ព័ត៌មានអន្ដរជាតិ
ចំណាប់ខ្មាំងថៃ៥នាក់ក្នុងចំណោម៨នាក់ក្នុងកណ្តាប់ដៃហាម៉ាសនៅហ្គាហ្សានឹងត្រូវដោះលែងថ្ងៃនេះ
ជនជាតិថៃ៥នាក់ក្នុងចំណោមចំណាប់ខ្មាំងដែលក្រុមប្រដាប់អាវុធហាម៉ាសចាប់ជំរិតក្នុងការវាយប្រហារកាលថ្ងៃទី៧ខែតុលាឆ្នាំ២០២៣ នឹងត្រូវដោះលែងនៅថ្ងៃព្រហស្បតិ៍នេះ រួមជាមួយចំណាប់ខ្មាំងអ៊ីស្រាអែល៣នាក់ផង។
ក្នុងពេលកិច្ចព្រមព្រៀងបទឈប់បាញ់ចូលជាធរមានកាលថ្ងៃទី១៩ខែមករា រដ្ឋមន្ត្រីការបរទេសនៃព្រះរាជាណាចក្រថៃស្វាគមន៍កិច្ចព្រមព្រៀងឈប់បាញ់ដោះលែងចំណាប់ខ្មាំង ហើយឆ្លៀតពេលនោះអំពាវនាវឱ្យដោះលែងជនជាតិខ្លួនដែលឃុំខ្លួននៅហ្គាហ្សាប្រមាណ៨នាក់។
តាមការចុះផ្សាយរបស់បណ្តាញសារព័ត៌មាន CNN នៅថ្ងៃព្រហស្បតិ៍នេះ ក្រុមប្រដាប់អាវុធហាម៉ាសនឹងដោះលែងចំណាប់ខ្មាំងចំនួន៨នាក់ ក្នុងនោះមានចំណាប់ខ្មាំងជនជាតិអ៊ីស្រាអែល ៣រូប និងជនជាតិថៃ៥រូប តាមកិច្ចព្រមព្រៀងបទឈប់បាញ់ដោះដូរចំណាប់ខ្មាំងនិងអ្នកទោសប៉ាឡេស្ទីន។
ចំណាប់ខ្មាំងអ៊ីស្រាអែលទាំង៣រូបនោះមាន ស្ត្រីជនជាតិអ៊ីស្រាអែលឈ្មោះ Arbel Yehoud អាយុ ២៩ឆ្នាំ និង ស្រ្តីឈ្មោះAgam Berger អាយុ២០ឆ្នាំ ព្រមទាំងបុរសជនជាតិអ៊ីស្រាអែលអាយុ៨០ឆ្នាំ ឈ្មោះ Gadi Moses។ ដោយឡែកជនជាតិថៃទាំង៥រូប មិនត្រូវបានគេបង្ហាញអត្តសញ្ញាណនៅឡើយទេ។
ប្រទេសថៃត្រូវបានគេរាយការណ៍ថា ជាប្រទេសតែមួយគត់ពីតំបន់អាស៊ាន ដែលមានប្រជាជនត្រូវបានចាប់ជាចំណាប់ខ្មាំងរបស់ក្រុមហាម៉ាសក្នុងហេតុការណ៍វាយឆ្មក់ចូលព្រំដែនអ៊ីស្រាអែលកាលថ្ងៃទី៧ខែតុលាឆ្នាំ២០២៣។ សេចក្តីរាយការណ៍ដំបូងថា ជនជាតិថៃ២៤នាក់ត្រូវចាប់ជាចំណាប់ខ្មាំង ប៉ុន្តែក្រោមមកក៏មានការដោះលែង ហើយបច្ចុប្បន្ននេះ មានជនជាតិថៃ៥រូបត្រៀមដោះលែងនៅថ្ងៃព្រហស្បតិ៍នេះ។
នៅថ្ងៃព្រហស្បតិ៍នេះដែរ ជាថ្នូរនឹងការដោះលែងចំណាប់ខ្មាំងទាំងនោះ អ៊ីស្រាអែលនឹងបន្តដោះលែងអ្នកទោសប៉ាឡេស្ទីន១១០នាក់ ដោយ៣២នាក់ក្នុងចំណោមនោះត្រូវបានអ៊ីស្រាអែលកាត់ទោសជាប់ពន្ធនាគារ១ជីវិត ហើយអ្នកទោសផ្សេងៗទៀតមានកុមារ។ នេះយោង CNN ដែលស្រង់ប្រភពដើមពីក្រុមហាម៉ាស។
បទឈប់បាញ់ឈានមកដល់ថ្ងៃទី១១ នៃរយៈពេល៤៥ថ្ងៃ បានមើលឃើញការវិលត្រឡប់របស់ប្រជាជនប៉ាឡេស្ទីនរាប់សិបម៉ឺននាក់ទៅកាន់តំបន់លំនៅឋានរបស់ពួកគេវិញ បន្ទាប់ពីសង្គ្រាមដែលអូសបន្លាយជាង១៥ខែ និងបានសម្លាប់មនុស្សជាង៤ម៉ឺននាក់។
នៅក្នុងដំណាក់កាលដំបូងរយៈពេលប្រាំមួយសប្តាហ៍នៃបទឈប់បាញ់ ចំណាប់ខ្មាំងសរុបចំនួន៣៣នាក់ដែលត្រូវបានចាប់ខ្លួនក្នុងការវាយប្រហារដែលដឹកនាំដោយក្រុមហាម៉ាសនៅថ្ងៃទី៧ ខែតុលា ឆ្នាំ២០២៣ ដែលបានបញ្ឆេះសង្រ្គាមគួរតែត្រូវបានដោះលែង រួមជាមួយនឹងអ្នកទោសប៉ាឡេស្ទីនប្រមាណ២០០០នាក់ផងដែរ៕
ដោយ រ៉ាន់ រើយ
សារមន្ទីរថ្មីរបស់ Ronaldo នៅហុងកុងនឹងបើកដំណើរខែកក្កដា
ចំណាប់ខ្មាំងថៃ៥នាក់ក្នុងចំណោម៨នាក់ក្នុងកណ្តាប់ដៃហាម៉ាសនៅហ្គាហ្សានឹងត្រូវដោះលែងថ្ងៃនេះ
អាកាសយានដ្ឋានសៀមរាបអង្គរ ទទួលជើងហោះហើរកើនដល់ ៦០ ជើងក្នុងមួយថ្ងៃ
មិនទាន់ចប់ទេ! ក្រសួងមហាផ្ទៃនឹងពិនិត្យពីភាពត្រឹមត្រូវនៃច្បាប់របស់សមាគមទេវ សក្ខី ភគវន្ត បន្ត
កម្ពុជាដាក់ឱ្យដំណើរការប្រព័ន្ធថ្មីនៃការលក់ និងត្រួតពិនិត្យសំបុត្រចូលទស្សនារមណីយដ្ឋានអង្គរ
ផ្លូវថ្មើរជើង(Walk street) ចាប់ពីមុខប្រៃសណីយ៍ដល់ ព្រះបរមរាជវាំងនឹងដំណើរការ នៅថ្ងៃទី០១កុម្ភៈ
ថ្ងៃសែនចូលឆ្នាំចិន វៀតណាម អគ្គិភ័យកើតឡើង៤លើកក្នុងភូមិសាស្ត្ររាជធានីភ្នំពេញ
ស្ត្រីសម្រស់ស្អាតជាមេខ្លោងក្នុងអំពើឆបោកលុយ៤០លានដុល្លារនៅវៀតណាមត្រូវចាប់ខ្លួន
អ្នកវិទ្យាសាស្រ្តរកឃើញភពថ្មី អាចឲ្យមនុស្សរស់នៅបាន ហើយក៏អាចមានពួក Alien នៅទីនោះដែរ
ផ្អើលហ្វេនតារា Kpop នាំគ្នាប្រើ AI បង្កើតវីដេអូអាសអាភាសជាមួយអាយដលខ្លួន
-
ចរាចរណ៍៥ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៥ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ៣ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ១ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានអន្ដរជាតិ២ ថ្ងៃ agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានជាតិ៣ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ៧ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង