ព័ត៌មានអន្ដរជាតិ

ក្មេងស្រីចំទង់ស្លាប់ភ្លាមៗ ដោយសារត្រីឆ្លាមខាំនៅឆ្នេរសមុទ្រអូស្ត្រាលី

បានផុស

២ ខែ មុន

នៅ

ថ្ងៃអង្គារ ៤ កុម្ភៈ ២០២៥

ដោយ

ក្មេងស្រីវ័យជំទង់អាយុ១៧ឆ្នាំម្នាក់បានស្លាប់បន្ទាប់ពីត្រូវត្រីឆ្លាមខាំ ពេលកំពុងហែលទឹកនៅកោះ Bribie ក្នុងរដ្ឋ Queensland ប្រទេសអូស្ត្រាលី។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី៣ខែកុម្ភៈនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេវាសង្គ្រោះបន្ទាន់របស់រដ្ឋ Queensland បានបង្ហោះលើបណ្តាញសង្គម X ថា គ្រូពេទ្យបានរាយការណ៍ថា ក្មេងស្រីនេះបានជួបឧប្បត្តិហេតុត្រីឆ្លាមខាំចំដៃរងរបួសយ៉ាងធ្ងន់ធ្ងរ រហូតដល់បាត់បង់អាយុជីវិត នៅឆ្នេរ Woorim ភាគខាងជើងនៃទីក្រុង Brisbane កាលថ្ងៃចន្ទ។

ប៉ូលិស បានបញ្ជាក់ថា កុមារីរងគ្រោះមានអាយុ១៧ឆ្នាំ បានរងរបួសយ៉ាងធ្ងន់ធ្ងរ ហើយបានស្លាប់ភ្លាមៗ។ ប៉ូលិសបានបញ្ជាក់ដែរថា ក្មេងស្រីនេះបានហែលទឹកនៅក្នុងទឹកនៃកោះ Bribie ចម្ងាយប្រហែល១០០ម៉ែត្រពីឆ្នេរ Woorim នៅពេលដែលនាងត្រូវបានវាយប្រហារដោយត្រីឆ្លាម។ ប៉ូលិសកំពុងរៀបចំរបាយការណ៍សម្រាប់អ្នកធ្វើកោសល្យវិច័យបន្ថែមទៀត។

ការស្លាប់ដោយសារត្រីឆ្លាមវាយប្រហារនេះគឺជាលើកទីពីរហើយនៅក្នុងដែនទឹករបស់អូស្ត្រាលីក្នុងឆ្នាំនេះ បន្ទាប់ពីអ្នកជិះស្គីលើទឹកលោក Lance Appleby អាយុ២៨ឆ្នាំត្រូវបានសម្លាប់ដោយត្រីឆ្លាមនៅឆ្នេរសមុទ្រភាគខាងត្បូងប្រទេសអូស្ត្រាលីកាលពីថ្ងៃទី២ខែមករា។

បើយោងតាមគេហទំព័ររបស់រដ្ឋាភិបាលរដ្ឋាភិបាល ទឹកនៅជុំវិញឆ្នេរសមុទ្រគឺជាជម្រករបស់ត្រីឆ្លាមជាច្រើន ប៉ុន្តែការវាយប្រហារដោយត្រីឆ្លាមនៅជិតច្រាំងក្នុងកន្លែងកម្សាន្តដ៏ពេញនិយមដូចជាក្នុងរដ្ឋ Queensland គឺកម្រកើតឡើងណាស់ហើយប្រភេទត្រីឆ្លាមភាគច្រើនមិនបង្កគ្រោះថ្នាក់ដល់មនុស្សទេ៕