ព័ត៌មានអន្ដរជាតិ
ម៉ាក្រុង ប្រាប់ទៅ ត្រាំ ថា មិនមែនទាល់តែអ៊ុយក្រែន ចាញ់រុស្ស៊ី ទើបមានសន្តិភាពនោះទេ
ក្នុងសន្និសីទកាសែតនៅសេតវិមានអំឡុងដំណើរទស្សកិច្ចទីក្រុងវ៉ាស៊ីនតោន, ប្រធានាធិបតីបារាំង អេម៉ាញូអែល ម៉ាក្រុង បានប្រាប់ទៅសមភាគីអាមេរិក ដូណាល់ ត្រាំ ថា សន្តិសុខមិនមែនអាចកើតឡើងបាន លុះត្រាតែអ៊ុយក្រែន ចុះចាញ់សង្គ្រាមរុស្ស៊ីនោះទេ។

តាមការចុះផ្សាយរបស់ BBC នៅថ្ងៃអង្គារទី២៥ខែកុម្ភៈឆ្នាំ២០២៥ លោកម៉ាក្រុងបាននិយាយថា បើចង់បានសន្តិភាពនៅអ៊ុយក្រែន ត្រូវតែមានការធានាសន្តិសុខ មិនមែនឲ្យអ៊ុយក្រែន ទម្លាក់អាវុធចុះហើយក៏មិនមែនមានបទឈប់បាញ់ទាំងដែលគ្មានការធានាសន្តិសុខដែរ។
ចំណែកលោកត្រាំវិញ លោកចង់ឲ្យមានបទឈប់បាញ់នៅអ៊ុយក្រែន ឆាប់ៗតាមដែលអាចធ្វើទៅបាន ហើយលោកនឹងទៅបំពេញទស្សនកិច្ចនៅប្រទេសរុស្ស៊ី ដើម្បីជួបប្រធានាធិបតី វ្ល៉ាឌីមៀរ ពូទីន នៅពេលមានការព្រមព្រៀងគ្នា។

ពាក់ព័ន្ធបញ្ហានេះ លោកម៉ាក្រុង បានគូសបញ្ជាក់យ៉ាងច្បាស់ថា «យើងចង់បានសន្តិភាពយ៉ាងឆាប់រហ័សមែន ប៉ុន្តែយើងមិនចង់បានកិច្ចព្រមព្រៀងដែលទន់ខ្សោយនោះទេ»។
ទោះបីជាយ៉ាងណាក៏ដោយ ភាគីទាំងពីរក៏បានព្រមព្រៀងគ្នាដែរថា កិច្ចព្រមព្រៀងសន្តិភាពណាមួយ គួរតែរួមបញ្ចូលការដាក់ពង្រាយកងកម្លាំងរក្សាសន្តិភាពអឺរ៉ុបទៅកាន់អ៊ុយក្រែន។

ស្របពេលជាមួយគ្នានោះ បើនិយាយពីប្រធានបទនៃសន្តិសុខរបស់អឺរ៉ុបវិញ, ប្រធានាធិបតីអាមេរិក ដូណាល់ ត្រាំ និយាយថា លោករីករាយដែលលោក ម៉ាក្រុង យល់ស្របថា ការចំណាយនិងបន្ទុកនៃការធានាសន្តិភាព ត្រូវតែជាបន្ទុករបស់ប្រជាជាតិអឺរ៉ុប មិនមែនសហរដ្ឋអាមេរិកតែម្នាក់ឯងទេ។ អឺរ៉ុបត្រូវតែប្រកាន់យកតួនាទីកណ្តាល ក្នុងការធានាសន្តិសុខរយៈពេលវែងឲ្យអ៊ុយក្រែន។
សូមជម្រាបថា ដំណើរទស្សនកិច្ចរបស់លោក ម៉ាក្រុង ទៅកាន់ទីក្រុងវ៉ាស៊ីនតោន ឌីស៊ី គឺកើតឡើងចំពេលមានការព្រួយបារម្ភកាន់តែខ្លាំងឡើងនៅក្នុងទ្វីបអឺរ៉ុប អំពីអនាគតនៃទំនាក់ទំនងឆ្លងមហាសមុទ្រអាត្លង់ទិក ខណៈលោក ត្រាំ កំពុងជំរុញរបៀបវារៈគោលនយោបាយការបរទេស « America First» និងដាក់សម្ពាធឲ្យបញ្ចប់សង្រ្គាមអ៊ុយក្រែនក្នុងពេលឆាប់ៗ៕
អត្ថបទ៖ សុខ សុវណ្ណ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ