ព័ត៌មានអន្ដរជាតិ

ថ្ងៃអាទិត្យនេះ ទឹកជំនន់វាយប្រហារក្រុងស៊ីដនី ជម្លៀសប្រជាជនរាប់ពាន់នាក់

បានផុស

៤ years មុន

នៅ

ថ្ងៃអាទិត្យ ២១ មីនា ២០២១

ដោយ

មនុស្សរាប់ពាន់នាក់នៅជាយក្រុងស៊ីដនី ត្រូវបានជម្លៀសចេញនៅថ្ងៃអាទិត្យនេះ ខណៈឆ្នេរខាងកើតប្រទេសអូស្ត្រាលីត្រូវបានវាយប្រហារដោយជំនន់ទឹកភ្លៀងយ៉ាងអាក្រក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេវាកម្មគ្រាអាសន្នបានចេញបទបញ្ជាជម្លៀសប្រជាជននៅតំបន់ទំនាបជាច្រើននៅភាគពាយព្យរបស់ទីក្រុង មួយថ្ងៃបន្ទាប់ពីអាជ្ញាធរបានព្រមានពីទឹកជំនន់ដ៏អាក្រក់ដែលអាចគំរាមដល់អាយុជីវិតនៅរដ្ឋ New South Wales។

ប្រជាជនបានចាប់ផ្តើមប្រមូលផ្តុំទៅមណ្ឌលជម្លៀសរួចហើយនៅភាគខាងជើងទីក្រុងស៊ីដនី ខណៈភ្លៀងធ្លាក់ខ្លាំងកាលពីថ្ងៃសៅរ៍ បានធ្វើឲ្យប៉ះពាល់ដល់តំបន់ឆ្នេរសមុទ្រដ៏ធំនៅក្នុងរដូវក្តៅសើមខុសពីធម្មតា។

នៅ Taree ដែលរូបភាពទូរទស្សន៍ផ្សាយបង្ហាញពីផ្ទះមួយខ្នងបានអណ្តែតចុះតាមដងទន្លេ មនុស្សប្រហែលជា១៥០នាក់បានដេកមួយយប់នៅអគារមួយដែលពីមុនត្រូវបានប្រើសម្រាប់មនុស្សដែលជម្លៀសចេញពីភ្លើងឆេះព្រៃ។

នាយកប្រតិបត្តិក្លឹប Club Taree លោក Paul Allen បានពណ៌នាទឹកជំនន់ថាជា«គ្រោះមហន្តរាយមួយ»ដែលធ្វើឲ្យប្រជាជននៅក្នុងតំបន់បាត់បង់អ្វីគ្រប់យ៉ាង៕