ប៉ូលិសវៀតណាម រឹបអូសកាបូបប្រ៊េនៗក្លែងក្លាយពីឃ្លាំងមួយ ប្រើរថយន្តធុនធំ១០គ្រឿងទើបដឹកអស់

ឃ្លាំងស្តុកនៃផលិតផល Hermès, Louis Vuitton និង Chanel ក្លែងក្លាយ ត្រូវបានអាជ្ញាធរឆ្មក់ចូលនៅភាគខាងជើងប្រទេសវៀតណាម ហើយផលិតផលចំនួន២០,០០០ទៅ៣០,០០០ ត្រូវបានរឹបអូស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃនៃផលិតផលដែលត្រូវបានរកឃើញក្នុងស្រុក Vu Ban នៃខេត្ត Nam Dinh ត្រូវបានអាជ្ញាធរខេត្ត Nam Dinh ប៉ាន់ប្រមាណថា ប្រហែល៦ពាន់លានដុង ស្មើនឹង ២៦២,០០០ដុល្លារអាមេរិក។

ប៉ូលិសនិងកងកម្លាំងផ្សេងទៀត ត្រូវបង្ខំចិត្តប្រើឡាន៣តោនកន្លះ ចំនួន១០គ្រឿង ដើម្បីដឹកទំនិញដែលរឹបអូសបាន ដែលភាគច្រើនជាកាបូបដៃ។ ពួកគេនិយាយថា នេះគឺជាឃ្លាំងផ្ទុកទំនិញធំបំផុតដែលត្រូវបានរកឃើញនៅភាគខាងជើងប្រទេសវៀតណាម បន្ទាប់ពីការស៊ើបអង្កេតអស់រយៈពេល៦ខែ។

អ្នកលក់ មិនបានបង្ហាញពីប្រភពដើមនៃផលិតផលទាំងនេះទេ។ ផលិតផលទាំងនេះ ភាគច្រើនចែកចាយតាមរយៈបណ្តាញសង្គម ដោយប្រើគណនី Facebook រាប់សិបគណនី ដើម្បីគេចវេះពីអាជ្ញាធរ។

ពួកគេបានចុះបញ្ជីអាស័យដ្ឋាននៅសង្កាត់ Bac Tu Liem ក្នុងទីក្រុងហាណូយ ថាជាហាងផ្លូវការ ប៉ុន្តែអាជ្ញាធរមិនបានរកឃើញអ្វីនៅទីនោះទេ៕

ប្រែសម្រួលដោយ៖ Vann Vann

ប្រភព៖ VN Express

ចុចអាន៖ ជួញដូរគ្រឿងញៀន ២គីឡូក្រាម វៀតណាម ផ្តន្ទាទោសស្ត្រីខ្មែរម្នាក់ជាប់ពន្ធនាគារអស់មួយជីវិត