មិនធម្មតា! មួយសប្ដាហ៍ ជប៉ុនរកឃើញអ្នកឆ្លងវីរុសបំប្លែងខ្លួនថ្មីជាង ១២០ ករណី

ប្រទេសជប៉ុនបានបញ្ជាក់ពីការរកឃើញជំងឺកូវីដ ១៩ បំប្លែងខ្លួនប្រភេទថ្មីច្រើនជាង ១២០ ករណីក្នុងអំឡុងពេលមួយសប្តាហ៍រហូតដល់ថ្ងៃពុធ ។

ក្រសួងសុខាភិបាលជប៉ុនបាននិយាយថា ការវិភាគហ្សែនបានបញ្ជាក់ថា មនុស្ស ១២៨ នាក់នៅក្នុងខេត្តចំនួន ១១ បានឆ្លងជំងឺកូវីដ ១៩ បំប្លែងខ្លួនប្រភេទថ្មីដែលកំពុងរីករាលដាលនៅចក្រភពអង់គ្លេស អាហ្វ្រិកខាងត្បូង និងប្រេស៊ីល ។

តួលេខនេះបានកើនឡើង ៥១ ករណី ឬ ៦៦ ភាគរយពីចំនួនដែលបានបញ្ជាក់ក្នុងសប្តាហ៍មុន ។

តួលេខចុងក្រោយដែលត្រូវបានបញ្ជាក់នេះនាំឲ្យប្រទេសជប៉ុនមានករណីឆ្លងជំងឺកូវីដ ១៩ បំប្លែងខ្លួនប្រភេទថ្មីកើនដល់ ៣៩៩ នាក់ ។

គួរបញ្ជាក់ថា ក្នុងចំណោមករណីឆ្លងជំងឺកូវីដ ១៩ បំប្លែងខ្លួនថ្មីសរុប ៣៩៩ ករណី មាន ៣៧៤ ករណីជាវីរុសអង់គ្លេស ១៧ ករណីជាវីរុសប្រេស៊ីល និង ៨ ករណីជាវីរុសអាហ្វ្រិកខាងត្បូង ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ជប៉ុនរកឃើញជំងឺកូវីដ ១៩ បំប្លែងខ្លួនថ្មីមួយប្រភេទទៀតលើអ្នកដំណើរអាយុ ៦០ ឆ្នាំ

ចុចអាន ៖ ជប៉ុនពិចារណាប្រើសឺរ៉ាំងបូមវ៉ាក់សាំងបាន ៧ ដូសចេញពីមួយដប