ព័ត៌មានអន្ដរជាតិ
អាមេរិក គាំទ្រអ៊ីស្រាអែល ដែលពន្យារពេលដោះលែងអ្នកទោសប៉ាឡេស្ទីនជាង៦០០នាក់
សហរដ្ឋអាមេរិក បានសម្តែងការគាំទ្រចំពោះការសម្រេចចិត្តរបស់អ៊ីស្រាអែល ក្នុងការពន្យារពេលដោះលែងអ្នកទោសប៉ាឡេស្ទីនចំនួន ៦២០នាក់ ដែលជាវិធានការដែលបានព្រមព្រៀងគ្នាដំបូងក្រោមបទឈប់បាញ់ជាមួយក្រុមហាម៉ាស។
ការពន្យារពេលនេះ កើតឡើងក្នុងការឆ្លើយតបទៅនឹងអ្វីដែលអ៊ីស្រាអែលពណ៌នាថាជា «អំពើដ៏ព្រៃផ្សៃ» របស់ក្រុមហាម៉ាស លើចំណាប់ខ្មាំងរបស់ខ្លួន បើទោះជាក្រុមសកម្មប្រយុទ្ធមួយនេះបានដោះលែងចំណាប់ខ្មាំងអ៊ីស្រាអែលចំនួន ៦នាក់រួចមកហើយកាលពីសប្ដាហ៍មុន។
អ្នកនាំពាក្យក្រុមប្រឹក្សាសន្តិសុខជាតិអាមេរិក លោក Brian Hughes បាននិយាយថា ការពន្យារពេលនេះគឺជា «ការឆ្លើយតបដ៏សមស្រប» ចំពោះសកម្មភាពរបស់ក្រុមហាម៉ាស។ លោកប្រធានាធិបតី ដូណាល់ ត្រាំ ក៏បានបង្ហាញពីការត្រៀមខ្លួនជាស្រេចដើម្បីគាំទ្រអ៊ីស្រាអែលនៅក្នុងវិធានការណាមួយដែលខ្លួនយល់ថាចាំបាច់ទាក់ទងនឹងក្រុមហាម៉ាស។
បទឈប់បាញ់ដែលមានប្រសិទ្ធភាពចាប់តាំងពីថ្ងៃទី១៩ខែមករា បានជួយសម្រួលដល់ការផ្លាស់ប្តូរចំណាប់ខ្មាំង និងអ្នកទោសរវាងអ៊ីស្រាអែល និងក្រុមហាម៉ាស។ យ៉ាងណាមិញ ឧប្បត្តិហេតុថ្មីៗនេះ រួមទាំងការកំណត់អត្តសញ្ញាណមិនត្រឹមត្រូវនៃសាកសពចំណាប់ខ្មាំងដែលបានប្រគល់មកវិញ បានធ្វើឲ្យកិច្ចព្រមព្រៀងនេះកាន់តែតានតឹង។ ក្រុមហាម៉ាស បានប្រកាសថា ការចរចាបន្ថែមទៀតគឺជាប់ទាក់ទងនឹងអ៊ីស្រាអែលបំពេញការប្តេជ្ញាចិត្តរបស់ខ្លួនក្នុងការដោះលែងអ្នកទោសប៉ាឡេស្ទីន ដូចដែលបានព្រមព្រៀងគ្នាពីមុនមក។
បន្ថែមពីលើភាពតានតឹងនៅក្នុងការដោះដូរអ្នកទោសនិងចំណាប់ខ្មាំង រថក្រោះរបស់អ៊ីស្រាអែលបានចូលទៅដល់ក្នុងតំបន់ West Bank ជាលើកដំបូងក្នុងរយៈពេលជាច្រើនទស្សវត្សរ៍ ជាពិសេសផ្តោតលើតំបន់ Jenin។ រដ្ឋមន្ត្រីការពារជាតិ លោក Israel Katz បាននិយាយថា កងទ័ពនឹងបន្តនៅក្នុងជំរុំជនភៀសខ្លួនរហូតដល់រយៈពេលមួយឆ្នាំ ជាមួយគោលបំណងទប់ស្កាត់ការវិលត្រឡប់មកវិញរបស់ប្រជាជនប៉ាឡេស្ទីនប្រមាណ ៤០ ០០០នាក់ ដែលត្រូវបានផ្លាស់ទីលំនៅពីមុន។ សកម្មភាពនេះត្រូវបានថ្កោលទោសដោយអាជ្ញាធរប៉ាឡេស្ទីនថាជាការកើនឡើងភាពតានតឹងដ៏គួរឲ្យកត់សម្គាល់ ហើយពួកគេកំពុងស្វែងរកអន្តរាគមន៍ពីអន្តរជាតិ៕
ដោយ៖ ឈាង
ចុចអាន៖ អ៊ីស្រាអែល ប្រាប់ថា សាកសពម្នាក់ដែលហាម៉ាសប្រគល់ឲ្យ មិនមែនជាចំណាប់ខ្មាំងទេ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១៣ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៤ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?