ព័ត៌មានអន្ដរជាតិ
គួរឲ្យបារម្ភ! វីរុសកូវីដ ១៩ បំប្លែងខ្លួនថ្មីនឹងបន្តគំរាមកំហែងឥតឈប់ឈរ
លោក Mark McClellan អតីតស្នងការរដ្ឋបាលចំណីអាហារ និងឪសថអាមេរិក (FDA) បាននិយាយកាលពីថ្ងៃព្រហស្បតិ៍ថា ការលេចចេញនៃវីរុសកូវីដ១៩ បំប្លែងខ្លួនថ្មីនឹងនៅតែជាការគំរាមកំហែងឥតឈប់ឈរសម្រាប់ឆ្នាំខាងមុខ ។

លោកបាននិយាយថា ទោះបីជាការកើនឡើងអត្រាចាក់វ៉ាក់សាំងនៅក្នុងសហរដ្ឋអាមេរិក និងកន្លែងផ្សេងទៀតបានកើតឡើងស្របពេលជាមួយនឹងការថយចុះចំនួនអ្នកឆ្លងវីរុសក៏ដោយក៏វានៅតែមិនច្បាស់ថាតើការចាក់ និងការព្យាបាលមានប្រសិទ្ធិភាពយ៉ាងដូចម្តេច ហើយវានឹងប្រឆាំងមេរោគថ្មីនេះឬក៏យ៉ាងណានោះទេ ។
យោងតាមមជ្ឈមណ្ឌលទប់ស្កាត់ និងបង្ការជំងឺឆ្លង (CDC) បានឲ្យដឹងថា ជាឧទាហរណ៍នៅសហរដ្ឋអាមេរិកបានបញ្ជាក់ពីករណីឆ្លងវីរុសប្រភេទ B.1.1.7 ដែលត្រូវបានគេស្គាល់ថាជា “វ៉ារ្យ៉ង់ចក្រភពអង់គ្លេស” និងត្រូវបានរកឃើញដំបូងនៅទីក្រុង Kent កាលពីខែកញ្ញា មានតិចជាង ៥,០០០ ករណី ។

ទោះយ៉ាងណាលោក McClellan បាននិយាយថា វាទំនងជាមានមនុស្សឆ្លងវ៉ារ្យង់នេះច្រើនទៀត ខណៈ CDC បានព្យាករណ៍កាលពីខែមករាថា វានឹងក្លាយជាវ៉ារ្យង់មានឥទ្ធិពលបំផុតនៅសហរដ្ឋអាមេរិកនៅចុងខែនេះ ។
លោក McClellan បាននិយាយថា នេះគឺមានសារៈសំខាន់ ហើយការស្រាវជ្រាវថ្មីៗនេះបានបង្ហាញថា វ៉ារ្យង់ថ្មីនេះគឺងាយឆ្លង និងមានគ្រោះថ្នាក់ដល់អាយុជីវិតរហូតទៅ ១០០ ភាគរយខ្លាំងជាងជំងឺកូវីដ ១៩ ប្រភេទដើម ។

ទន្ទឹមនោះកាលពីថ្ងៃពុធ CDC បានប្រកាសពីការឆ្លងថ្មីនៃវីរុសកូវីដ ១៩ បំប្លែងខ្លួនប្រភេទថ្មីចំនួនពីរដែលត្រូវបានកំណត់ដំបូងនៅក្នុងរដ្ឋកាលីហ្វ័រញ៉ាគឺប្រភេទ B.1.427 និង B.1.429 ជាវ៉ារ្យង់គួរឲ្យព្រួយបារម្ភ ។
ការលេចចេញនូវវ៉ារ្យ៉ង់ទាំងនេះអាចមានន័យថាក្នុងប៉ុន្មានឆ្នាំខាងមុខមនុស្សត្រូវចាក់វ៉ាក់សាំងជាប្រចាំប្រឆាំងនឹងជំងឺកូវីដ ១៩ ដូចគ្នាទៅនឹងការចាក់ថ្នាំបង្ការរោគប្រចាំឆ្នាំផ្សេងទៀតដែរ ហើយវាក៏ជាការចាំបាច់ដើម្បីការពារការផ្ទុះឡើងវ៉ារ្យង់ថ្មី ៕

ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ វីរុសបំប្លែងខ្លួនកំពុងរាលដាលនៅកម្ពុជា អាចសម្លាប់មនុស្សសាហាវជាងកូវីដដល់ទៅទ្វេដងឯណោះ
ចុចអាន ៖ វ៉ាក់សាំងសាកលវិទ្យាល័យ Oxford មានប្រសិទ្ធភាពប្រឆាំងវីរុសប្រេស៊ីល លើសការរំពឹងទុក

-
សន្តិសុខសង្គម២១ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច