ព័ត៌មានអន្ដរជាតិ
លោក Macron ថា លោកនឹងប្រាប់លោក ត្រាំ កុំឲ្យចុះញ៉ម ពូទីន
ប្រធានាធិបតីបារាំងលោក Emmanuel Macron បានប្រកាសផែនការទៅបំពេញទស្សនកិច្ចនៅទីក្រុងវ៉ាស៊ីនតោនឌីស៊ី នាសប្ដាហ៍ក្រោយ ដោយមានចេតនាជំរុញឲ្យប្រធានាធិបតីអាមេរិក ដូណាល់ ត្រាំ រក្សាជំហររឹងមាំប្រឆាំងនឹងប្រធានាធិបតីរុស្ស៊ីលោក វ៉ា្លឌីមៀរ ពូទីន។
លោក Macron បានលើកឡើងកាលពីថ្ងៃព្រហស្បតិ៍ទី២០កុម្ភៈថា ការបង្ហាញពីភាពទន់ខ្សោយចំពោះលោក ពូទីន អាចបំផ្លាញភាពជឿជាក់របស់អាមេរិកក្នុងការចរចាជាមួយប្រទេសផ្សេងទៀត រួមទាំងប្រទេសចិន និងអ៊ីរ៉ង់ផងដែរ។ មេដឹកនាំបារាំង បាននិយាយថា៖ «ខ្ញុំនឹងប្រាប់គាត់ថា អ្នកមិនអាចចុះញ៉មនៅចំពោះមុខប្រធានាធិបតី ពូទីន បានទេ។ តើអ្នកអាចជឿជាក់ម្ដេចបាននៅចំពោះមុខចិនដោយរបៀបណា បើអ្នកចុះញ៉មនៅចំពោះមុខ ពូទីន?»។
ដំណើរទស្សនកិច្ចនេះ កើតមានចំពេលមានការព្រួយបារម្ភអំពីវិធីសាស្ត្ររបស់លោក ត្រាំ ចំពោះការឈ្លានពានរបស់រុស្ស៊ីនៅអ៊ុយក្រែន។ លោក Macron បានគូសបញ្ជាក់ពីភាពមិនច្បាស់លាស់ជុំវិញការដោះស្រាយស្ថានការណ៍របស់លោក ត្រាំ ដោយលើកឡើងថា យុទ្ធសាស្ត្រដែលមិនអាចទាយទុកជាមុនបានអាចនាំទៅរកលទ្ធផលចរចាមិនអំណោយផល។ លោកបានសង្កត់ធ្ងន់លើសារៈសំខាន់នៃការចូលរួមរបស់អឺរ៉ុបក្នុងការដោះស្រាយជម្លោះ និងក្នុងការរៀបចំផែនការសម្រាប់សន្តិសុខនាពេលអនាគតរបស់អ៊ុយក្រែន។
លោក Macron ក៏បានធ្វើការឆ្លើយតបទៅនឹងការបរិយាយរបស់លោក ត្រាំ ដែលបានហៅលោក វ៉ុលឡូឌីមៀរ ហ្សេលេនស្គី ថាជា «ជនផ្ដាច់ការ» ដែលមិនរៀបចំការបោះឆ្នោត។ លោកបន្ថែមថា លោក ហ្សេលេនស្គី គឺជាមេដឹកនាំដ៏ស្របច្បាប់មួយរូបរបស់អ៊ុយក្រែនយ៉ាងពិតប្រាកដ ហើយកុំតែផ្ទុះសង្គ្រាមជាមួយរុស្ស៊ី ទើបមិនអាចរៀបចំការបោះឆ្នោតនៅក្នុងអាណត្តិថ្មីបាន។
លោក Macron បានរៀបរាប់ទៀតថា៖ «រុស្ស៊ីគឺជាការគំរាមកំហែងដល់អឺរ៉ុប បើនៅបន្តការឈ្លានពានបែបនេះ» ដោយបន្ថែមថា តម្រូវការសម្រាប់ការវិនិយោគចំពោះសន្តិសុខ និងការការពារជាតិអឺរ៉ុប គឺជារឿងចាំបាច់។
យ៉ាងណាមិញ លោកបានបញ្ជាក់ថា បារាំងនៅពេលបច្ចុប្បន្នមិនទាន់មានគម្រោងបញ្ជូនទ័ពទៅកាន់អ៊ុយក្រែននៅឡើយទេ ប៉ុន្តែបើកិច្ចព្រៀមព្រៀងចរចាបានសម្រេច បារាំងនឹងជួយចូលរួមក្នុងការធានាសន្តិសុខដល់អ៊ុយក្រែននៅថ្ងៃទៅមុខ៕
ដោយ៖ ឈាង
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ