ព័ត៌មានអន្ដរជាតិ

ក្រោយនិយាយចប់ជាមួយពូទីន លោក ត្រាំ ក៏ភ្ជាប់ទូរស័ព្ទទៅលោកហ្សេលេនស្គីភ្លាម

បានផុស

២ ខែ មុន

នៅ

ថ្ងៃព្រហស្បតិ៍ ១៣ កុម្ភៈ ២០២៥

ដោយ

ប្រធានាធិបតីអ៊ុយក្រែន លោក Volodymyr Zelenskyy បានជួបសន្ទនាជាមួយប្រធានាធិបតីសហរដ្ឋអាមេរិក លោក ដូណាល់ ត្រាំ ក្រោយពេលដែលលោក ដូណាល់ ត្រាំ បានបញ្ចប់ការសន្ទនាដូចគ្នាជាមួយប្រធានាធិបតីរុស្ស៊ី លោក វ៉្លាឌីមៀរ ពូទីន។

លោក Volodymyr Zelenskyy បានជួបសន្ទនាជាមួយប្រធានាធិបតីសហរដ្ឋអាមេរិក លោក ដូណាល់ ត្រាំ។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើបណ្តាញសង្គមហ្វេសប៊ុកផ្ទាល់ខ្លួនរបស់លោក ហ្សេលេនស្គី បានសរសេរថា៖«ខ្ញុំបានសន្ទនាប្រកបដោយអត្ថន័យជាមួយប្រធានាធិបតី Donald J. Trump។ យើងបាននិយាយគ្នាដ៏វែងអំពីឱកាសដើម្បីសម្រេចបាននូវសន្តិភាព ពិភាក្សាអំពីការត្រៀមខ្លួនរបស់យើងក្នុងការធ្វើការរួមគ្នានៅកម្រិតជាក្រុម និងសមត្ថភាពបច្ចេកវិទ្យារបស់អ៊ុយក្រែន រួមទាំងយន្តហោះគ្មានមនុស្សបើក និងឧស្សាហកម្មជឿនលឿនផ្សេងទៀត។ ខ្ញុំមានអំណរគុណចំពោះប្រធានាធិបតី Trump សម្រាប់ការចាប់អារម្មណ៍របស់គាត់ចំពោះអ្វីដែលយើងអាចសម្រេចបានរួមគ្នា។

ប្រធានាធិបតីអ៊ុយក្រែនក៏បានអះអាងថា៖«លោកប្រធានាធិបតី Trump បានចែករំលែកព័ត៌មានលម្អិតនៃការសន្ទនារបស់គាត់ជាមួយពូទីន»។

ប្រធានាធិបតីសហរដ្ឋអាមេរិក លោកដូណាល់ ត្រាំ និងប្រធានាធិបតីរុស្ស៊ី លោក វ៉្លាឌីមៀរ ពូទីន បាននិយាយគ្នាតាមទូរស័ព្ទដ៏ភ្ញាក់ផ្អើលនៅរសៀលថ្ងៃពុធម៉ោងនៅសហរដ្ឋអាមេរិក ដោយចំណាយពេលអស់៩០នាទី ដោយអះអាងថា ការយោគយល់គ្នាក្នុងការឈានទៅរកការបញ្ចប់សង្គ្រាមនៅអ៊ុយក្រែន។

ការហៅរកគ្នារបស់ប្រមុខមហាអំណាចទាំងពីរ បានកើតឡើងស្របពេលមេដឹកនាំអឺរ៉ុបនិងថ្នាក់ដឹកនាំកំពូលៗពីបណ្តាប្រទេសផ្សេងៗទៀតរហូតជាង១០០ នឹងជួបប្រជុំគ្នាក្នុងសន្និសីទសន្តិសុខនៅទីក្រុងមុយនិកប្រទេសអាល្លឺម៉ង់ចាប់ពីថ្ងៃទី១៤ដល់ថ្ងៃទី១៦ខាងមុខនេះ។

ការពិភាក្សារបស់ពួកគេ នឹងធ្វើឲ្យមានដឹកនាំពិភពលោក ជាពិសេសមេដឹកនាំអឺរ៉ុបនឹងចំណចំណាយពេលសន្និសីទស្ទើរទាំងស្រុងក្នុងការជជែកវែងញែកលើដំណោះស្រាយបញ្ចប់សង្គ្រាមនៅអ៊ុយក្រែន៕

ដោយ រ៉ាន់ រើយ