ព័ត៌មានអន្ដរជាតិ
ត្រាំ ទូរស័ព្ទទៅ ពូទីន សុំឲ្យបញ្ចប់សង្គ្រាមនៅ អ៊ុយក្រែន
កាលពីចុងសប្តាហ៍កន្លងទៅ សារព័ត៌មាន The Guardian ចុះផ្សាយថា ប្រធានាធិបតីអាមេរិកលោក ដូណាល់ ត្រាំ បាននិយាយទូរស័ព្ទជាមួយមេដឹកនាំរុស្ស៊ី វ្ល៉ាឌីមៀរ ពូទីន ស្តីពីការបញ្ចប់សង្គ្រាមនៅអ៊ុយក្រែន ហើយក្នុងអំឡុងពេលនោះ លោក ត្រាំ បានបញ្ជាក់ច្បាស់ៗថា លោកចង់បញ្ឈប់ការសម្លាប់គ្នាលើសមរភូមិ ហើយមិនចង់ឃើញមានមនុស្សស្លាប់តទៅទៀតទេ។

ទោះបីជាយ៉ាងណាក៏ដោយ ខ្លឹមសារលម្អិតនៃជំនួបតាមទូរស័ព្ទរវាងមេដឹកនាំទាំងពីរ មិនត្រូវបានគេទម្លាយច្រើនជាងនេះឡើយ រីឯវិមានក្រឹមឡាំងឯណោះ ក៏មិននិយាយអ្វីដែរពាក់ព័ន្ធរឿងនេះដែរ។
កាលពីយុទ្ធនាការឃោសនាបោះឆ្នោត លោក ត្រាំ តែងតែអួតថា ខ្លួននឹងបញ្ចប់សង្គ្រាមរុស្ស៊ី-អ៊ុយក្រែន ត្រឹម២៤ម៉ោងប៉ុណ្ណោះ បើឈ្នះតំណែងប្រធានាធិបតីអាមេរិក ប៉ុន្តែទោះបែបនេះក្តី មកទល់ពេលឥឡូវ ហាក់ដូចគ្មានសញ្ញាធូរស្រាលណាមួយសោះ នៅក្នុងជម្លោះនេះ។

ម្យ៉ាងវិញទៀត គេនៅតែមិនដឹងថា តើលោកត្រាំ មានផែនការអ្វីទើបអាចបញ្ចប់សង្គ្រាមបានលឿនបែបនេះ ដ្បិតកាលពីសប្តាហ៍មុន មានពាក្យចចាមអារ៉ាមថា ប្រេសិតពិសេសរបស់ប្រធានាធិបតីអាមេរិក ទទួលបន្ទុកដោះស្រាយជម្លោះរុស្ស៊ី-អ៊ុយក្រែនលោក Keith Kellogg នឹងបង្ហាញផែនការបញ្ចប់សង្គ្រាមនៅក្នុងសន្និសីទសន្តិសុខទីក្រុងមូនិក ប្រទេសអាល្លឺម៉ង់ ក្នុងសប្តាហ៍នេះក៏ដោយ។
យ៉ាងណា លោក Kellogg បានចេញមុខបដិសេធចំពោះសេចក្តីរាយការណ៍នេះរួចហើយ ដោយនិយាយថា លោកចូលរួមមែន ហើយក៏គ្រោងពិភាក្សាជាមួយសម្ព័ន្ធមិត្តរបស់អាមេរិក អំពីការបញ្ចប់សង្គ្រាមបង្ហូរឈាមនៅអ៊ុយក្រែនដែរ ប៉ុន្តែនឹងមិនបង្ហាញផែនការរបស់លោក ត្រាំ អ្វីទេ៕
អត្ថបទ៖ សុខ សុវណ្ណ
ចុចអាន៖ លោក ដូណាល់ ត្រាំ ផ្តាច់របបទទួលបានព័ត៌មានសន្តិសុខជាតិរបស់អតីតមន្ត្រីកំពូលៗ

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?