ព័ត៌មានអន្ដរជាតិ
ឡើងកាន់អំណាច៤ថ្ងៃសោះ លោកត្រាំផ្តល់ជម្រើសច្រើនក្នុងការបញ្ចប់សង្គ្រាមរុស្ស៊ី-អ៊ុយក្រែនដែលមានអាយុកាល៣៥ខែ
នៅសល់តែ១ខែទៀតប៉ុណ្ណោះ សង្គ្រាមរុស្ស៊ី-អ៊ុយក្រែននឹងដល់ខួប៣ឆ្នាំ។ ចាប់តាំងពីឡើងកាន់អំណាចកាលពីថ្ងៃចន្ទដើមសប្តាហ៍នេះ ប្រធានាធិបតីអាមេរិក លោក ដូណាល់ ត្រាំ បានលើកឡើងនូវជម្រើសផ្សេងៗ និងទំនងច្រើនជាងមេដឹកនាំប្រទេសផ្សេងៗទៀតក្នុងពិភពលោកលើបញ្ហាសង្គ្រាមអ៊ុយក្រែនដែលលោកសន្យារកដំណោះស្រាយបញ្ចប់។
ក្នុងសង្គ្រាមអ៊ុយក្រែនជិត៣ឆ្នាំមកនេះ ប្រធានាធិបតីសហរដ្ឋអាមេរិកទី៤៧ លោកដូណាល់ ត្រាំ បានបង្ហាញតួលេខថា ភាគីអ៊ុយក្រែនបានបាត់បង់យោធាជាង៧០ម៉ឺននាក់ រីឯភាគីរុស្សីបានបាត់បង់កងទ័ពជាង១លាននាក់ បើទោះបីជាតួលេខនៃការស្លាប់ទាហានក្នុងសមរភូមិមិនត្រូវបានបង្ហាញជាផ្លូវការ ដោយប្រទេសទាំងពីរក្តី។
ក្រោយឡើងកាន់អំណាចត្រឹមតែមួយថ្ងៃលោក ដូណាល់ បានបង្ហាញបំណងរកដំណោះស្រាយបញ្ចប់សង្គ្រាមនៅអ៊ុយក្រែនឲ្យបានឆាប់ ប៉ុន្តែរហូតមកដល់ពេលនេះ គ្មានមូលដ្ឋានជាក់លាក់ណាមួយត្រូវបានដាក់ចេញនិងផ្សព្វផ្សាយជាសាធារណៈ ដើម្បីនាំយកភាគីជម្លោះឆ្ពោះទៅរកកិច្ចព្រមព្រៀងបទឈប់បាញ់បណ្តោះអាសន្ន និងឈានទៅបញ្ចប់សង្គ្រាមពេញលេញនោះទេ។
នៅថ្ងៃទី២៣ខែមករានេះទៀតសោត លោក ដូណាល់ ត្រាំ បានសង្កត់ធ្ងន់ថា រដ្ឋបាលរបស់លោកប្តេជ្ញាចិត្តចំពោះដំណោះស្រាយសង្គ្រាម។ លោក ក៏បានដាក់សំណើរឲ្យមានការចូលរួមក្នុងចំណោមភាគីអន្តរជាតិ រួមទាំងប្រទេស អារ៉ាប៊ី សាអ៊ូឌីត ដើម្បីជួយសម្រុះសម្រួលជម្លោះរុស្ស៊ី-អ៊ុយក្រែន។
តាំងពីចូលកាន់អំណាចកាលពីដើមសប្តាហ៍នេះ លោក ដូណាល់ ត្រាំ បានគំរាមរុស្ស៊ីក្នុងលក្ខខណ្ឌផ្សេងៗគ្នា ដោយពេលខ្លះ លោកត្រាំ លើកឡើងថា បើរុស្ស៊ីមិនទទួលយកផែនការបញ្ចប់សង្គ្រាមនោះរុស្ស៊ីនឹងទទួលរងទណ្ឌកម្មធ្ងន់ធ្ងរបន្ថែមទៀត។ នៅពេលថ្លែងតាមរយៈវីដេអូពីចម្ងាយទៅកាន់វេទិកាសេដ្ឋកិច្ចពិភពលោក នៅទីក្រុង Davos ប្រទេសស្វីសកាលថ្ងៃទី២៣ លោក ដូណាល់ ត្រាំ បែជាលោកឡើងថា សង្គ្រាមអាចបញ្ចប់យ៉ាងឆាប់រហ័ស ពេលដែលតម្លៃឥន្ធនៈធ្លាក់ចុះទាប។
នៅក្នុងវេទិកាប្រចាំឆ្នាំដែលមានអ្នកចូលរួមមកពីបណ្តាប្រទេសជាង១៣០ប្រទេស លោក ដូណាល់ ត្រាំ បានអំពាវនាវឲ្យសមាគមនៃប្រទេសនាំប្រេងចេញ (OPEC) បញ្ចុះតម្លៃប្រេង និង ទាមទារឲ្យស្ថានហិរញ្ញវត្ថុអន្តរជាតិបញ្ចុះអត្រាការប្រាក់ដើម្បីជំរុញវិស័យសេដ្ឋកិច្ចឲ្យស្ទុះងើបឡើងវិញ។
សង្គ្រាមនៅអ៊ុយក្រែនបានផ្ទុះកក្រើកខ្លាំងបំផុតនៅចន្លោះការឡើងកាន់អំណាចរបស់លោកដូណាល់ ត្រាំ ពីដើមខែវិច្ឆិកា២០២៤ ដល់មុនថ្ងៃទី២០ខែមករា២០២៥ ដោយរុស្ស៊ីបានបាញ់ប្រហារពាសពេញផ្ទៃប្រទេសអ៊ុយក្រែន ដោយមីស៊ីល Oreshnik និងដ្រូន ខណៈអ៊ុយក្រែនឆ្លើយតបវិញដោយអាវុធរយៈចម្ងាយឆ្ងាយ ដែលអនុញ្ញាតដោយរដ្ឋបាលរបស់អតីតប្រធានាធិបតី ចូ បៃដិន និងមហាអំណាចបស្ចឹមអឺរ៉ុប មានបារាំង និងអង់គេ្លសជាដើម។
រហូតដល់ពេលនេះ ក្នុងចំណោមមេដឹកនាំពិភពលោក មានតែលោកដូណាល់ ត្រាំ ដែលបានិយាយច្រើនជាងគេក្នុងការរកដំណោះស្រាយលើបញ្ហាសង្គ្រាមនៅអ៊ុយក្រែន ខណៈប្រធានាធិបតីរុស្ស៊ី វ្ល៉ាឌីមៀរ ពូទីន បានលើកឡើងតែម្តងអំពីគោលជំហរបើកចំហក្នុងការចរចាជាមួយសហរដ្ឋអាមេរិក បង្កើតទំនាក់ទំនងជាមួយអាមេរិកឡើងវិញ ប៉ុន្តែលោកមិនបានបង្ហាញពីលក្ខខណ្ឌត្រូវបញ្ចប់សង្គ្រាមនៅអ៊ុយក្រែននោះទេ៕
ដោយ រ៉ាន់ រើយ
រដ្ឋមន្ត្រីសុខាភិបាល និងរដ្ឋមន្ត្រីការងារ ស្នើឱ្យកម្មករ និងពលរដ្ឋឈប់ពិសាភេសជ្ជៈផ្អែមប៉ូវកម្លាំង
អ្នករងរបួសដោយអគ្គិភ័យ ឆេះក្លិបកម្សាន្ដ មីតណាយព្រីមៀរ ៥នាក់ ទទួលបានថវិកាពីអភិបាលរាជធានីភ្នំពេញ
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
ពលរដ្ឋកម្ពុជាថ្កោលទោស ស៊ន តារា ដែលកំពុងវង្វេងប្រវត្តិសាស្រ្តដោយលើកឡើងថា “អាមេរិកមិនដែលទម្លាក់គ្រាប់បែកសម្លាប់ខ្មែរ”
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
កំណត់ត្រាពេទ្យ ថា សាន់ឆាយ បដិសេធមិនព្យាបាល២ដង ហើយញៀនថែសម្រស់លែងគិតសុខភាព
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
បុរសធ្លាប់ជាប់ពន្ធនាគារព្រោះកូនឆ្កែ បានក្លាយជាម្ចាស់ហាងនំប៉័ង ព្រោះទឹកចិត្តសណ្ដោសរបស់សម្ដេចតេជោ
-
សន្តិសុខសង្គម១៤ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៤ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច