នាយករដ្ឋមន្រ្តីប៉ាគីស្ថាន និងភរិយា តេស្តវិជ្ជមានកូវីដ ១៩ ក្រោយចាក់វ៉ាក់សាំងដូសដំបូង ពីរថ្ងៃ

នាយករដ្ឋមន្រ្តីរបស់ប្រទេសប៉ាគីស្ថានលោក Imran Khan និងភរិយាគឺលោកស្រី Bushra Bibi បានធ្វើតេស្តវិជ្ជមានជំងឺកូវីដ ១៩ ។ នេះបើតាមការិយាល័យរបស់គាត់បានបញ្ជាក់កាលពីថ្ងៃសៅរ៍ ។

ការិយាល័យ និងគណបក្សរបស់នាយករដ្ឋមន្រ្តីបាននិយាយនៅលើបណ្តាញសង្គម Twitter ថា លោក Khan និងភរិយារបស់លោកកំពុងរស់នៅផ្ដាច់ខ្លួននៅដាច់ដោយឡែកនៅឯផ្ទះ ។

ក្រុមមន្រ្តីបាននិយាយកាលពីថ្ងៃសៅរ៍ថា នាយករដ្ឋមន្រ្តីកំពុងរស់នៅផ្ដាច់ខ្លួននៅដាច់ដោយឡែកនៅផ្ទះ ប៉ុន្តែពួកគេបានបដិសេធមិនប្រាប់ព័ត៌មានលម្អិតអំពីស្ថានភាពរបស់គាត់នោះទេ ។

ការប្រកាសនេះធ្វើឡើងរយៈពេលពីរថ្ងៃ បន្ទាប់ពីលោក Khan ទទួលការចាក់វ៉ាក់សាំងការពារជំងឺកូវីដ ១៩ ដូសដំបូង ។

រដ្ឋាភិបាលបានចាប់ផ្តើមចាក់ថ្នាំបង្ការដល់បុគ្គលិកសុខាភិបាលកាលពីខែមុនដោយប្រើវ៉ាក់សាំងដែលផ្គត់ផ្គង់ដោយប្រទេសចិន ។

បន្ទាប់ពីការឆ្លងរបស់លោកនាយករដ្ឋមន្រ្តី រដ្ឋាភិបាលបានអំពាវនាវជាថ្មីម្តងទៀតដល់ប្រជាជនឲ្យចាត់វិធានការបង្ការឲ្យបានហ្មត់ចត់ដូចជាពាក់ម៉ាសជាដើម ។

គួរបញ្ជាក់ថា គិតត្រឹមពេលនេះប្រទេសប៉ាគីស្ថានមានករណីឆ្លងជំងឺកូវីដ ១៩ ច្រើនជាង ៦២០,០០០ ករណី និងមានអ្នកស្លាប់លើសពី ១៣,០០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK / Anadolu

ចុចអាន ៖ ស្រ្តីដំបូងគេលើលោក ផ្តល់កំណើតកូន មានអង់ទីគ័រការពារជំងឺកូវីដ១៩ក្រោយចាក់វ៉ាក់សាំងតែមួយដូស

ចុចអាន ៖ កត្តាដែលស្រ្តីមានផ្ទៃពោះ គួរនិងមិនគួរចាក់វ៉ាក់សាំងការពារជំងឺ កូវីដ-១៩