Connect with us

ព័ត៌មានអន្ដរជាតិ

មូស្គូ៖ អ៊ុយក្រែនព្យាយាមញុះរុស្ស៊ី ​ហើយ​ទាញ​ណាតូ​ចូល​ក្នុងសង្គ្រាមដោយផ្ទាល់

បានផុស

នៅ

តាមការចុះផ្សាយរបស់ RT កាលពីថ្ងៃអង្គារទី១១ខែកុម្ភៈឆ្នាំ២០២៥ ភ្នាក់ងារចារកម្មបរទេស​រុស្ស៊ី (SVR)​ បានចោទ​ថា ​អ៊ុយក្រែន​​​កំពុង​ព្យាយាមបង្ករឿងដើម្បីញុះរុស្ស៊ី ហើយអូសទាញអង្គការណាតូ​ឲ្យមកចូលរួមក្នុងសង្គ្រាម​នេះ​ដោយផ្ទាល់។

(រូបថត៖ EPA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

SVR បានចេញសេចក្តីថ្លែងការណ៍ថា ភ្នាក់ងារចារកម្មអ៊ុយក្រែន (GUR) បានចូលដៃចូល​ជើងគ្នាជាមួយបណ្តាញអឺរ៉ុបមួយចំនួន ហើយរៀបផែនការវាយប្រហារលើទីតាំងសំខាន់ៗរបស់រុស្ស៊ី ក៏ដូចជាអ្នកជំនួញដែលកំពុងជ្រកោននៅបរទេស

ក្នុងផែនការនោះ អ៊ុយក្រែន នឹងប្រើលុយ២០ ០០០ដុល្លារអាមេរិក ដើម្បីជួលមនុស្សនៅអាស៊ីឬមជ្ឈិមបូព៌ាឲ្យធ្វើការ ហើយក្នុងករណីត្រូវគេចាប់បាន ពួកគេនឹងសារភាពថា ពួកគេគឺជាបណ្តាញរបស់រុស្ស៊ី។

លើសពីនេះ SVR អះអាងទៀតថា អ៊ុយក្រែន មានផែនការយកគ្រាប់មីនផលិតដោយរុស្ស៊ី ទៅបំផ្ទុះនៅសមុទ្របាល់ទិកកម្ទេចកប៉ាល់បរទេស រួចដាក់ការស្តីបន្ទោសទៅលើទីក្រុងមូស្គូ នាំឲ្យអង្គការណាតូ ចាត់វិធានការសងសឹក ធ្វើឲ្យការប្រឈមមុខដាក់គ្នាផ្នែកយោធា កាន់តែឡើងកម្តៅ។

(រូបថត៖ Getty)

មិនត្រឹមប៉ុណ្ណឹង កាលពីដើមខែនេះ SVR ថែមទាំងចោទប្រកាន់ដែរថា ណាតូ កំពុងរិះរកវិធីដកប្រធានាធិបតីអ៊ុយក្រែនលោក ហ្សេលេនស្គី ចេញពីតំណែង មុនការបោះឆ្នោតដែលអាចរៀបចំឡើងនៅឆ្នាំក្រោយ ខណៈមន្ត្រីលោកខាងលិចយល់​ឃើញថា បុរសម្នាក់នេះជាថ្មបាំងនៅលើផ្លូវឆ្ពោះទៅរកការចរចាសន្តិភាពជាមួយទីក្រុងមូស្គូ។

យ៉ាងណាក្តី ជុំវិញការចោទប្រកាន់នេះ ភាគីខាងអ៊ុយក្រែន មិនទាន់ចេញប្រតិកម្មណាមួយទេ ប៉ុន្តែតាំងពីដើមមក​ ​ទីក្រុង​កៀវ​ តែង​តែ​បដិសេធចំពោះការលើកឡើងរបស់ទីក្រុងមូស្គូជានិច្ច ដោយថា នោះគឺជាការចោទប្រកាន់គ្មានមូលដ្ឋានទាល់តែសោះ៕

អត្ថបទ៖ សុខ សុវណ្ណ

ចុចអាន៖ បេសកជន​ពិសេស​របស់​លោក ត្រាំ នឹងធ្វើ​ដំណើរ​ទៅ​អ៊ុយក្រែន​ឆាប់ៗ​នេះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ឧបការី​រដ្ឋមន្រ្តី​ក្រសួង​សន្តិសុខ​សាធារណៈ​ចិន​​ទស្សនៈ​កិច្ច​​​នៅ​​ច្រក​​ទ្វា​អន្តរជាតិប៉ោយប៉ែត

ព័ត៌មានជាតិ៦ ម៉ោង មុន

មេ​បញ្ជា​ការ​កង​ទ័ព​ជើង​គោក​កម្ពុជា ​ណែ​នាំ​ឱ្យ​កង​ទ័ព​ ​រក្សា​ទំនាក់​ទំនង​ល្អ​ជាមួយ​ភាគីថៃ ​ ​មិន​បំពាន​គ្នា ​​

ព័ត៌មានជាតិ៧ ម៉ោង មុន

​ប្រធានកិត្តិយស​​នៃ​សមាគម​មូលនិធិ​អភិរក្សដំរី​អៃរាវត្តា​ខ្មែរ ​ទៅ​មើល​​ផ្ទាល់​ការ​ថែ​ទាំ​កូន​ដំរី​ឈ្មោះ​«លំផាត់» នៅ​សួន​សត្វ​ភ្នំតាម៉ៅ ​

សន្តិសុខសង្គម៧ ម៉ោង មុន

ជន​ជាតិ​ចិន​ម្នាក់ ​ត្រូវ​នគរបាល​​​បណ្ដេញ​ចេញ​ពី​ប្រទេស​កម្ពុជា​

សន្តិសុខសង្គម១០ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

សន្តិសុខសង្គម១០ ម៉ោង មុន

យ៉ាងហោចណាស់មនុស្ស ៣នាក់រងរបួស ក្នុងហេតុការណ៍អគ្គិភ័យ​ឆះផ្ទះលក់កុំព្យូទ័រ

ព័ត៌មានអន្ដរជាតិ២០ ម៉ោង មុន

អង់គ្លេស ថែម​ប្រាក់​កម្ចី​ឲ្យ​អ៊ុយក្រែន ជិត​៣​ពាន់​លាន​ដុល្លារ សម្រាប់​ផលិតកម្ម​អាវុធ

ព័ត៌មានជាតិ១៦ ម៉ោង មុន

អ្នកឃ្លាំមើលសង្គម៖ពលរដ្ឋខ្មែរនៅ​កូរ៉េ ៩៩% មិនបា​នចូលរួមបាតុកម្ម និង​បន្តជឿជាក់​រាជរដ្ឋាភិបាល​លើ​បញ្ហា​ទឹក​ដី​

ព័ត៌មានអន្ដរជាតិ១៦ ម៉ោង មុន

ពូទីន ចុះហត្ថលេខាលើច្បាប់ការពារ​គ្នា​ទៅ​វិញ​ទៅ​មក​ជា​ផ្លូវការ​ជាមួយ​បេឡារុស

ព័ត៌មានអន្ដរជាតិ១៨ ម៉ោង មុន

មេ​ណាតូ ជំរុញឲ្យ ហ្សេលេនស្គី ផ្សះផ្សា​ទំនាក់ទំនង​ជាមួយ​លោក ត្រាំ

Sokha Hotels

ព័ត៌មានពេញនិយម