ព័ត៌មានអន្ដរជាតិ
ត្រាំ៖ ឥណ្ឌាមានលុយច្រើនណាស់ ម្ដេចត្រូវការលុយ២១លានដុល្លារពីអាមេរិកសម្រាប់ការបោះឆ្នោត?
បន្ទាប់ពីក្រសួងប្រសិទ្ធភាពរដ្ឋាភិបាលរបស់សហរដ្ឋអាមេរិកបានលុបចោលមូលនិធិចំនួន២១លានដុល្លារ ដែលត្រូវបានផ្ដល់ឲ្យសម្រាប់«ចំនួនអ្នកបោះឆ្នោតនៅក្នុងប្រទេសឥណ្ឌា» លោកប្រធានាធិបតី ដូណាល់ ត្រាំ បាននិយាយថា ឥណ្ឌាជាមួយនឹងកំណើនសេដ្ឋកិច្ចនិងអត្រាពន្ធខ្ពស់មិនត្រូវការជំនួយហិរញ្ញវត្ថុបែបនេះទេ ហើយថា លុយពន្ធរបស់ជនជាតិអាមេរិកម្ដេចក៏យកទៅជួយដំណើរការបោះឆ្នោតបរទេសទៅវិញ។
នៅក្នុងសេចក្តីថ្លែងការណ៍មួយនៅថ្ងៃទី១៩កុម្ភៈនេះ លោក ត្រាំ បានចោទសួរថា៖ «ហេតុអ្វីបានជាយើងផ្តល់ប្រាក់ចំនួន ២១លានដុល្លារដល់ប្រទេសឥណ្ឌាសម្រាប់ចំនួនអ្នកបោះឆ្នោត? យើងត្រូវផ្តោតលើការបោះឆ្នោត និងហេដ្ឋារចនាសម្ព័ន្ធរបស់យើងផ្ទាល់»។ មេដឹកនាំរូបនេះ បានបន្ថែមថា៖ «ឥណ្ឌាមានលុយច្រើន។ ពួកគេជាប្រទេសមួយក្នុងចំណោមប្រទេសដែលមានពន្ធខ្ពស់បំផុតក្នុងពិភពលោក។ វាពិបាកសម្រាប់យើងក្នុងការចូលទៅទីនោះព្រោះពន្ធរបស់ពួកគេខ្ពស់ណាស់»។
ជំនួយរបស់អាមេរិកនេះ ដើមឡើយត្រូវបានបែងចែកទៅឲ្យសម្ព័ន្ធសម្រាប់ការបោះឆ្នោត និងការពង្រឹងដំណើរការនយោបាយ (CEPPS) ក្នុងគោលបំណងលើកកម្ពស់ការចូលរួមបោះឆ្នោតនៅក្នុងប្រទេសឥណ្ឌា។ ការលុបចោលជំនួយនេះ បានបង្កឲ្យមានប្រតិកម្មពីឥស្សរជននយោបាយឥណ្ឌាជាច្រើន។
សមាជិកនៃគណបក្ស Bharatiya Janata Party (BJP) ដែលកំពុងកាន់អំណាច កន្លងមកបានរិះគន់មូលនិធិពីអាមេរិកនេះ ដោយលើកឡើងថា វាបង្ហាញពីការជ្រៀតជ្រែកពីខាងក្រៅនៅក្នុងដំណើរការបោះឆ្នោតរបស់ឥណ្ឌា។
ការលុបជំនួយ ធ្វើឡើងបន្ទាប់ពីកិច្ចប្រជុំកំពូលនាពេលថ្មីៗរវាងនាយករដ្ឋមន្ត្រីឥណ្ឌាលោក Narendra Modi និងលោក ត្រាំ ក្នុងអំឡុងពេលដែលមានការព្រួយបារម្ភអំពីការជាប់ពាក់ព័ន្ធរបស់អាមេរិកនៅក្នុងកិច្ចការផ្ទៃក្នុងរបស់ឥណ្ឌា។ បន្ថែមពីលើជំនួយរបស់ឥណ្ឌា មូលនិធិដែលបានកំណត់សម្រាប់ការពង្រឹងនយោបាយនៅក្នុងប្រទេសបង់ក្លាដែស និងគម្រោងសកលផ្សេងទៀតក៏ត្រូវបានលុបចោលផងដែរ។
ជំហររបស់លោក ត្រាំ លើការកាត់ជំនួយអន្តរជាតិសម្រាប់ការបោះឆ្នោត គឺស្របតាមគោលនយោបាយដ៏ទូលំទូលាយរបស់លោកគឺ «America First» ដោយប្តូរទិសដៅមូលនិធិយកទៅប្រើសម្រាប់សន្តិសុខការបោះឆ្នោត និងហេដ្ឋារចនាសម្ព័ន្ធក្នុងស្រុកជំនួសវិញ។
ការសម្រេចចិត្តលុបចោលការផ្តល់មូលនិធិរបស់អាមេរិកទំនងជាមិនប៉ះពាល់ដល់ដំណើរការបោះឆ្នោតរបស់ឥណ្ឌាដោយផ្ទាល់នោះទេ។ ទោះបីជាយ៉ាងណាក៏ដោយ វាបង្កើតជាសំណួរអំពី អនាគតនៃកិច្ចសហប្រតិបត្តិការរវាងអាមេរិក និងឥណ្ឌា លើគំនិតផ្តួចផ្តើមប្រជាធិបតេយ្យ និងថាតើកម្មវិធីជំនួយការបោះឆ្នោតបរទេសផ្សេងទៀតនឹងប្រឈមមុខនឹងការត្រួតពិនិត្យស្រដៀងគ្នានេះដែរឬក៏យ៉ាងណា៕
ដោយ៖ ឈាង
អ៊ីស្រាអែលយល់ព្រមលើគម្រោងពន្យារពេលបទឈប់បាញ់ តែហាម៉ាសបដិសេធ
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ