ព័ត៌មានអន្ដរជាតិ
អ៊ីស្រាអែល ប្រាប់ថា សាកសពម្នាក់ដែលហាម៉ាសប្រគល់ឲ្យ មិនមែនជាចំណាប់ខ្មាំងទេ
យោធាអ៊ីស្រាអែល បាននិយាយថា សាកសពមួយក្នុងចំណោមសាកសពដែលក្រុមហាម៉ាស់ដោះលែងនោះ មិនមែនជាចំណាប់ខ្មាំងដែលត្រូវបានឃុំខ្លួននៅតំបន់ហ្គាហ្សាឡើយ ហើយបានចោទប្រកាន់ក្រុមហាម៉ាសថាបានរំលោភលើបទឈប់បាញ់។
យោងតាមយោធាអ៊ីស្រាអែលនៅថ្ងៃសុក្រទី២១កុម្ភៈនេះ សាកសព២នាក់ត្រូវបានគេកំណត់អត្តសញ្ញាណថាជាទារកឈ្មោះ Kfir Bibas និងបងប្រុសរបស់គេអាយុ ៤ឆ្នាំឈ្មោះ Ariel ខណៈដែលសាកសពទី៣ដែលត្រូវបានគេសន្មត់ថាជាម្តាយរបស់ពួកគេឈ្មោះ Shiri ត្រូវបានគេរកឃើញថាមិនមែនជាចំណាប់ខ្មាំងណាមួយឡើយ។ យោធាអ៊ីស្រាអែល បានបន្ថែមថា ឥឡូវសាកសពនោះមិនទាន់អាចសម្គាល់អត្តសញ្ញាណទេ។
សេចក្តីថ្លែងការណ៍របស់អ៊ីស្រាអែល បានទាមទារឲ្យមានការប្រគល់ត្រឡប់មកវិញនូវសាកសពរបស់ Shiri និងចំណាប់ខ្មាំងទាំងអស់ ដោយបញ្ជាក់ទៀតថា៖ «នេះគឺជាការរំលោភយ៉ាងធ្ងន់ធ្ងរបំផុតដោយក្រុមភេរវករហាម៉ាស ដែលត្រូវមានកាតព្វកិច្ចក្រោមកិច្ចព្រមព្រៀងក្នុងការប្រគល់ចំណាប់ខ្មាំងដែលបានស្លាប់ចំនួន ៤នាក់»។
យ៉ាងណាមិញ មិនមានប្រតិកម្មភ្លាមៗពីក្រុមហាម៉ាសទេ។
ក្រុមសកម្មប្រយុទ្ធប៉ាឡេស្ទីន បានប្រគល់មឈូសខ្មៅចំនួន៤ កាលពីថ្ងៃព្រហស្បតិ៍ ដែលជាអដ្ឋិធាតុរបស់ក្មេងប្រុស២នាក់ ម្តាយរបស់ពួកគេ និងបុរសម្នាក់ទៀតឈ្មោះ Oded Lifshitz នៅក្រោមបទឈប់បាញ់នៅហ្គាហ្សា ដែលបានព្រមព្រៀងកាលពីខែមករា ដោយមានការគាំទ្រពីសហរដ្ឋអាមេរិក និងការសម្របសម្រួលពីកាតា និងអេហ្ស៊ីប។
ការប្រគល់នេះ ជាការប្រគល់សាកសពលើកដំបូង ដែលធ្វើឡើងក្រោមកិច្ចព្រមព្រៀងបច្ចុប្បន្ន។
យោធាអ៊ីស្រាអែល បានប្រាប់ថា កុមារ Bibas ត្រូវបានសម្លាប់ពេលជាប់ឃុំខ្លួនក្នុងខែវិច្ឆិកាឆ្នាំ២០២៣។ ចំណែកឯការិយាល័យនាយករដ្ឋមន្ត្រី បាននិយាយមុននេះថា លោក Lifshitz ត្រូវបានសម្លាប់ដោយក្រុមជីហាតអ៊ីស្លាម ដែលជាក្រុមសកម្មប្រយុទ្ធមួយផ្សេងទៀតនៅហ្គាហ្សា។
ការវាយប្រហារដែលដឹកនាំដោយក្រុមហាម៉ាសចូលទៅក្នុងប្រទេសអ៊ីស្រាអែល កាលពីខែតុលាឆ្នាំ២០២៣បានសម្លាប់មនុស្សប្រហែល ១ ២០០នាក់ ហើយចំណាប់ខ្មាំងចំនួន ២៥១នាក់ត្រូវបានចាប់ខ្លួនទៅតំបន់ហ្គាហ្សា។ យុទ្ធនាការយោធាជាបន្តបន្ទាប់របស់អ៊ីស្រាអែល ដែលសងសឹកលើក្រុមហាម៉ាស បានសម្លាប់មនុស្សប្រហែល ៤៨ ០០០នាក់៕
ដោយ៖ ឈាង
អ៊ីស្រាអែល ប្រាប់ថា សាកសពម្នាក់ដែលហាម៉ាសប្រគល់ឲ្យ មិនមែនជាចំណាប់ខ្មាំងទេ
មហាសេដ្ឋី Charlie ប្រាប់បទពិសោធន៍ផ្ទាល់ខ្លួន ៣វិធី ងាយក្លាយជាអ្នកមាន និងជោគជ័យ
រថយន្ត ២ គ្រឿង បុកគ្នាពេញទំហឹង ត្រង់ផ្លូវបំបែកជា ៤ ខូចខាតយ៉ាងធ្ងន់ធ្ងរ
មន្រ្តីជំនាញខេត្តកំពង់ធំដុតបំផ្លាញជង្គង់មាន់បង្កក និងសត្វចង្រិតខូចគុណភាពជាង១តោនដែលឈ្មួញលួចនាំចូលពីប្រទេសជិតខាង
រដ្ឋាភិបាលស្នើដល់រដ្ឋាភិបាលអាល្លឺម៉ង់ជួយលើកកម្ពស់ឌីជីថលូបនីយកម្ម និងជំរុញការចាប់យកបច្ចេកវិទ្យា
នគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
លោក ជួន ណារិន្ទ បង្គាប់ឱ្យមន្ត្រីនគរបាលពីររូបបង្ហាញខ្លួននៅការិយាល័យបុគ្គលិកពាក់ព័ន្ធករណីប៉ះទង្គិចជាមួយលោកបណ្ឌិត សុខ ទូច
មន្ត្រីអាមេរិក-រុស្ស៊ីទើបចរចាគ្នាចប់ ស្រាប់តែ ពូទីន លើកទ័ពចូលវាយតំបន់ថ្មីនៅអ៊ុយក្រែន
រុស្ស៊ី បានដៃ បាញ់មីស៊ីលស្រោចលើអ៊ុយក្រែន ចំពេល ត្រាំ និង ហ្សេលេនស្គី កំពុងឈ្លោះគ្នា
ពូទីន ប្រាប់ ហ្សេលេនស្គី កុំឲ្យតូចចិត្តតូចថ្លើម គ្មាននរណាមិនឲ្យអ៊ុយក្រែនចូលរួមកិច្ចចរចាទេ
-
ព័ត៌មានជាតិ៣ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
បច្ចេកវិទ្យា១ សប្តាហ៍ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៥ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៣ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ជីវិតកម្សាន្ដ១ សប្តាហ៍ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
សន្តិសុខសង្គម៤ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៣ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៧ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម