ព័ត៌មានអន្ដរជាតិ

វៀតណាម ចាប់ខ្លួនជនសង្ស័យឆបោកតាមអនឡាញ២៤នាក់ ដែលរត់ចេញពីកម្ពុជា

បានផុស

១ ខែ មុន

នៅ

ថ្ងៃចន្ទ ១៧ កុម្ភៈ ២០២៥

ដោយ

កាលពីចុងសប្តាហ៍ មនុស្សចំនួន២៤នាក់ ដែលជាប់សង្ស័យក្នុងអំពើឆបោកតាមអនឡាញ ត្រូវប៉ូលិសវៀតណាម ចាប់ខ្លួនបានក្រោយរត់ចេញពីប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ VN Express, ប៉ូលិសខេត្ត តៃនិញ អះអាងថា អ្នកទាំងនោះគឺសុទ្ធសឹងជាជនជាតិវៀតណាម មានជាប់ពាក់ព័ន្ធនឹងប្រតិបត្តិការបោកប្រាស់តាមអនឡាញទ្រង់ទ្រាយធំ សរុបជាទឹកប្រាក់មានចំនួន ៣៩.៥លានដុល្លារអាមេរិក ដោយបោកជនរងគ្រោះឲ្យដាក់ទុនវិនិយោគក្នុងកាស៊ីណូអនឡាញ។

ទោះបីជាយ៉ាងណាក៏ដោយ ប៉ូលិសវៀតណាម មិនបញ្ចេញអត្តសញ្ញាណអ្នកទាំងអស់នោះឡើយ ដោយអះអាងថា ពួកគេត្រូវបើកការស៊ើបអង្កេតសិន។

ពាក់ព័ន្ធករណីឆបោកនេះដែរ នៅប្រទេសថៃឯណោះ កាលពីដើមខែកុម្ភៈ មេខ្លោងមជ្ឈមណ្ឌលឆបោកតាមទូរស័ព្ទ ( Call- Center) ជាជនជាតិចិនចំនួន២នាក់ ត្រូវបានចាប់ខ្លួននៅទីក្រុងបាងកក ខណៈប៉ូលិសបានរឹបអូសទ្រព្យសម្បត្តិមានតម្លៃ៤៥ម៉ឺនដុល្លារអាមេរិក។

ជនសង្ស័យទាំងពីរឈ្មោះ Ye Wanyou អាយុ២៩ឆ្នាំ និង Li Weijie អាយុ៣០ឆ្នាំ គឺមានជាប់ពាក់ព័ន្ធនឹងប្រតិបត្តិការឆបោកឆ្លងដែននិងប្រតិបត្តិការលាងលុយដែលមានគោលដៅលើជនរងគ្រោះតាមអ៊ីនធឺណិត៕

អត្ថបទ៖ សុខ សុវណ្ណ

ចុចអាន៖ ប៉ូលិសថៃចាប់ខ្លួនមេខ្លោង Call-Center ចិន២នាក់នៅបាងកក