតរបស់លោក ចូ បៃដិន បានជួយឧបត្ថម្ភអ៊ុយក្រែនដែលមានទឹកប្រាក់រហូតដល់១០៦ពាន់លានដុល្លារក្នុងចំណោមទឹមប្រាក់១៧៥ពាន់លានដុល្លារដែលសភាអនុម័ត ត្រូវបានបញ្ជូនផ្ទាល់ទៅរដ្ឋាភិបាលអ៊ុយក្រែន។ ក្នុងចំណោមទឹកប្រាក់១០៦ពាន់លានដុល្លារនោះ ទឹកប្រាក់ជំនួយយោធា មានប្រហែល៦១ពាន់លានដុល្លារអាមេរិក។
នៅថ្ងៃចុងក្រោយនៃការកាន់អំណាច តាមសេចក្តីរាយការណ៍របស់ BBC ប្រធានាធិបតី ចូ បៃដិន គ្រោងនឹងទទួលការសង្ខេបព័ត៌មានប្រចាំថ្ងៃដូចសព្វដងរបស់គាត់។ ព្រឹត្តិការណ៍សង្ខេបព័ត៌មាន ជាកាលវិភាគជាប្រចាំថ្ងៃដែលកើតឡើងមិនត្រូវបានផ្សព្វផ្សាយជាសាធារណៈ ដែលគាត់ទទួលបានព័ត៌មានចុងក្រោយពីអង្គភាពស៊ើបការណ៍សម្ងាត់អាមេរិក។
នៅថ្ងៃចុងក្រោយនេះដែរ ប្រធានាធិបតី ចូ បៃដិន ដែលមានវ័យ៨២ឆ្នាំ បានបន្តចុះហត្ថលេខាលើក្រឹត្យលើកលែងទោសដល់បុគ្គលសំខាន់ៗ ក្នុងនោះ មានលោក បណ្ឌិត Anthony Fauci និង ឧត្តមសេនីយ៍ Mark Milley ដែលជា សមាជិកគណៈកម្មការស៊ើបអង្កេតហេតុការណ៍ថ្ងៃទី៦មករា២០២០ និង អ្នករីះគន់ការដឹកនាំរបស់ដូណាល់ ត្រាំ ហើយបារម្ភពីការដាក់ទោសទណ្ឌពីរដ្ឋបាលលោកដូណាល់ត្រាំ។ លោក ចូ បៃដិន ក៏នឹងប្រើអភិឯកសិទ្ធិប្រធានាធិបតីលើកលែងទោសដល់គណៈកម្មការទាំងឡាយដែលជាប់ពាក់ព័ន្ធនឹងព្រឹត្តិការណ៍៦មករាឆ្នាំ២០២០ ដែលមានអំពើហិង្សារវាងអ្នកគាំទ្រដូណាល់ត្រាំនៅវិមានរដ្ឋសភា ដែលគេស្គាល់ថា វិមានកាពីតូល។
តាមសេចក្តីរាយការណ៍ លោក ដូណាល់ ត្រាំ ក្រោយស្បថចូលកាន់ដំណែងជាប្រធានាធិបតីនៅថ្ងៃចន្ទនេះ ក៏នឹងប្រើអភិឯកសិទ្ធិឬសិទ្ធិប្រទាននេះ ដើម្បីលើកលែងទោសដល់អ្នកទាំងឡាយណាដែលត្រូវបានចោទប្រកាន់ក្នុងហេតុការណ៍ហិង្សាកាលថ្ងៃទី៦ខែមករាឆ្នាំ២០២០នោះដែរ។
នៅថ្ងៃចន្ទនេះ លោក ចូ បៃដិន នឹងស្វាគមន៍លោក ដូណាល់ ត្រាំ និង ភរិយាត្រាំ លោកស្រី Melania Trump ហើយធ្វើជាម្ចាស់ផ្ទះសម្រាប់ទទួលទឹកតែ និងកាហ្វេនៅក្នុងបន្ទប់ពណ៌បៃតងនៃសេតវិមាន។
នៅពេលក្រោយ លោក ត្រាំ និង បៃដិន នឹងចាកចេញ រួមគ្នាទៅកាន់វិមានរដ្ឋសភា Capitol របស់សហរដ្ឋអាមេរិក ជាកន្លែងដែលលោក ចូ បៃដិន នឹងចូលរួមក្នុងពិធីស្បថចូលកាន់តំណែង។ អនុប្រធានាធិបតី កាម៉ាឡា ហារីស (Kamala Harris) និងស្វាមីរបស់លោកស្រី Doug Emhoff ក៏ដូចជា អនុប្រធានាធិបតីរបស់លោក ដូណាល់ ត្រាំ គឺ លោក JD Vance និង ភរិយារបស់គាត់ លោកស្រី Usha Vance នឹងនៅទីនោះផងដែរ។
ជាផ្លូវការ លោក ចូ បៃដិន នឹងលែងធ្វើជាប្រធានាធិបតីទៀតនៅពេលថ្ងៃត្រង់ ម៉ោងនៅសហរដ្ឋអាមេរិក។ ដោយសារម៉ោងនៅកម្ពុជាខុសគ្នា១២ម៉ោងពីទីតាំងប្រារព្វពិធីរបស់ប្រធានាធិបតីសហរដ្ឋអាមេរិក ម៉ោងផុតកំណត់ជាប្រធានាធិបតី ចូ បៃដិន គឺនៅម៉ោង១២យប់ម៉ោងនៅកម្ពុជា៕
ដោយ រ៉ាន់ រើយ
ឈ្វេងយល់ពីវិធីសាស្ត្រព្យាបាលជំងឺមហារីកគ្រាប់ឈាម តាមរយៈបច្ចេកទេសទំនើបចុងក្រោយនៃមជ្ឈមណ្ឌល Parkway Cancer Centre
តម្លៃប្រេងអន្តរជាតិធ្លាក់ចុះតិចតួចប្រចាំថ្ងៃ តែកើនប្រចាំសប្ដាហ៍
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៦ ម៉ឺនកន្លែង បម្រើវិស័យធំៗ ៣
ថ្ងៃស្អែក ឈុត ចិត្រា ប៉ះកីឡាករជប៉ុន Hirota ក្នុងការប្រកួតប្រដាល់សកល
កីឡាករ ណៃ កា កីឡាថ្មីនេះប្លែកបន្តិច ប៉ុន្តែប្ដេជ្ញាយកមេដាយជូនកម្ពុជាឲ្យបាន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?