ព័ត៌មានអន្ដរជាតិ

ហ្សេលេនស្គី៖ អាមេរិកមិនទាន់កាត់ជំនួយអ៊ុយក្រែនទេ គ្រាន់តែមិនទាន់ចរចាពីកញ្ចប់ជំនួយថ្មី

បានផុស

១១ វិនាទី មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

Chheang

ប្រទេសអ៊ុយក្រែន នៅតែបន្តទទួលបានជំនួយផ្នែកយោធាពីសហរដ្ឋអាមេរិក គ្រាន់តែមិនទាន់មានការពិភាក្សាអំពីកញ្ចប់ថ្មីនាពេលអនាគតនៅឡើយទេ។ នេះជាការលើកឡើងរបស់ប្រធានាធិបតីអ៊ុយក្រែន លោក វ៉្លាឌីមៀ ហ្សេលេនស្គី កាលពីថ្ងៃពុធទី៥ខែកុម្ភៈឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ្សេលេនស្គី បានប្រាប់ថា៖ «មិនមានការកាត់បន្ថយការគាំទ្ររបស់សហរដ្ឋអាមេរិកនៅពេលបច្ចុប្បន្នទេ។ វាមិនត្រូវបានបញ្ឈប់ទេ វានៅតែបន្ត»។

មេដឹកនាំវ័យ៤៧ឆ្នាំរូបនេះ បានបន្ថែមថា វា«លឿនពេក»ហើយសម្រាប់កិច្ចពិភាក្សាលើជំនួយយោធាថ្មី ដែលនឹងប្រព្រឹត្តទៅ។

នៅពេលត្រូវគេសួរនាំអំពីសមត្ថភាពប្រយុទ្ធរបស់អ៊ុយក្រែនដោយគ្មានជំនួយពីអាមេរិក លោក ហ្សេលេនស្គី បានឆ្លើយថា ការកាត់ផ្ដាច់ការផ្គត់ផ្គង់នឹងប៉ះពាល់យ៉ាងខ្លាំងដល់សមត្ថភាពការពាររបស់អ៊ុយក្រែន។

សូមបញ្ជាក់ថា អាមេរិកគឺជាអ្នកផ្គត់ផ្គង់ជំនួយយោធាដ៏ធំបំផុតមួយរបស់អ៊ុយក្រែន ចាប់តាំងពីការឈ្លានពានរបស់រុស្ស៊ីជិតបីឆ្នាំមុន។

ប៉ុន្តែប្រធានាធិបតីទើបជាប់ឆ្នោតថ្មីលោក ដូណាល់ ត្រាំ បានរិះគន់ជាប្រចាំអំពីទំហំនៃជំនួយរបស់អាមេរិកដែលត្រូវបានផ្តល់ដល់អ៊ុយក្រែន។ បើយោងតាមប្រភពរបស់ទីភ្នាក់ងារព័ត៌មាន Reuters ការនាំចេញសព្វាវុធរបស់អាមេរិកទៅកាន់អ៊ុយក្រែនត្រូវបានផ្អាកមួយរយៈកាលពីពេលថ្មីៗនេះ តែត្រូវបានចាប់ផ្តើមឡើងវិញនៅចុងសប្តាហ៍មុន៕

ដោយ៖ ឈាង