ព័ត៌មានអន្ដរជាតិ

អ្នកតវ៉ាជិត៩០នាក់ត្រូវឃុំខ្លួន ខណៈលោក Yoon យល់ព្រមចូលសវនាតុលាការធម្មនុញ្ញ

បានផុស

២ ខែ មុន

នៅ

ថ្ងៃអង្គារ ២១ មករា ២០២៥

ដោយ

អាជ្ញាធរកូរ៉េខាងត្បូងបានចាប់ឃុំខ្លួនមនុស្សយ៉ាងហោចណាស់៨៦នាក់នៃក្រុមអ្នកតវ៉ាគាំទ្រប្រធានាធិបតី Yoon Suk Yeol ដោយបានប្រើប្រាស់អំពើហិង្សាប្រឆាំងដីកាតុលាការក្រុងសេអ៊ូល។ នេះថ្ងៃនេះដែរ តុលាការធម្មនុញ្ញកូរ៉េខាងត្បូងបន្តបើកសវនាការ ស្របពេលដែលលោក Yoon យល់ព្រមចូលរួមឆ្លើយបំភ្លឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកតវ៉ាគាំទ្រប្រធានាធិបតី បានកើនឡើងចំនួនកាន់តែច្រើនឡើងៗ និងការប្រើប្រាស់អំពើហិង្សាកាន់តែកាន់ឡើងដូចគ្នា ប្រឆាំងដីកាចាប់ខ្លួនរបស់តុលាការដែលបើកផ្លូវឲ្យការិល័យស៊ើបអង្កេតពុករលួយសាកសួរលោក Yoon Suk Yeol ដែលកន្លងមកបានបដិសេធក្នុងការឆ្លើយបំភ្លឺនេះ ដោយលោកចាត់ទុកថា«ខុសច្បាប់»។

តាមសេចក្តីរាយការណ៍របស់ទីភ្នាក់ងារព័ត៌មានកូរ៉េ Yonhap ហ្វួងបាតុករបានប្រមូលផ្តុំដែលមានចំនួនកើនឡើងជាបន្តបន្ទាប់រហូតដល់ជាង៤ម៉ឺននាក់ចាប់តាំងពីថ្ងៃសៅរ៍មក បន្ទាប់ពីតុលាការចេញដីកាចាប់ខ្លួន ដើម្បីពង្រីករយៈពេលឃុំខ្លួន លោក Yoon Suk Yeol បើកផ្លូវឲ្យមានការសួរចម្លើយរបស់ការិយាល័យស៊ើបអង្កេតពុករលួយសម្រាប់មន្ត្រីរដ្ឋាភិបាលជាន់ខ្ពស់ ជុំវិញការប្រកាសច្បាប់អាជ្ញាសឹកកាលពីដើមខែធ្នូឆ្នាំ២០២៤។

នៅថ្ងៃអង្គារនេះ មេធាវីតំណាងលោក Yoon បានបញ្ជាក់ថា កូនក្តីរបស់លោកព្រមសហការចូលរួមសវនាការរបស់តុលាការធម្មនុញ្ញ ដែលបើកសវនាការ២ថ្ងៃក្នុង១សប្តាហ៍ ដើម្បីដំណើរការការចោទប្រកាន់ទម្លាក់អំណាច លោក Yoon ដែលប្តឹងដោយសភាជាតិ បន្ទាប់ពីការបោះឆ្នោតទម្លាក់កាលពីថ្ងៃទី១៤ខែធ្នូឆ្នាំមុន។

តុលាការធម្មនុញ្ញកូរ៉េខាងត្បូងដែលបច្ចុប្បន្នមានសមាជិក៨រូបក្នុងចំណោមចៅក្រមសរុប៩រូប បានបើកសវនាលើសំណុំរឿងប្តឹងទម្លាក់លោក Yoon ឈានចូលសប្តាហ៍ទី២ ហើយតុលាការនឹងដំណើរការសាកសួររហូតដល់ចុងខែកុម្ភៈ ទើបធ្វើសេចក្តីសន្និដ្ឋាន និងអាចសម្រេចក្តីនៅក្នុងខែមីនា ថាតើនឹងត្រូវតម្កល់ពាក្យបណ្តឹងសភាចាត់ទុកជាបានការ ឬក៏ត្រូវច្រានចោលដោយប្រគល់អំណាច ឲ្យប្រធានាធីបតី Yoon Suk Yeol វិញ៕