ព័ត៌មានអន្ដរជាតិ
ក្រុមហេសបូឡា ទាមទារឲ្យកងកម្លាំងអ៊ីស្រាអែល ដកខ្លួនចេញពីលីបង់ឲ្យទាន់ពេលវេលា
ក្រុមហេសបូឡាដែលឈរជើងក្នុងប្រទេសលីបង់ បានទាមទារឱ្យកងកម្លាំងអ៊ីស្រាអែលដកទ័ពចេញពីភាគខាងត្បូងរបស់លីបង់ស្របតាមលក្ខខណ្ឌនៃកិច្ចព្រមព្រៀងឈប់បាញ់ដែលបានព្រមព្រៀងដោយភាគីទាំងពីរ ខណៈដែលរដ្ឋាភិបាលអ៊ីស្រាអែល បាននិយាយថា កិច្ចព្រមព្រៀងនេះមិនទាន់អនុវត្តបានលឿនបែបនេះនោះទេ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២៤ខែមករានេះ។

គួររម្លឹកថា អ៊ីស្រាអែលនិងក្រុមសម្ព័ន្ធមិត្តអ៊ីរ៉ង់បានព្រមព្រៀងគ្នាកាលពីខែវិច្ឆិកាចំពោះបទឈប់បាញ់ដែលសម្របសម្រួលដោយបារាំង និងសហរដ្ឋអាមេរិក ដែលនាំមកនូវការបញ្ចប់ការប្រយុទ្ធគ្នាជាងមួយឆ្នាំ។ នៅក្រោមកិច្ចព្រមព្រៀងនេះ កងកម្លាំងអ៊ីស្រាអែលត្រូវដកខ្លួនចេញពីប្រទេសលីបង់ ហើយកងកម្លាំងហេសបូឡា ត្រូវដកចេញពីភាគខាងត្បូងលីបង់ក្នុងរយៈពេល៦០ថ្ងៃ។
ប៉ុន្តែអ្នកនាំពាក្យរដ្ឋាភិបាលអ៊ីស្រាអែល លោក David Mencer បានប្រាប់អ្នកយកព័ត៌មាននៅថ្ងៃព្រហស្បតិ៍ថា៖« អ៊ីស្រាអែលបានបញ្ជាក់យ៉ាងច្បាស់ថា ចលនាទាំងនេះមិនទាន់ធ្វើបានលឿននោះទេ ហើយនៅមានការងារជាច្រើនទៀតដែលត្រូវធ្វើដោយបញ្ជាក់ថា អ៊ីស្រាអែលចង់ឱ្យកិច្ចព្រមព្រៀងនេះបន្ត»។
លោក Mencer មិនបានបញ្ជាក់ថាតើ អ៊ីស្រាអែលបានស្នើសុំការបន្តកិច្ចព្រមព្រៀងនេះ ឬនិយាយថាថាតើកងកម្លាំងអ៊ីស្រាអែលនឹងបន្តនៅក្នុងប្រទេសលីបង់ បន្ទាប់ពីកាលបរិច្ឆេទកំណត់រយៈពេល៦០ថ្ងៃនោះទេ។
ចំណែកឯកអគ្គរដ្ឋទូតអ៊ីស្រាអែលប្រចាំនៅសហរដ្ឋអាមេរិកបាននិយាយថា អ៊ីស្រាអែលកំពុងពិភាក្សាជាមួយរដ្ឋបាលរបស់ប្រធានាធិបតី ដូណាល់ ត្រាំ ដើម្បីបញ្ចុះបញ្ចូលសហរដ្ឋអាមេរិកឱ្យពន្យាពេលកំណត់យ៉ាងហោចណាស់មួយខែទៀត។

ទោះយ៉ាងណាក្រុមហេសបូឡាថា អ៊ីស្រាអែលត្រូវតែដកខ្លួនចេញទាំងស្រុងពីប្រទេសលីបង់ ខណៈដែលរយៈពេល ៦០ថ្ងៃនៅក្នុងកិច្ចព្រមព្រៀងឈប់បាញ់បានឈានដល់ទីបញ្ចប់ ហើយបានព្រមានថាការបំពានណាមួយនៃកិច្ចព្រមព្រៀងនឹងមិនត្រូវបានទទួលយកឡើយ។
រដ្ឋាភិបាលលីបង់ក៏បានប្រាប់អ្នកសម្រុះសម្រួលអាមេរិកថា ការខកខានរបស់អ៊ីស្រាអែលក្នុងការដកខ្លួនទាន់ពេលវេលាអាចធ្វើឱ្យមានភាពស្មុគស្មាញដល់ការដាក់ពង្រាយកងទ័ពលីបង់ ហើយនេះនឹងជាការប៉ះទង្គិចដល់កិច្ចខិតខំប្រឹងប្រែងការទូត និងបរិយាកាសសុទិដ្ឋិនិយមនៅក្នុងប្រទេសលីបង់ ចាប់តាំងពីលោក Aounបានជាប់ឆ្នោតជាប្រធានាធិបតីលីបង់កាលពីថ្ងៃទី៩ ខែមករា៕

អត្ថបទ៖ ប៊ុន សុភាព

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ