ព័ត៌មានអន្ដរជាតិ
ប៉ូលិសអង់គ្លេសចាប់ខ្លួនមនុស្សជាង ១០០ នាក់ពាក់ព័ន្ធការតវ៉ាប្រឆាំងនឹងការបិទប្រទេសសាជាថ្មី
ប៉ូលិសអង់គ្លេសបានចាប់ខ្លួនអ្នកតវ៉ាយ៉ាងហោចណាស់ ១០៤ នាក់ អំឡុងពេលបាតុកម្មនៅកណ្តាលទីក្រុងឡុងដ៍ប្រឆាំងនឹងវិធានការបិទប្រទេសដោយសារជំងឺកូវីដ ១៩ ។
វត្តមានប៉ូលិសដ៏ច្រើននៅតែស្ថិតនៅជិតទីលាន Trafalgar Square ជាកន្លែងដែលការតវ៉ាត្រូវបានបំបែកភ្លាមៗនៅម៉ោង ៧ ល្ងាច ខណៈក្រុមអ្នកតវ៉ាតូចៗនៅតែបន្តនៅតាមដងផ្លូវ Oxford និងតាមបណ្តោយផ្លូវ Strand ជាដើម ។
ប៉ូលិសក្រុងបាននិយាយថា “ការប្រមូលផ្តុំនេះមិនស្របច្បាប់នោះទេ ហើយកំពុងធ្វើឲ្យអ្នកផ្សេងទៀតមានគ្រោះថ្នាក់ ។ យើងកំពុងបណ្ដេញអ្នកដែលនៅទីនោះឲ្យត្រឡប់ទៅផ្ទះវិញ” ។
ទន្ទឹមនោះក្រុមមន្រ្តីបានជំរុញឲ្យក្រុមបាតុករបំបែកគ្នា នៅពេលពួកគេបានធ្វើដំណើរតាមដងផ្លូវក្បែរទីលាន Trafalgar Square នៅល្ងាចថ្ងៃព្រហស្បតិ៍ ដោយព្រមានដល់អ្នកដែលបានប្រមូលផ្តុំគ្នាថាពួកគេកំពុងរំលោភលើវិធានការរឹតត្បិតនៃជំងឺកូវីដ ១៩ ។ ក្រុមអ្នកតវ៉ាបានចាប់ផ្តើមដើរតាមដងផ្លូវ Strand ភ្លាមៗនៅម៉ោង ៦ ល្ងាចដោយស្រែកថា “សេរីភាព” និង “គ្មានការបិទប្រទេសទៀតទេ” ។
ពាក់ព័ន្ធនឹងបញ្ហានេះ មេបញ្ជាការប៉ូលិសក្រុងលោក Jane Connors បាននិយាយថា “អាទិភាពចម្បងរបស់យើងគឺដើម្បីការពារទីក្រុងឡុងដ៍ឲ្យមានសុវត្ថិភាព” ។ នៅក្នុងសេចក្តីថ្លែងការណ៍មួយលោកបាននិយាយថា ការចាប់ខ្លួនភាគច្រើនគឺធ្វើឡើងសម្រាប់អ្នករំលោភលើបទបញ្ជារឹតបន្តឹងការឆ្លងជំងឺកូវីដ ១៩ ។
គួរបញ្ជាក់ថា ការរឹតត្បិតថ្មីនេះគឺតម្រូវឲ្យប្រជាជនគួរតែស្នាក់នៅក្នុងផ្ទះលើកលែងតែការសិក្សាអប់រំ ការធ្វើការងារ ការហាត់ប្រាណ ហេតុផលវេជ្ជសាស្រ្ត ការដើរទិញឥវ៉ាន់ចាំបាច់ ឬការថែទាំអ្នកដទៃប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង