ព័ត៌មានអន្ដរជាតិ
ត្រាំ៖ Elon Musk នឹងជួយរកលុយរាប់រយពាន់លានដុល្លារមកវិញ ពីការកេងបន្លំក្នុងជួររដ្ឋាភិបាល
ប្រធានាធិបតីអាមេរិក លោក ដូណាល់ ត្រាំ បាននិយាយថា លោក Elon Musk ដែលកំពុងមានតួនាទីក្នុងការបោសសម្អាតការងាររបស់រដ្ឋាភិបាលសហរដ្ឋអាមេរិក នឹងជួយស្វែងរកការក្លែងបន្លំលុយរាប់រយពាន់លានដុល្លារនៅក្នុងទីភ្នាក់ងារសហព័ន្ធ។
ថ្លែងនៅក្នុងបទសម្ភាសន៍របស់ Fox News កាលពីថ្ងៃអាទិត្យទី៩កុម្ភៈឆ្នាំ២០២៥ លោក ត្រាំ បានប្រាប់ថា ប្រជាជនអាមេរិកចង់ឲ្យលោកស្វែងរកការខាតបង់របស់រដ្ឋាភិបាលមកវិញ ហើយថា លោក Musk ដែលជាមហាសេដ្ឋីមានជាងគេបំផុតរបស់ពិភពលោក និងជាមេដឹកនាំនៃកិច្ចខិតខំប្រឹងប្រែងកាត់បន្ថយការចំណាយរបស់ប្រធានាធិបតី បានបង្ហាញការជួយដ៏ស្វិតស្វាញបំផុត ក្នុងការលុបបំបាត់ការចំណាយដែលមិនចាំបាច់។
លោក ត្រាំ បានរៀបរាប់ថា៖ «យើងនឹងស្វែងរកការក្លែងបន្លំ និងការរំលោភបំពានជាច្រើនពាន់លានដុល្លា ហើយអ្នកដឹងទេថា ប្រជាជនបានជ្រើសរើសខ្ញុំ»។
សូមបញ្ជាក់ថា ក្នុងអំឡុងពេលបីសប្តាហ៍ក្នុងតំណែងជាប្រធានាធិបតី លោក ត្រាំ បានបញ្ចេញនូវបទបញ្ជាប្រតិបត្តិយ៉ាងច្រើនគួរឲ្យកត់សម្គាល់ ក្នុងគោលបំណងកាត់បន្ថយការចំណាយរបស់សហព័ន្ធ។
លោកបានតែងតាំងប្រធានក្រុមហ៊ុន SpaceX និង Tesla គឺលោក Elon Musk ឲ្យដឹកនាំកិច្ចខិតខំប្រឹងប្រែងកាត់បន្ថយការចំណាយរបស់សហព័ន្ធ ដែលហៅថា នាយកដ្ឋានប្រសិទ្ធភាពរដ្ឋាភិបាល (DOGE) ។
លោក Musk ដែលជាម្ចាស់ជំនួយ និងសម្ព័ន្ធមិត្តកំពូលរបស់លោក ត្រាំ បានចាត់វិធានការដែលមិនធ្លាប់មានពីមុនមកនេះ ដោយបិទទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) ហើយបានបញ្ឈប់បុគ្គលិករាប់ពាន់នាក់របស់ទីភ្នាក់ងារមួយនេះ៕
ដោយ៖ ឈាង
អត្រាមរណភាពមាតានៅកូរ៉េខាងជើង ច្រើនជាងកូរ៉េខាងត្បូង១០ដង
ខេត្តកែបនៅតំបន់សមុទ្រ មានឆ្នេរសមុទ្រជាប់ដីគោកប្រវែងជាង ២៧ គីឡូម៉ែត្រ
នាយករដ្ឋមន្ត្រី៖ ទំនាក់ទំនងចិន និងកម្ពុជានៅតែរឹងមាំ
Zhao Liying និង Feng Shaofeng ចែកវេនគ្នាមើលកូន ទោះលែងលះគ្នាមកយូរឆ្នាំក្ដី
បេសកជនអាមរិក ស្នើផែនការកាត់តំបន់ចំនួន៤ឲ្យរុស្ស៊ី ជាថ្នូរនឹងបទឈប់បាញ់
សង្ក្រាន្តឆ្នាំ២០២៥! Galaxy វ៉ាដាច់គេ ក្នុងការផលិតបទចង្វាក់ប្រពៃណី ខណៈទើបទម្លាក់ថែម ១១បទ
ពិតជាអស្ចារ្យ បើឡើងវគ្គផ្តាច់ព្រ័ត្រ ព្រះខ័នរាជស្វាយរៀង នឹងធ្វើម្ចាស់ផ្ទះជាប្រវត្តិសាស្ត្រដំបូងនៅកម្ពុជា
មន្ត្រីជំនាញរកឃើញទីតាំងផលិតស្រាម៉ាកល្បីក្លែងក្លាយជាង៤ពាន់ដប និងសម្ភារៈមួយចំនួនធំ
ចិនសងសឹក ដោយដំឡើងពន្ធលើអាមេរិក ដល់ ១២៥ ភាគរយ
Lisa រងមតិរិះគន់ថា គ្មានទេពកោសល្យ អាងខ្សែធំទើបសម្ដែងរឿងហូលីវូដបាន
-
សន្តិសុខសង្គម៦ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៥ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៥ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៧ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៤ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ១ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៣ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ៧ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល