ប្រេស៊ីល បន្តបំបែកកំណត់ត្រា ២៤ម៉ោងចុងក្រោយមានអ្នកឆ្លងកូវីដជាង៩ម៉ឺនករណីនិងស្លាប់២,៦៤៨នាក់បន្ថែមទៀត

ក្រសួងសុខាភិបាលបានប្រកាសកាលពីថ្ងៃពុធថា ប្រទេសប្រេស៊ីលបានចុះបញ្ជីអ្នកឆ្លងជំងឺកូវីដ១៩ថ្មីក្នុងចំនួនកំណត់ត្រា ៩០,៣០៣ករណីក្នុងរយៈពេល២៤ម៉ោងចុងក្រោយ ដែលនាំឲ្យករណីសរុបទូទាំងប្រទេសកើនដល់ ១១,៦៩៣,៨៣៨ករណី។

ទន្ទឹមនឹងនេះដែរ ក្រសួងនិយាយថា មនុស្សចំនួន២,៦៤៨នាក់បន្ថែមទៀត បានស្លាប់ដោយសារជំងឺនេះ ដែលនាំឲ្យចំនួនអ្នកស្លាប់ទូទាំងប្រទេសកើនដល់ ២៨៤,៧៧៥នាក់។

ប្រទេសក្នុងតំបន់អាមេរិកខាងត្បូងមួយនេះ មានចំនួនអ្នកស្លាប់និងឆ្លងកូវីដច្រើនជាងគេបំផុតនៅលើពិភពលោក បន្ទាប់ពីសហរដ្ឋអាមេរិក។

ប្រេស៊ីល គឺជាប្រទេសមួយដែលរងគ្រោះធ្ងន់ធ្ងរជាងគេដោយរោគរាតត្បាតនេះ ខណៈខ្លួនកំពុងឆ្លងកាត់នូវរលកនៃការឆ្លងថ្មីមួយទៀត ដែលបានវាយប្រហារប្រព័ន្ធសុខាភិបាលនៅតាមតំបន់ភាគច្រើន។

យោងតាមក្រសួងបានឲ្យបានដឹងថា បច្ចុប្បន្ន ប្រទេសនេះមានការស្លាប់ជាមធ្យម១៣៦នាក់និងឆ្លង ៥,៥៦៥ករណីក្នុងចំណោមប្រជាជន១០០,០០០នាក់៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ អ្នកនយោបាយណែនាំច្បាប់ប្រឆាំងការចាក់វ៉ាក់សាំង ទីបំផុតស្លាប់ដោយសារកូវីដ

ចុចអាន៖ អ្នកកើតកូវីដហើយ កម្រឆ្លងម្តងទៀតណាស់ ប៉ុន្តែក្រុមមនុស្សប្រភេទនេះមានហានិភ័យ