​គីម ជុងអ៊ុន ទៅកាន់​ផ្នូរឪពុក​ ចំថ្ងៃ​ខួប​កំណើត​​

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានចេញផ្សាយកាលពីថ្ងៃទី១៧កុម្ភៈ ​ឲ្យ​ដឹង​ថា មេដឹកនាំកូរ៉េខាងជើង លោក គីម ជុងអ៊ុន បានធ្វើដំណើរដ៏កម្រទៅកន្លែងតម្កល់សពរបស់ឪពុក និងជាអតីតមេដឹកនាំ លោក គីម ជុងអ៊ីល ដើម្បីប្រារព្ធពិធីខួបកំណើត។

ខួបកំណើតរបស់លោក គីម ជុងអ៊ីល ដែលត្រូវនឹងថ្ងៃទី១៦​ខែកុម្ភៈ ត្រូវបានប្រារព្ធយ៉ាងទូលំទូលាយជាថ្ងៃបុណ្យដ៏សំខាន់នៅក្នុងប្រទេសកូរ៉េខាងជើង ដែលហៅថា «ថ្ងៃនៃផ្កាយភ្លឺ»។ ប៉ុន្តែវាជាលើកដំបូងក្នុងរយៈពេល៤ឆ្នាំដែល លោក គីមចុងអ៊ុន បានទៅ The Kumsusan Palace of Sun  ក្នុងរដ្ឋធានី Pyongyang ជាកន្លែងតម្កល់សពឪពុក និងជីតារបស់លោក។

KCNA បានរាយការណ៍ថា លោក គីម អមដំណើរដោយប្អូនស្រីរបស់គាត់ គឺ​​ លោកស្រី Kim Yo Jong និងមន្ត្រីជាន់ខ្ពស់ក្នុងគណបក្សកំពុងកាន់អំណាចជាច្រើនរូបទៀត។

គួរបញ្ជាក់ថា វង្សត្រកូល គីម ដែលមានឈ្មោះជាផ្លូវការថា Mount Paektu bloodline។ គេហៅវង្សត្រកូល គីម គឺដោយសារបន្ទាប់ពីសង្គ្រាមត្រជាក់ចប់ គឺជាតំណពូជបីជំនាន់នៃភាពជាអ្នកដឹកនាំរបស់កូរ៉េខាងជើង តាំងពីជំនាន់មេដឹកនាំដំបូងគេ។

លោក គីម អ៊ីលស៊ុង បានមកគ្រប់គ្រងភាគខាងជើងនៅឆ្នាំ១៩៤៨ បន្ទាប់ពីការបញ្ចប់នៃការគ្រប់គ្រងរបស់ជប៉ុនបានបំបែកតំបន់នៅឆ្នាំ១៩៤៥។

បន្ទាប់ពីការស្លាប់របស់គាត់នៅឆ្នាំ១៩៩៤តួនាទីរបស់ គីម អ៊ីលស៊ុង ជាមេដឹកនាំកំពូលត្រូវបានផ្ទេរទៅកូនប្រុសរបស់គាត់គឺ គីម ជុងអ៊ីល ហើយ បន្ទាប់មកនៅឆ្នាំ​២០១១ បានផ្ទេរទៅចៅប្រុសរបស់គាត់គឺ គីម ជុងអ៊ុន។ អ្នកទាំងបីបានបម្រើការ ជាមេដឹកនាំ​គណបក្ស​ពលករ​​កូរ៉េ​ (Workers’ Party of Korea (WPK)) និងជាមេដឹកនាំកំពូលរបស់កូរ៉េខាងជើងចាប់តាំងពីការបង្កើតរដ្ឋក្នុងឆ្នាំ​១៩៤៨​មកម្លេះ៕