ព័ត៌មានអន្ដរជាតិ
EU ចង់បញ្ជូនទ័ពទៅ Greenland
ដោយលើកឡើងពីសារៈសំខាននៃទីតាំងភូមិសាស្រ្តក៏ដូចជាភាពតានតឹងជាមួយចិននិងរុស្ស៊ី ប្រធានគណកម្មការយោធាអឺរ៉ុប (EUMC) លោក Robert Brieger បានបង្ហាញពីចេតនា ចង់ឲ្យ EU ដាក់ពង្រាយកងទ័ពទៅកោះ Greenland។

ក្នុងបទសម្ភាសជាមួយ Die Welt ដែលត្រូវបានដកស្រង់ខ្លឹមសារយកមកចុះផ្សាយដោយ RT កាលពីថ្ងៃសៅរ៍ទី២៥ខែមករាឆ្នាំ២០២៥, លោក Robert Brieger និយាយថា វាសមហេតុផលបំផុតហើយ ដែលយើងមិនត្រឹមតែដាក់កងកម្លាំងអាមេរិកនៅកោះ Greenland ដូចករណីរហូតមកដល់បច្ចុប្បន្នប៉ុណ្ណោះទេ ប៉ុន្តែក៏ថែមទាំងពិចារណាដាក់ទាហាន EU នៅទីនោះនាពេលអនាគតផងដែរ។ ការធ្វើបែបនេះនឹងក្លាយជាសារដ៏សំខាន់ ហើយអាចរួមចំណែកដល់ស្ថិរភាពនៅក្នុងតំបន់។
លោកបន្តថា ទីនោះពិតជាសម្បូរទៅដោយវត្ថុធាតុដើមបំផុត និងផ្លូវពាណិជ្ជកម្មអន្តរជាតិ ដូច្នេះវាជាតំបន់មានសារៈសំខាន់ដ៏អស្ចារ្យពីភូមិសាស្ត្រនយោបាយ។
រឿងនេះកើតឡើង បន្ទាប់ពីប្រធានាធិបតីអាមេរិក លោក ដូណាល់ ត្រាំ គំរាមបញ្ជូនទ័ពទៅ Greenland ដើម្បីគ្រប់គ្រង ប្រសិនបើប្រទេសដាណឺម៉ាក មិនព្រមលក់កោះនេះ។

លោក ត្រាំ ធ្លាប់លើកឡើងពីគំនិតទិញយក Greenland តាំងតែពីអាណត្តិដំបូងរបស់លោកមកម៉្លេះ ហើយពិពណ៌នាការគ្រប់គ្រងរបស់សហរដ្ឋអាមេរិកលើ Greenland ដែលជាដែនដីពាក់កណ្តាលស្វយ័តដាណឺម៉ាកថាជា «ភាពចាំបាច់ដាច់ខាត»។
Greenland ត្រូវបានគ្រប់គ្រងដោយប្រទេសដាណឺម៉ាកអស់ជាច្រើនសតវត្សរ៍មកហើយ ទោះបីជាប្រជាពលរដ្ឋចំនួន ៥៧ ០០០នាក់នៅទីនោះឥឡូវមានសិទ្ធិគ្រប់គ្រងកិច្ចការក្នុងស្រុកដោយខ្លួនឯងក៏ដោយ។ យ៉ាងណា បើនិយាយពីរឿងសន្តិសុខ និងកិច្ចការបរទេសរបស់ Greenland វានៅតែត្រូវបានគ្រប់គ្រងដោយប្រទេសដាណឺម៉ាកនៅឡើយ។
យោធាអាមេរិក បានរក្សាវត្តមានអចិន្ត្រៃយ៍នៅឯមូលដ្ឋាន Pituffik Space នៅភាគពាយព្យនៃ Greenland៕
អត្ថបទ៖ សុខ សុវណ្ណ
ចុចអាន៖ Greenland ចង់ជួបលោក ត្រាំ និយាយពីរឿងការពារជាតិ និងជីករ៉ែ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ