ព័ត៌មានអន្ដរជាតិ
រុស្ស៊ី៖ ហ្សេលេនស្គី ពុំមានសិទ្ធិធ្វើកិច្ចចរចា៤ភាគី ដើម្បីបញ្ចប់សង្គ្រាមនោះទេ
ប្រតិកម្មទៅនឹងសំណើរបស់លោក វ៉ា្លឌីមៀ ហ្សេលេនស្គី ក្នុងការធ្វើកិច្ចពិភាក្សា៤ភាគីរវាងសហរដ្ឋអាមេរិក អ៊ុយក្រែន រុស្ស៊ី និងសហភាពអឺរ៉ុប ដើម្បីបញ្ចប់សង្គ្រាម រដ្ឋាភិបាលរុស្ស៊ីបានឆ្លើយតបថា មេដឹកនាំអ៊ុយក្រែនមិនមានសិទ្ធិអាចធ្វើបែបនេះទេ។
អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃទី៣ខែកុម្ភៈឆ្នាំ២០២៥ថា រហូតមកដល់ពេលនេះ គ្មាននរណាម្នាក់បានពិភាក្សាថាតើត្រូវមានភាគីណាខ្លះចូលរួមនៅក្នុងកិច្ចចរចាឡើយ ហើយពាក់ព័ន្ធទៅនឹងអ្វីដែលប្រធានាធិបតីអ៊ុយក្រែនបានស្នើឲ្យមានការចរចា៤ភាគី វាក៏មិនទាន់អាចធ្វើទៅរួចបានផងដែរ។
ទីក្រុងមូស្គូ បាននិយាយដដែលៗថា អាណត្តិរយៈពេល៥ឆ្នាំជាប្រធានាធិបតីអ៊ុយក្រែនរបស់លោក ហ្សេលេនស្គី បានផុតកំណត់ទៅហើយ គង់តែមានច្បាប់អាជ្ញាសឹកទេទើបលោកអាចនៅបន្តកាន់តំណែងនេះបាន ហេតុដូច្នោះហើយលោក ហ្សេលេនស្គី មិនមានសិទ្ធិអំណាចផ្លូវច្បាប់ត្រឹមត្រូវ ដើម្បីចុះហត្ថលេខាលើកិច្ចព្រមព្រៀងសន្តិភាពទេ។
អ៊ុយក្រែន បានបដិសេធការលើកឡើងបែបនេះ ហើយថា វាជាការគម្រោងវៀចវេររបស់រុស្ស៊ី ដែលត្រូវបានបង្កើតឡើងដើម្បីធ្វើឲ្យស្មុគស្មាញដល់កិច្ចចរចាតែប៉ុណ្ណោះ។
សូមរំឭកថា លោក ហ្សេលេនស្គី ធ្លាប់និយាយនៅក្នុងបទសម្ភាសន៍មួយកាលពីថ្ងៃទី១កុម្ភៈថា លោកចង់ឲ្យមានកិច្ចចរចា៤ភាគីរវាងអាមេរិក អ៊ុយក្រែន រុស្ស៊ី និងសហភាពអឺរ៉ុប ហើយបានបន្ថែមថា វានឹងមានគ្រោះថ្នាក់ខ្លាំងណាស់នៅពេលដែលទីក្រុងវ៉ាស៊ីនតោន និងទីក្រុងមូស្គូពិភាក្សាអំពីការបញ្ចប់សង្គ្រាម ដោយគ្មានវត្តមានអ៊ុយក្រែនចូលរួម។
ការអត្ថាធិប្បាយរបស់លោក ហ្សេលេនស្គី ធ្វើឡើងបន្ទាប់ពីការលើកឡើងរបស់លោកប្រធានាធិបតីអាមេរិក ដូណាល់ ត្រាំ ដែលបានប្រាប់ថា ក្រុងវ៉ាស៊ីនតោន និងក្រុងមូស្គូបានទាក់ទងគ្នារួចហើយអំពីអ៊ុយក្រែន។
លោក ត្រាំ មិនបានផ្តល់ព័ត៌មានលម្អិតទេ ប៉ុន្តែបើតាមអនុរដ្ឋមន្ត្រីការបរទេសរុស្ស៊ីលោក Sergei Ryabkov កាលពីថ្ងៃទី២៧ខែមករា ទំនាក់ទំនងផ្ទាល់រវាងទីក្រុងមូស្គូ និងរដ្ឋបាលលោក ត្រាំ មិនទាន់ដំណើរការនៅឡើយទេ៕
ដោយ៖ ឈាង
រដ្ឋមន្ត្រីសុខាភិបាលថាកម្ពុជានឹងចំណាយកាន់តែច្រើនលើការព្យាបាលថែទាំមនុស្សចាស់
ក្រុមហ៊ុន ត្រាំ គ្រោងវិនិយោគរាប់ពាន់លានដុល្លារ នៅវៀតណាម
មន្ត្រីកសិកម្ម អំពាវនាវឱ្យកសិករ ចូលរួមជាមួយសហគមន៍កសិកម្មទំនើប ដើម្បីធានាស្ថិរភាពតម្លៃកសិផល
ឃួង ឡាំកូស៊ីន បញ្ជាក់ពីស្ថានភាពរបួសរបស់ខ្លួនក្រោយភ្លាត់សន្លប់នៅសង្វៀនបាយ័ន
Szczęsny ត្រឡប់ពីចូលនិវត្តន៍ បង្ហាញទម្រង់លេងល្អ Barca ត្រៀមបន្តកុងត្រាថ្មី
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ