ព័ត៌មានអន្ដរជាតិ
Marcos សន្យាប្រគល់មីស៊ីលឲ្យអាមេរិកវិញ បើចិនឈប់ធ្វើសកម្មភាពឈ្លានពាន
ប្រធានាធិបតីហ្វីលីពីនគ្រោងនឹងជួបប្រធានាធិបតីសហរដ្ឋអាមេរិក លោក ដូណាល់ ត្រាំ ដើម្បីពិភាក្សាអំពីអន្តោប្រវេសន៍នឹងប្រគលប្រព័ន្ធមីស៊ីលរបស់អាមេរិកវិញ ប្រសិនបើចិនឈប់ធ្វើសកម្មភាព «ឈ្លានពាន»។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters កាលពីថ្ងៃទី៣១ខែមករានេះ។

ប្រធានាធិបតីហ្វីលីពីន លោក Ferdinand Marcos Jr បាននិយាយកាលពីថ្ងៃព្រហស្បតិ៍ថា លោកគ្រោងនឹងជួបជាមួយប្រធានាធិបតីអាមេរិក លោក ដូណាល់ ត្រាំ ដើម្បីពិភាក្សាអំពីបញ្ហាផ្សេងៗរួមទាំងអន្តោប្រវេសន៍ក្នុងកិច្ចប្រឹងប្រែងមួយដើម្បីមានឥទ្ធិពលលើគោលនយោបាយដែលលោកបាននិយាយថា អាចប៉ះពាល់ដល់ប្រជាជនហ្វីលីពីនមួយចំនួនធំនៅក្នុងសហរដ្ឋអាមេរិក។
លោក Marcos បាននិយាយថា៖«យើងនឹងឃើញពីរបៀបដែលយើងអាចមានឥទ្ធិពលលើការបង្កើតគោលនយោបាយក្នុងលក្ខខណ្ឌនៃអន្តោប្រវេសន៍»។
ថ្លែងទៅកាន់អ្នកសារព័ត៌មានលើប្រធានបទផ្សេងៗ លោក Marcos ក៏បាននិយាយផងដែរថា លោកនឹងប្រគល់ប្រព័ន្ធមីស៊ីល Typhon មកសហរដ្ឋអាមេរិកវិញ ប្រសិនបើចិនបញ្ឈប់នូវ សកម្មភាពឈ្លានពាន និងបង្ខិតបង្ខំ និងការទាមទារទឹកដីរបស់ខ្លួននៅសមុទ្រចិនខាងត្បូង។

គួរបញ្ជាក់ថាប្រទេសចិនបានប្រឆាំងយ៉ាងខ្លាំងចំពោះការដាក់ពង្រាយប្រព័ន្ធមីស៊ីលរបស់សហរដ្ឋអាមេរិកសម្រាប់សមយុទ្ធនៅក្នុងប្រទេសហ្វីលីពីន ដែលជាសម្ព័ន្ធមិត្តការពារជាតិរបស់ទីក្រុងវ៉ាស៊ីនតោន ហើយបានអំពាវនាវម្តងហើយម្តងទៀតឱ្យដកខ្លួនចេញ។
ទីក្រុងប៉េកាំងដែលទាមទារអធិបតេយ្យភាពលើភាគច្រើននៃសមុទ្រចិនខាងត្បូងបានចោទប្រកាន់នាវាហ្វីលីពីនម្តងហើយម្តងទៀតថាបានរំលោភបំពានលើទឹកដីរបស់ខ្លួន។ ទំនាក់ទំនងទ្វេភាគីស្ថិតក្នុងស្ថានភាពអាក្រក់បំផុតក្នុងរយៈពេលប៉ុន្មានឆ្នាំមកនេះ បន្ទាប់ពីមានការប្រឈមមុខដាក់គ្នាម្តងហើយម្តងទៀត និងជម្លោះការទូតដ៏ក្តៅគគុក។
ស្ថានទូតចិននៅទីក្រុងម៉ានីលមិនបានឆ្លើយតបភ្លាមៗចំពោះសំណើសុំការអត្ថាធិប្បាយលើការលើកឡើងរបស់ប្រធានាធិបតីនោះទេ។
ប្រព័ន្ធមីស៊ីល Typhon ត្រូវបានដាក់ពង្រាយដោយកងកម្លាំងសហរដ្ឋអាមេរិកទៅកាន់ប្រទេសហ្វីលីពីនកាលពីខែមេសាឆ្នាំមុន ដែលជាផ្នែកមួយនៃសមយុទ្ធយោធា Balikatan ហើយចាប់តាំងពីពេលនោះមកបានស្ថិតនៅក្នុងប្រទេសហ្វីលីពីន។ បើតាម រ៉យទ័របានរាយការណ៍កាលពីសប្តាហ៍មុនថា ត្រូវបានដាក់ពង្រាយឡើងវិញទៅកាន់ទីតាំងថ្មីនៅក្នុងប្រទេសហ្វីលីពីន៕

អត្ថបទ៖ ប៊ុន សុភាព

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?