ព័ត៌មានអន្ដរជាតិ
អ៊ុយក្រែន វាយបកទៅ ត្រាំ វិញ
បន្ទាប់ពីប្រធានាធិបតីអាមេរិក ដូណាល់ ត្រាំ ប្រើពាក្យធ្ងន់ៗ វាយប្រហារយ៉ាងចាស់ដៃលើប្រធានាធិបតីអ៊ុយក្រែន វ្ល៉ាឌីមៀរ ហ្សេលេនស្គី នោះ, ពេលនេះស្រាប់តែពេលនេះ មន្ត្រីជាច្រើនរូបនៅទីក្រុងកៀវ រួមទាំងអ្នកដែលធ្លាប់រិះគន់លោក ហ្សេលេនស្គី ផងដែរនោះ បានចេញមុខវាយបកទៅវិញ។
មុននេះ លោក ត្រាំ បានបង្ហោះសារប្រមាថលោក ហ្សេលេនស្គី ថា ជាជនផ្តាច់ការគ្មានការបោះឆ្នោតនិងជាអ្នកកំប្លែង ដែលបោកប្រាស់លុយអាមេរិក៣៥០ពាន់លានដុល្លារ យកទៅជះក្នុងសង្គ្រាមដែលមិនអាចឈ្នះ។
យ៉ាងណា ជាការតបត រដ្ឋមន្ត្រីក្រសួងការបរទេសអ៊ុយក្រែន Andrey Sibiga បានបង្ហោះសារលើបណ្តាញសង្គម X ថា «មន្ត្រីអ៊ុយក្រែន ត្រូវតែប្រញាប់ការពារមេដឹកនាំប្រទេសខ្លួន។ អ៊ុយក្រែន ត្រូវតែទប់ទល់នឹងការវាយប្រហារយោធាដ៏គួរឲ្យរន្ធត់បំផុត នៅក្នុងប្រវត្តិសាស្រ្តអឺរ៉ុបសម័យទំនើបឲ្យបាន។ ប្រជាជនអ៊ុយក្រែន និងប្រធានាធិបតី ហ្សេលេនស្គី របស់ពួកគេ មិនឱនក្បាលចំពោះលោក ពូទីន ដាច់ខាត។ គ្មាននរណាម្នាក់ អាចបង្ខំឲ្យអ៊ុយក្រែន ចុះចាញ់បានជាដាច់ខាត»។
ចំណែក លោក Boris Filatov អភិបាលក្រុង Dnipro បានបង្ហោះលើ Facebook ថា «ទោះយើងចូលចិត្ត ឬមិនចូលចិត្តលោក ហ្សេលេនស្គី ក៏ដោយ តែយើងសូមថ្កោលទោសទង្វើរបស់លោក ត្រាំ ព្រោះលោក ហ្សេលេនស្គី ជាប្រធានាធិបតីរបស់យើង។ ទាំងអាមេរិកនិងរុស្ស៊ី គ្មានសិទ្ធិនិយាយអាក្រក់ពីលោក ហ្សេលេនស្គី ឡើយ»។
សូមជម្រាបជាថ្មីថា តាមពិតសង្គ្រាមពាក្យសម្តីយ៉ាងក្តៅគគុករវាងលោក ត្រាំ និងលោក ហ្សេលេនស្គី គឺផ្តើមឡើង បន្ទាប់ពីគណៈប្រតិភូទីក្រុងវ៉ាស៊ីន បានជួបពិភាក្សាអំពីការបញ្ចប់សង្គ្រាមជាមួយមន្ត្រីជាន់ខ្ពស់រុស្ស៊ី នៅឯប្រទេសអារ៉ាប៊ីសាអូឌីត ទាំងដែលគ្មានវត្តមានទីក្រុងកៀវ។
លោក ហ្សេលេនស្គី បានបង្ហាញការខកចិត្តយ៉ាងខ្លាំងដែលសហរដ្ឋអាមេរិក មើលរំលងខ្លួនមិនអញ្ជើញឲ្យចូលរួម ហើយលោកប្រកាសកាលពីថ្ងៃចន្ទទី១៧ខែកុម្ភៈឆ្នាំ២០២៥ថា អ៊ុយក្រែន នឹងមិនទទួលស្គាល់លទ្ធផលនៃជំនួបនេះឡើយ។
យ៉ាងណាក្តី ក្រោយមកលោក ត្រាំ បានឆ្លើយតបវិញដោយបញ្ជាក់ថា «ប្រសិនបើអ៊ុយក្រែនចង់បានកៅអីនៅតុចរចាមែន គួរតែរៀបចំការបោះឆ្នោតសិន»។ មិនត្រឹមប៉ុណ្ណឹង លោក ត្រាំ ថែមចោទថា លោក ហ្សេលេនស្គីនេះឯងជាអ្នកធ្វើឲ្យសង្គ្រាមជាមួយរុស្ស៊ីផ្ទុះឡើងទៀតផង ហើយអ៊ុយក្រែនខ្លួនឯងទេដែលជាអ្នកបោះបង់ចោលឱកាសបញ្ចប់សង្គ្រាមក្នុងរយៈពេល៣ឆ្នាំមកនេះនោះ៕
អត្ថបទ៖ សុខ សុវណ្ណ
ចុចអាន៖ Elon Musk លូកមាត់លូក ក រឿងសង្គ្រាមនៅអ៊ុយក្រែន ទាមទារឲ្យ ហ្សេលេនស្គី រៀបចំការបោះឆ្នោត
លោក ហេង សួរ ៖ កិច្ចប្រជុំកំពូលវាយនភណ្ឌសកល នឹងធ្វើឱ្យកម្ពុជាក្លាយជាគោលដៅទាក់ទាញទាំងអាជីវកម្មនិងវិនិយោគទុន
សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភជាប្រចាំខែដល់កុមារកំព្រា និងកុមារមានទុក្ខលំបាកនៅមណ្ឌលមែកឈើ
រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល
ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards
ត្រាំ បញ្ជាក់ថា «ពន្ធឱ្យស្មើគ្នា» នឹងដាក់លើគ្រប់ប្រទេសទាំងអស់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់
យោធាមីយ៉ាន់ម៉ាបន្តការវាយប្រហារតាមអាកាសទោះបីមានរញ្ជួយដីក៏ដោយ
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី