កុំប្រហែស! ទោះចាក់វ៉ាក់សាំងហើយ ក៏នៅតែអាចឆ្លងកូវីដដែរ

ការសិក្សាស្រាវជ្រាវថ្មីបានបង្ហាញថា វីរុសបំប្លែងខ្លួនអង់គ្លេសមិនត្រឹមតែឆ្លងរាលដាលកាន់តែខ្លាំងប៉ុណ្ណោះទេ ប៉ុន្តែវាក៏មានគ្រោះថ្នាក់ធ្ងន់ធ្ងរជាងវីរុសដើមផងដែរ។ វីរុសបំប្លែងខ្លួនអង់គ្លេស ឥឡូវនេះកំពុងរាលដាលនៅក្នុងទីក្រុងវ៉ាស៊ីនតោននិងទីកន្លែងផ្សេងៗទៀតលើពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះ ចុះយ៉ាងណាដែរចំពោះមនុស្សដែលបានចាក់វ៉ាក់សាំងគ្រប់ដូសហើយ? តើពួកគេមានអ្វីដែលត្រូវព្រួយបារម្ភឬទេ?

លោកវេជ្ជបណ្ឌិត Vin Gupta នៅវិទ្យាស្ថានវេជ្ជសាស្ត្រវាស់វែងនិងវាយតម្លៃសុខភាព UW បាននិយាយថា “ខ្ញុំគិតថា មនុស្សគ្រប់គ្នាត្រូវសន្មតថា ទោះបីពួកគេបានទទួលវ៉ាក់សាំងហើយក៏ដោយ ក៏ពួកគេនៅតែអាចឆ្លងនិងចម្លងវីរុសនេះបានដដែល”។

“ទោះអ្នកបានចាក់វ៉ាក់សាំងហើយក៏ដោយ អ្នកនៅតែអាចឆ្លងវីរុសនេះ។ អ្នកមិនចាំបាច់ទៅមន្ទីរពេទ្យទេ ប៉ុន្តែអ្នកត្រូវចាំថា នៅតែមានមនុស្សជាច្រើនដែលមិនទាន់បានទទួលវ៉ាក់សាំងនៅឡើយ”។

លោកបន្តថា អ្នកនៅតែអាចជាភ្នាក់ងារចម្លង ដែលនេះជាមូលហេតុដែលអ្នកនៅតែមានការប្រុងប្រយ័ត្នដើម្បីកាត់បន្ថយការឆ្លងដោយពាក់ម៉ាស់ អនុវត្តវិធានការគម្លាតសង្គមនិងចៀសវាងសកម្មភាពដែលមិនចាំបាច់។ មិនថាយើងបានចាក់វ៉ាកសាំងគ្រប់ចំនួនក៏ដោយ ​តែវិធានការ​សុខភាព ៣ការពារ ៣កុំ មិនអាចឈប់អនុវត្តឡើយ៕

ប្រែសម្រួលដោយ៖ Vann Vann

ប្រភព៖ Komo News

ចុចអាន៖ ក្តៅៗ បារាំង រកឃើញវីរុសកូវីដ១៩បំប្លែងខ្លួនថ្មីមួយប្រភេទ ដែលការធ្វើតេស្តតាមស្តង់ដាបច្ចុប្បន្នមិនអាចរកឃើញ

ចុចអាន៖ អង់គ្លេស រកឃើញវីរុសកូវីដបំប្លែងខ្លួនថ្មីមួយប្រភេទទៀត មានដើមកំណើតនៅហ្វីលីពីន