ព័ត៌មានអន្ដរជាតិ

បំណាក់ដី និងទឹកជំនន់រហ័សសម្លាប់មនុស្សយ៉ាងហោចណាស់១៦នាក់នៅឥណ្ឌូណេស៊ី

បានផុស

២ សប្តាហ៍ មុន

នៅ

ថ្ងៃពុធ ២២ មករា ២០២៥

ដោយ

យ៉ាងហោចណាស់មនុស្ស១៦នាក់បានស្លាប់ និង១០នាក់រងរបួស ខណៈដែលទឹកជំនន់រហ័ស (Flash Flood) បណ្តាលឲ្យមានបំណាក់ដី កំពុងវាយប្រហារតំបន់កណ្ដាលខេត្តជ្វារបស់ប្រទេសឥណ្ឌូណេស៊ី។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២២ខែមករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យទីភ្នាក់ងារកាត់បន្ថយគ្រោះមហន្តរាយរបស់ប្រទេសឥណ្ឌូណេស៊ី បានឲ្យដឹងថា បំណាក់ដីនៅក្នុងភូមិ Kasimpar ទីក្រុង Pekalongan ភាគកណ្ដាលខេត្តជ្វា បង្កឡើងដោយភ្លៀងធ្លាក់ខ្លាំង។ អាជ្ញាធរកំពុងស្វែងរកអ្នកបាត់ខ្លួនបីនាក់ផ្សេងទៀត ខណៈមានការព្រមានថា ភ្លៀងនឹងបន្តធ្លាក់ក្នុងរយៈពេលជាច្រើនថ្ងៃ។

ទូរទស្សន៍ក្នុងស្រុក Kompas TV បានបង្ហាញផ្ទះដែលរងការខូចខាតយ៉ាងដំណំ និងមួយផ្នែកដោយសារការបាក់ដី។ រថយន្តជាច្រើនគ្រឿងក៏ត្រូវបានគេប្រទះឃើញលិចកប់ក្នុងភក់ ផ្លូវថ្នល់ជាច្រើនរងផលប៉ះពាល់ដោយកម្ទេចកម្ទីថ្ម និងថ្មនៅពាសពេញផ្លូវទាំងនោះ ខណៈស្ពានពីរក៏បានរងការប៉ះទង្គិចផងដែរ។

ជាបទពិសោធន៍ ប្រទេសឥណ្ឌូណេស៊ីងាយរងបំណាក់ដីក្នុងរដូរភ្លៀង ដែលកើតមានជាធម្មតានៅចន្លោះខែវិច្ឆិកា និងខែមេសា ប៉ុន្តែគ្រោះមហន្តរាយមួយចំនួនដែលបណ្តាលមកពីអាកាសធាតុមិនល្អបានកើតឡើងនៅខាងក្រៅរដូវនោះក្នុងប៉ុន្មានឆ្នាំថ្មីៗនេះ។

កាលពីខែធ្នូ មនុស្សចំនួន១០នាក់ត្រូវបានស្លាប់នៅក្នុងទឹកជំនន់រហ័សដែលបានវាយប្រហារភូមិមួយចំនួននៅតំបន់ភ្នំនៅលើកោះជ្វាដ៏សំខាន់របស់ប្រទេស។ កាលពីខែមុន គ្រោះទឹកជំនន់ និងបំណាក់ដីនៅខេត្តស៊ូម៉ាត្រាខាងជើងក៏បានសម្លាប់មនុស្សយ៉ាងតិច ២៩នាក់ផងដែរ៕