ព័ត៌មានអន្ដរជាតិ
កូវីដធ្ងន់ធ្ងរពេក ប្រេស៊ីលកំពុងខ្វះគ្រូពេទ្យនៅផ្នែកសង្គ្រោះបន្ទាន់
ខណៈពេលដែលជំងឺកូវីដ១៩នៅប្រេស៊ីលកំពុងផ្ទុះឡើងហួសពីការគ្រប់គ្រង ប្រទេសនេះកំពុងប្រឈមមុខនឹងកង្វះខាតថ្មីដ៏គ្រោះថ្នាក់ដែលគំរាមកំហែងបណ្តាលឲ្យមានមនុស្សស្លាប់កាន់តែច្រើន។ នោះគឺកង្វះគ្រូពេទ្យនៅផ្នែកសង្គ្រោះបន្ទាន់។
![This image has an empty alt attribute; its file name is 000_1RZ1E7-1024x576.jpg](https://www.kampucheathmey.com/wp-content/uploads/2021/03/000_1RZ1E7-1024x576.jpg)
អ្នកជំនាញផ្នែកវេជ្ជសាស្ត្រមួយចំនួនត្រូវបាក់ស្បាត បន្ទាប់ពីធ្វើការងារហួសកម្លាំងអស់រយៈពេលជាច្រើនខែ។ អ្នកផ្សេងទៀតមិនអាចបន្តការងារបានទេ ខណៈលំហូរមិនចេះចប់នៃអ្នកជំងឺកូវីដធ្ងន់ធ្ងរ បានជំរុញឲ្យប្រព័ន្ធសុខាភិបាលរបស់ប្រទេសនេះឈានទៅរកការដួលរលំ។
ប្រធានសមាគមគ្រូពេទ្យប្រេស៊ីល (AMB) បានប្រាប់ Reuters ថា “គ្រូពេទ្យនៅផ្នែកសង្គ្រោះបន្ទាន់ គឺជាទំនិញដែលខ្វះខាត។ គ្មានវិធីណាដើម្បីបំពេញនូវតម្រូវការដ៏សាហាវព្រៃផ្សៃនេះបានទេ”។
![This image has an empty alt attribute; its file name is france-hospital-1-2.jpg](https://www.kampucheathmey.com/wp-content/uploads/2021/03/france-hospital-1-2.jpg)
ជំរុញដោយការឆ្លងវីរុសបំប្លែងខ្លួនថ្មី, កង្វះវិធានការទប់ស្កាត់, ការឆ្លើយតបរបស់សហព័ន្ធដែលមានភាពច្របូកច្របល់និងការចាក់វ៉ាក់សាំងក្នុងល្បឿនយឺត ប្រទេសធំបំផុតនៅតំបន់អាមេរិកឡាទីនមួយនេះ បានក្លាយជាចំណុចកណ្តាលនៃការរាតត្បាតរោគជាសកល។
ប្រជាជនប្រេស៊ីលជាង២៨៤,០០០នាក់បានស្លាប់ដោយសារជំងឺកូវីដ១៩ ចាប់តាំងពីរោគរាតត្បាតផ្ទុះឡើង ដែលនេះជាចំនួនអ្នកស្លាប់ខ្ពស់បំផុតលើពិភពលោកបន្ទាប់ពីសហរដ្ឋអាមេរិក។
![This image has an empty alt attribute; its file name is 1-5347615-1024x689.jpeg](https://www.kampucheathmey.com/wp-content/uploads/2021/03/1-5347615-1024x689.jpeg)
យោងតាមវិទ្យាស្ថានជីវឱសថ Fiocruz បានឲ្យដឹងថា ប្រព័ន្ធសុខាភិបាលរបស់ប្រទេសនេះកំពុងដួលរលំ ខណៈផ្នែក ICU នៅរដ្ឋ២៥ក្នុងចំណោមរដ្ឋចំនួន២៦ និងមណ្ឌលសហព័ន្ធ បានដាក់អ្នកជំងឺលើស៨០ភាគរយ។ បន្ទប់ ICU ក្នុងទីក្រុងចំនួន១៩បានដាក់លើសសមត្ថភាព ៩០ភាគរយ។
កាលពីថ្ងៃព្រហស្បតិ៍ ទីក្រុង Sao Paulo បានកត់ត្រាជាលើកដំបូងនៃមរណភាពរបស់អ្នកជំងឺម្នាក់ ដែលបានស្លាប់ខណៈពេលរង់ចាំគ្រែនៅខាងក្នុងបន្ទប់ ICU។
![This image has an empty alt attribute; its file name is 3000-1-1024x698.jpeg](https://www.kampucheathmey.com/wp-content/uploads/2021/03/3000-1-1024x698.jpeg)
នៅតាមរដ្ឋជាច្រើន អភិបាលនានាកំពុងពុះពារដើម្បីបើកមន្ទីរពេទ្យនៅតាមមូលដ្ឋាន ដោយសារតែខ្វះអ្នកជំនាញដែលមានសមត្ថភាព។ មន្ត្រីសុខាភិបាលសាធារណៈកំពុងលុបចោលការវះកាត់ជំងឺនានា និងប្តូរមន្ទីរពេទ្យទៅជាផ្នែកសង្គ្រោះបន្ទាន់បណ្តោះអាសន្ន។
គួរបញ្ជាក់ថា ប្រទេសប្រេស៊ីលមានវេជ្ជបណ្ឌិតជាង៥៤ម៉ឺននាក់ ហើយសមាមាត្ររបស់គ្រូពេទ្យគឺមិនខុសឆ្ងាយពីសហរដ្ឋអាមេរិកទេ។ ទោះបីជាយ៉ាងណាក៏ដោយ មានតែមួយភាគតូចប៉ុណ្ណោះដែលមានលក្ខណៈសម្បត្តិគ្រប់គ្រាន់សម្រាប់ទទួលបន្ទុកផ្នែកសង្គ្រោះបន្ទាន់៕
ប្រែសម្រួលដោយ៖ Vann Vann
ប្រភព៖ Reuters
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានអន្ដរជាតិ២៣ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?