ព័ត៌មានអន្ដរជាតិ
ក្រោយបទឈប់បាញ់អនុវត្ត ហ្គាហ្សាទទួលបានជំនួយច្រើនជាង ២ ៤០០ឡានក្នុងរយៈពេល៣ថ្ងៃ
កាលពីថ្ងៃទី២១ខែមករាឆ្នាំ២០២៥ រថយន្តជំនួយមនុស្សធម៌ជិត ៩០០គ្រឿងបានចូលក្នុងតំបន់ហ្កាហ្សាស្ទ្រីប ដែលវាគឺជាថ្ងៃទី៣ នៃបទឈប់បាញ់រវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស។ នេះនាំឲ្យចំនួនសរុបនៃឡានដឹកទំនិញចូលហ្គាហ្សាក្នុងរយៈពេលបីថ្ងៃកន្លងមកនេះ មានដល់ជាង ២ ៤០០គ្រឿង។
ប្រតិបត្តិការមនុស្សធម៌របស់អង្គការសហប្រជាជាតិនៅតំបន់ហ្គាហ្សា ដែលបានប្រឈមមុខនឹងបញ្ហាជាច្រើនក្នុងអំឡុងពេលនៃជម្លោះរយៈពេល១៥ខែមកទល់ពេលនេះ មិនទាន់បានជួបប្រទះបញ្ហាច្បាប់ និងសណ្តាប់ធ្នាប់ធំដុំអ្វីនោះទេ។
លោក Muhannad Hadi មន្ត្រីជាន់ខ្ពស់ផ្នែកជំនួយរបស់អង្គការសហប្រជាជាតិសម្រាប់តំបន់ហ្គាហ្សា និងតំបន់ West Bank បានរាយការណ៍ពីឧប្បត្តិហេតុតិចតួចប៉ុណ្ណោះនៃការលួចឆក់នៅក្នុងរយៈពេលប៉ុន្មានថ្ងៃកន្លងមកនេះ មិនដូចកាលពីមុននោះឡើយ។ លោកបានកត់សម្គាល់ថា ទាំងនេះមិនមែនជាករណីឧក្រិដ្ឋកម្មទេ តួយ៉ាងដូចជា កុមារប៉ុនប៉ងយកកន្ត្រកអាហារ ឬមនុស្សព្យាយាមលួចទឹកដប។ លោកបានសម្តែងក្តីសង្ឃឹមថា ឧបទ្ទវហេតុទាំងនេះនឹងថយចុះនៅពេលដែលការផ្គត់ផ្គង់ជំនួយកើនឡើង ហើយប្រជាជនដឹងថាមានជំនួយគ្រប់គ្រាន់សម្រាប់មនុស្សគ្រប់គ្នា។
ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បានរាយការណ៍ថា រថយន្តជំនួយចំនួន ៨៩៧គ្រឿងបានចូលដល់តំបន់ហ្គាហ្សាកាលពីថ្ងៃអង្គារ ដែលជាការធ្លាក់ចុះបន្តិចពីចំនួន ៩១៥គ្រឿងកាលពីថ្ងៃមុន ប៉ុន្តែនៅតែលើសគោលដៅនៃរថយន្តចំនួន ៦០០គ្រឿងដែលត្រូវបានអនុញ្ញាតដោយកិច្ចព្រមព្រៀងបទឈប់បាញ់។ នេះរួមបញ្ចូលទាំងរថយន្តដឹកទំនិញសំខាន់ៗដូចជា អាហារ ប្រេង និងគ្រឿងផ្គត់ផ្គង់វេជ្ជសាស្ត្រ។
បទឈប់បាញ់ចែងថា យ៉ាងហោចណាស់រថយន្តដឹកទំនិញចំនួន ៦០០គ្រឿង រួមទាំងប្រេងឥន្ធនៈចំនួន ៥០គ្រឿង គួរតែត្រូវបានអនុញ្ញាតឲ្យចូលទៅក្នុងតំបន់ហ្គាហ្សាជារៀងរាល់ថ្ងៃសម្រាប់រយៈពេលប្រាំមួយសប្តាហ៍។ ពាក់កណ្តាលនៃរថយន្តដឹកទំនិញទាំងនេះ ត្រូវបានកំណត់សម្រាប់តំបន់ភាគខាងជើង ដែលគ្រោះទុរ្ភិក្សនឹងអាចកើតមានដោយសារតែជម្លោះ និងការបិទផ្លូវដែលកំពុងបន្ត។
ទោះបីជាមានការបញ្ជូនជំនួយជាបន្តបន្ទាប់ក៏ដោយ លោក Hadi បានព្រមានថា ប្រតិបត្តិការមនុស្សធម៌នៅតែបន្តប្រឈមមុខនឹងបញ្ហាសំខាន់ៗ ដូចជា ការបំផ្លិចបំផ្លាញបណ្តាញផ្លូវរបស់ហ្គាហ្សា ដែលបង្កឲ្យមានបញ្ហាដល់ការដឹកជញ្ជូនជំនួយ និងការរឹតបន្តឹងលើការផ្លាស់ទីរបស់ប្រជាជនហ្គាហ្សា។ អង្គការសហប្រជាជាតិ បានសង្កត់ធ្ងន់លើតម្រូវការសម្រាប់ការគាំទ្របន្តដើម្បីដោះស្រាយតម្រូវការមនុស្សធម៌សំខាន់ៗ រួមមានជំនួយស្បៀងអាហារ ការបើកហាងនំប៉័ង ការផ្តល់ការថែទាំសុខភាព ការផ្គត់ផ្គង់ថ្នាំដល់ខាងមន្ទីរពេទ្យ ការជួសជុលបណ្តាញទឹក និងការសាងសង់ជម្រកឡើងវិញ។ ប្រតិបត្តិការនេះក៏មានគោលបំណងបង្រួបបង្រួមគ្រួសារដែលបែកបាក់គ្នាដោយជម្លោះផងដែរ៕
ដោយ៖ ឈាង
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ផ្លូវហ្សាលឌឺហ្គោល (ផ្លូវ២១៧) នឹងត្រូវរៀបចំសណ្តាប់ធ្នាប់ រួមជាមួយផ្លាស់ប្តូរការ៉ូឡាថ្មី ដើម្បីយកធ្វើជាផ្លូវគំរូ
លោកជំទាវ ហ៊ុន ម៉ាណា ប្រគល់អគារទីចាត់ការ អគារបណ្ណាល័យ បន្ទប់ទឹក និងផ្ដល់អាហារ១ពេលដល់សិស្សានុសិស្ស នៃសាលាបឋមសិក្សាទួលចំប៉ី ក្នុងស្រុកកំពង់សៀម ខេត្តកំពង់ចាម
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
បារាំង-អង់គ្លេស ចេញមុខកែនទ័ពអឺរ៉ុប៣ម៉ឺននាក់ បញ្ជូនទៅអ៊ុយក្រែន ធ្វើឲ្យរុស្ស៊ី ក្តៅឆេវ
អធិការរងខណ្ឌ ៧ មករា ម្នាក់ បើករថយន្តធ្លាក់ស្ពាន ស្លាប់មនុស្សម្នាក់ និងរបួសធ្ងន់-ស្រាល ៤ នាក់
មន្ត្រីអាមេរិកប្រាប់អ៊ុយក្រែន ឲ្យឈប់ឈ្លោះជាមួយ ត្រាំ ហើយងាកមកស៊ីញ៉េកិច្ចព្រមព្រៀងផ្តល់ធនធានរ៉ែវិញ
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៦ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ព័ត៌មានជាតិ១ សប្តាហ៍ agoកម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់