ព័ត៌មានអន្ដរជាតិ

ធ្លាក់ឡានក្រុងពីលើភ្នំនៅបូលីវី សម្លាប់មនុស្សយ៉ាងតិច៣០នាក់និងរបួសជាច្រើន

បានផុស

១ ខែ មុន

នៅ

ថ្ងៃអង្គារ ១៨ កុម្ភៈ ២០២៥

ដោយ

មនុស្សជាង៣០នាក់បានស្លាប់និងជាច្រើននាក់បានរងរបួសធ្ងន់នៅក្នុងគ្រោះថ្នាក់រថយន្តក្រុងធ្លាក់ពីលើផ្លូវភ្នំមួយក្នុងប្រទេសបូលីវីនៅតំបន់អាមេរិកឡាទីន។ នេះបើយោងតាមការចេញផ្សាយរបស់សារព័ត៌មានBBCនៅថ្ងៃទី១៨ខែកុម្ភៈនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិស បានឲ្យដឹងថា អ្នកបើកបរទំនងជាបើកបរក្នុងល្បឿនលឿន និងមិនអាចគ្រប់គ្រងរថយន្តបានទើបបណ្តាលឱ្យធ្លាក់ចេញពីផ្លូវភ្នំក្នុងចម្ងាយជិត៨០០ម៉ែត្រ នៅក្នុងសង្កាត់ Yocalla ខេត្ត Tomas Frias ភាគនិរតីនៃប្រទេស នៅចន្លោះរវាងទីក្រុង Potosi និង Oruro។

មន្ទីរពេទ្យក្នុងតំបន់ បានឲ្យដឹងថា មនុស្ស១៤នាក់បានរងរបួសក្នុងនោះមានកុមារ៤នាក់ផងដែរ ភាគច្រើនស្ថិតក្នុងស្ថានភាពធ្ងន់ធ្ងរ។ គ្រោះថ្នាក់នេះត្រូវបានគេជឿថា ជាគ្រោះថ្នាក់ចរាចរណ៍ធ្ងន់ធ្ងរនិងអាក្រក់បំផុតដែល បានរាយការណ៍ក្នុងប្រទេសនេះរហូតមកដល់ពេលនេះក្នុងឆ្នាំនេះ។

ប្រទេសបូលីវី មានផ្លូវគ្រោះថ្នាក់ចរាចរណ៍ញឹកញាប់ខ្លាំងណាស់ ជាពិសេសនៅតំបន់ភ្នំ។ កាលពីខែមុន មនុស្ស១៩នាក់ត្រូវបានសម្លាប់នៅពេលដែលរថយន្តក្រុងមួយបានធ្លាក់ចេញពីផ្លូវនៅជិតទីក្រុង Potosi។

យោងតាមទិន្នន័យរបស់រដ្ឋាភិបាលបានឱ្យដឹងថា គ្រោះថ្នាក់ចរាចរណ៍បានសម្លាប់មនុស្សជាមធ្យម ១៤០០ នាក់ជារៀងរាល់ឆ្នាំនៅក្នុងប្រទេសដែលមានប្រជាជនប្រហែល១២លាននាក់នេះ៕