ព័ត៌មានអន្ដរជាតិ

ដូណាល់ ត្រាំ សើរើនិងត្រូវការដឹងលម្អិត ស្តីពីការធ្វើឃាតរូបលោក

បានផុស

២ ខែ មុន

នៅ

ថ្ងៃអាទិត្យ ៩ កុម្ភៈ ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) ដែលរងការប៉ុនប៉ងធ្វើឃាតរហូតដល់ទៅ២លើកក្នុងអំឡុងពេលយុទ្ធនាការរកការគាំទ្ររកការគាំសម្រាប់ការបោះឆ្នោត បានបញ្ជាឱ្យភ្នាក់ងារស៊ើបការណ៍សម្ងាត់ ផ្តល់ព័ត៌មានអំពីករណីការប៉ុនប៉ងធ្វើឃាតលោក។

ដូណាល់ ត្រាំ រងរបួសត្រង់ត្រចៀកក្នុងការប៉ងធ្វើឃាតកាលខែកក្កដាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះផ្សាយរបស់សារព័ត៌មាន New York Post នៅថ្ងៃសៅរ៍ បានលើកឡើងថា លោក ដូណាល់ ត្រាំបានបញ្ជាឲ្យភ្នាក់ងារស៊ើបការណ៍សម្ងាត់ផ្តល់ឱ្យរូបលោក សូម្បី«រាល់ព័ត៌មានល្អិតល្អោច» អំពីឃាតករពីរនាក់ដែលប៉ងធ្វើឃាតលើរូបលោក។

សារព័ត៌មាន New York Post បានស្រង់សម្តីប្រធានាធិបតី ដូណាល់ ត្រាំ ដូច បាននិយាយថា«ខ្ញុំមានសិទ្ធិដឹង។ណខ្ញុំចង់ស្វែងយល់អំពីឃាតកពីរនាក់។ . . . ហេតុអ្វីបានជាបុរសម្នាក់មានទូរស័ព្ទដៃ៦គ្រឿង ហើយហេតុអ្វីបានជាបុរសម្នាក់ទៀតបានដំឡើងកម្មវិធីទូរស័ព្ទរបស់ [បរទេស]?»

លោក ដូណាល់ ត្រាំ ដែលលែងមានការទប់ចិត្តចំពោះចំណាត់ការរបស់រដ្ឋបាលរបស់អតីតប្រធានាធិបតី ចូ បៃដិន ដែលអំឡុងពេលកាន់អំណាច លោក ដូណាល់ ធ្លាប់បានលើកឡើងថា អំពើហិង្សាកើតឡើងនៅសហរដ្ឋអាមេរិក ដោយសារតែវោហារស័ព្ទដែលធ្វើឡើងដោយ លោក ចូ បៃដិន និងអនុប្រធានាធិបតី កាម៉ាឡា ហារីស។ យោងការដកស្រង់ពីភ្នាក់ងារសារព័ត៌មានរ៉យទ័រ។

លោក ដូណាល់ ត្រាំ លើកឡើងថា«ខ្ញុំមានសិទ្ធិដឹង។ គ្មានលេសទេ»។

តាមសេចក្តីរាយការណ៍ ក្នុងអំឡុងពេលស៊ើបអង្កេត ទូរស័ព្ទដៃចំនួន៦គ្រឿងត្រូវបានគេចោទប្រកាន់ថាបានរកឃើញនៅក្នុងរថយន្តរបស់អ្នកប៉ងធ្វើឃាត គឺ លោក រីយ៉ាន់ រួត(Ryan Routh) ដែលជាជនសង្ស័យវ័យ៥៩ឆ្នាំនៅក្នុងការប៉ុនប៉ងធ្វើឃាតលើកទីពីរលើលោក ត្រាំ កាលពីខែកញ្ញាឆ្នាំមុននៅឯក្លឹបកីឡាវាយកូនហ្គោលអន្តរជាតិ Trump នៅ West Palm Beach រដ្ឋ Florida ។

ឃាតករម្នាក់ទៀត ឈ្មោះ ថូម៉ាស ក្រួកស៍ (Thomas Crooks) អាយុ១៩ឆ្នាំបានបាញ់លោក ដូណាល់ ត្រាំ ត្រូវប៉ះចំត្រចៀកនៅឯការជួបជុំមួយនៅ Butler, PA កាលពីខែកក្កដាឆ្នាំមុន។

ថូម៉ាស ក្រួកស៍ ត្រូវបានប៉ូលិសបាញ់សម្លាប់ ហើយអ្នកស៊ើបអង្កេត FBI បានរកឃើញគណនីផ្ញើសារដែលបានអ៊ិនគ្រីបនៅលើទូរស័ព្ទរបស់គាត់សម្រាប់វេទិកាដែលមានមូលដ្ឋាននៅប្រទេសបែលហ្សិក នូវែលសេឡង់ និងអាល្លឺម៉ង់។

ទីប្រឹក្សាសន្តិសុខជាតិរបស់លោក Trump អតីតតំណាងរាស្រ្ត Michael Waltz បានចោទសួរថាហេតុអ្វីបានជាក្មេងជំទង់ម្នាក់ត្រូវប្រើកម្មវិធីបរទេសដែលបានអ៊ិនគ្រីបច្រើន។

លោក Waltz ដែលជាអតីតសមាជិកនៃក្រុមការងារសភាដែលស៊ើបអង្កេតការប៉ុនប៉ងធ្វើឃាតនោះ បាននិងកំពុងផ្តល់យោបល់ដល់ប្រធានាធិបតីលើការស៊ើបអង្កេតចុងក្រោយនេះ៕

ដោយ រ៉ាន់ រើយ