ព័ត៌មានអន្ដរជាតិ

សត្វស្វាមួយក្បាលបង្កឲ្យដាច់ចរន្តអគ្គិសនីទូទាំងប្រទេសស្រីលង្កា

បានផុស

១៦ វិនាទី មុន

នៅ

ថ្ងៃចន្ទ ១០ កុម្ភៈ ២០២៥

ដោយ

ស្រីលង្ការងការរដាច់ចរន្តអគ្គិសនីនៅទូទាំងប្រទេស និងត្រូវបានដាក់ស្តីបន្ទោសទៅលើសត្វស្វាមួយក្បាលដែលវាទៅប៉ះនឹងឧបករណ៍បំលែងបណ្តាញអគ្គិសនី បណ្តាលឱ្យមានអតុល្យភាពនៅក្នុងប្រព័ន្ធ។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី១០ខែកុម្ភៈនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមប្រឹក្សាភិបាលនៃក្រុមហ៊ុនថាមពលជាតិរបស់ប្រទេសស្រីលង្កា Ceylon បានបញ្ជាក់ថា ការដាច់ចរន្តអគ្គិសនីគឺបណ្តាលមកពីបញ្ហានៅស្ថានីយភាគខាងត្បូងរាជធានី Colombo នៃប្រទេសស្រីលង្កា។

រដ្ឋមន្ត្រីថាមពល លោក Kumara Jayakody បានស្តីបន្ទោសសត្វស្វាមួយក្បាលដែលបណ្តាលឱ្យមានការដាច់ចរន្តអគ្គិសនីទូទាំងប្រទេសនេះថា «សត្វស្វាមួយក្បាលនេះបានទម្លុះចូលទៅក្នុងអនុស្ថានីយថាមពលអគ្គិសនីមួយ ហើយប៉ះជាមួយឧបករណ៍បំលែងបណ្តាញអគ្គិសនីរបស់យើង ដែលបណ្តាលឱ្យមានអតុល្យភាពនៅក្នុងប្រព័ន្ធ»។

ថាមពលអគ្គិសនីត្រូវបានស្តារឡើងវិញជាបណ្តើរៗចាប់តាំងពីល្ងាចថ្ងៃអាទិត្យ បន្ទាប់ពីដាច់ភ្លើងទូទាំងប្រទេសបានបន្សល់ទុកអគារជាច្រើនរួមទាំងមន្ទីរពេទ្យត្រូវពឹងផ្អែកលើម៉ាស៊ីនភ្លើងបណ្ដោះអាសន្ន។

ក្រុមមន្ត្រីបានថា វាត្រូវការពេលពីរទៅបីម៉ោងដើម្បីទទួលបានថាមពលឡើងវិញនៅទូទាំងប្រទេស ដោយមន្ទីពេទ្យនិងរោងចក្រចម្រោះទឹកត្រូវបានផ្តល់អាទិភាព។

គួរបញ្ជាក់ថាប្រទេសស្រីលង្កាដែលមានប្រជាជន២២លាននាក់ធ្លាប់បានជួបប្រទះនឹងការដាច់ភ្លើងយ៉ាងទូលំទូលាយអំឡុងពេលមានវិបត្តិសេដ្ឋកិច្ចក្នុងឆ្នាំ២០២២៕