ព័ត៌មានអន្ដរជាតិ
ហ្សេលេនស្គី៖ លោក ត្រាំ មានចិត្តចង់បញ្ចប់សង្គ្រាម តែគាត់នៅខ្វះការយល់ដឹង
ប្រធានាធិបតីអ៊ុយក្រែនលោក វ៉ា្លឌីមៀ ហ្សេលេនស្គី បានលើកឡើងថា លោក ដូណាល់ ត្រាំ ពិតជាចង់បញ្ចប់សង្រ្គាមរបស់រុស្ស៊ីប្រឆាំងនឹងអ៊ុយក្រែន ប៉ុន្តែគាត់នៅខ្វះខាតការយល់ដឹងពីព័ត៌មានលម្អិតនានា។ នេះបើយោងតាមការចុះផ្សាយរបស់សារព័ត៌មាន The New Voice of Ukraine កាលពីថ្ងៃទី២៦ខែមករាឆ្នាំ២០២៥។
មេដឹកនាំអ៊ុយក្រែន បាននិយាយថា៖ «គាត់ (លោក ត្រាំ) មិនផ្តល់ផែនការជាក់លាក់ទេ។ គាត់គ្រាន់តែនិយាយថា គាត់ពិតជាចង់បញ្ចប់សង្រ្គាម។ រហូតមកដល់ពេលនេះ យើងមិនដឹងថាវាដំណើរការយ៉ាងណាទេ ព្រោះយើងមិនដឹងព័ត៌មានលម្អិត។ ហើយខ្ញុំគិតថា លោកប្រធានាធិបតី ត្រាំ ខ្លួនឯងក៏មិនដឹងព័ត៌មានលម្អិតទាំងអស់នោះទេដែរ»។
លោក ហ្សេលេនស្គី បានបន្ថែមថា អ៊ុយក្រែនចង់បានសន្តិភាព ប៉ុន្តែវាក៏អាស្រ័យលើថាតើប្រធានាធិបតីរុស្ស៊ីលោក វ៉ា្លឌឺមៀរ ពូទីន មានឆន្ទៈចង់បញ្ចប់សង្គ្រាមដែរឬអត់។ លោក ហ្សេលេនស្គី ថា៖ «បើតាមគំនិតខ្ញុំ គាត់មិនមានឆន្ទៈ (បញ្ចប់សង្គ្រាម)ទេ»។
យ៉ាងណា លោក ហ្សេលេនស្គី បានបង្ហាញការជឿជាក់ថា លោក ត្រាំ អាចបង្កើនល្បឿននៃការបញ្ចប់សង្គ្រាមដោយប្រើប្រាស់កម្លាំង ទណ្ឌកម្ម និងអំណាចសេដ្ឋកិច្ចរបស់សហរដ្ឋអាមេរិក។
ទន្ទឹមនោះ មេដឹកនាំអ៊ុយក្រែនក៏បានសង្កត់ធ្ងន់ថា ការធានាសន្តិសុខសម្រាប់អ៊ុយក្រែនត្រូវតែទទួលបានពី «អឺរ៉ុបបូកនឹងសហរដ្ឋអាមេរិក»។
សូមបញ្ជាក់ថា កាលពីថ្ងៃទី២១ខែមករា លោក ត្រាំ បាននិយាយក្នុងអំឡុងពេលបង្ហាញខ្លួននៅសេតវិមានថា ការដាក់ទណ្ឌកម្មថ្មីប្រឆាំងនឹងរុស្ស៊ីទំនងជាកើតមាន បើមេដឹកនាំផ្តាច់ការរុស្ស៊ីលោក ពូទីន មិនព្រមចរចាជាមួយអ៊ុយក្រែន។
នៅថ្ងៃបន្ទាប់លោក ត្រាំ បានជំរុញឲ្យលោក ពូទីន ឲ្យធ្វើកិច្ចព្រមព្រៀង ដោយព្រមានថា សេដ្ឋកិច្ចរបស់រុស្ស៊ី«កំពុងដួលរលំ» ហើយនឹងកាន់តែអាក្រក់ទៅ។ ក្រោយមក ប្រធានាធិបតីទី៤៧របស់អាមេរិក បានប្រកាសពីផែនការដាក់សម្ពាធអារ៉ាប៊ីសាអូឌីតឲ្យបញ្ចុះតម្លៃប្រេង ដែលជាផ្នែកមួយនៃកិច្ចប្រឹងប្រែងដើម្បីបញ្ចប់សង្គ្រាមរបស់រុស្ស៊ីលើអ៊ុយក្រែន។
នៅថ្ងៃទី២៤ខែមករា លោក ត្រាំ បានលើកឡើងថា សង្រ្គាមអាចត្រូវបានបញ្ចប់យ៉ាងឆាប់រហ័ស បើអង្គការនៃប្រទេសនាំចេញប្រេង (OPEC) យល់ព្រមកាត់បន្ថយតម្លៃប្រេង៕
ដោយ៖ ឈាង
នេនទុំ សម្រេចចេញបទ “ជីវិតអ្នកសិល្ប:” ក្រោយផ្ទុះរឿងម្ចាស់ផលិតកម្មកេងប្រវ័ញ្ចកម្លាំងញើសឈាមសិល្បករ
ហ្សេលេនស្គី៖ លោក ត្រាំ មានចិត្តចង់បញ្ចប់សង្គ្រាម តែគាត់នៅខ្វះការយល់ដឹង
គម្រោងអភិវឌ្ឍន៍ទំនប់ដងកាំបិត សម្រេចបានប្រមាណ ៤៨% គិតត្រឹមខែមករា
សន្និបាតបក្ស៖ លទ្ធិប្រជាធិបតេយ្យ និងនីតិរដ្ឋនៅកម្ពុជាត្រូវបានការពារយ៉ាងរឹងមាំ និងអភិវឌ្ឍឥតឈប់ឈរ
ប.ស.ស ណែនាំម្ចាស់សហគ្រាសគ្រឹះស្ថាន ប្ដឹងអធិការកិច្ចសន្តិសុខសង្គម ករណីរកឃើញមានភាពមិនប្រក្រតី
អគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន
គ្រោះថ្នាក់ចរាចរណ៍រថយន្ត៣គ្រឿងបង្កជាអគ្គិភ័យស្លាប់មន្ត្រីនគរបាលម្នាក់ និងរបួស៦នាក់
ម្ហូបនាំសំណាង៥មុខ អាចជួយម្ចាស់ផ្ទះរាសីឡើងខ្ពស់ត្រដែតក្នុងឆ្នាំចិន ២០២៥
របបខ្យល់មូសុងឦសានបានថយឥទ្ធិពល តែក៏នៅត្រជាក់ពី២០ទៅ១៩°C និងអាចមានភ្លៀងធ្លាក់៥%
កូរ៉េខាងជើង បាញ់មីស៊ីលចេញពីសមុទ្រ កម្លាអាមេរិក
-
ចរាចរណ៍១ សប្តាហ៍ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម៧ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ចរាចរណ៍២ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ២ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក
-
សន្តិសុខសង្គម២១ ម៉ោង agoអគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន
-
ព័ត៌មានអន្ដរជាតិ៤ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង