ព័ត៌មានអន្ដរជាតិ
កុំមើលស្រាល! វេជ្ជបណ្ឌិតអាមេរិក ថា បើពិភពលោក ត្រៀមខ្លួនក៏ល្អដែរ ក្រោយចិនរកឃើញមេរោគថ្មី
ប៉ុន្មានថ្ងៃមកនេះ មានការជជែកវែកញែកគ្នាខ្លាំងមែនទែន ពាក់ព័ន្ធនឹងមេរោគកូរ៉ូណាប្រភេទថ្មី ដែលប្រទេសចិន រកឃើញក្នុងខ្លួនសត្វប្រចៀវ ដោយអ្នកវិទ្យាសាស្រ្តខ្លះក៏បង្ហាញការព្រួយបារម្ភ ខណៈខ្លះទៀតអះអាងថា វាមិនបង្កហានិភ័យអ្វីទេ។ យ៉ាងណាជុំវិញមេរោគដែលទើបរកឃើញឈ្មោះ HKU5-CoV-2 មួយនេះ ត្រូវបានវេជ្ជបណ្ឌិតអាមេរិកមួយរូប ចេញមុខព្រមានថា ពិភពលោកគួរតែត្រៀមខ្លួនឲ្យបានប្រសើរក៏ល្អដែរ។
វេជ្ជបណ្ឌិត William Schaffner សាស្ត្រាចារ្យផ្នែកថ្នាំបង្ការ និងជំងឺឆ្លងនៅមជ្ឈមណ្ឌលវេជ្ជសាស្ត្រសាកលវិទ្យាល័យ Vanderbilt ក្នុងទីក្រុង Nashville នៃរដ្ឋ Tennessee សហរដ្ឋអាមេរិក បានប្រាប់ Daily Mail កាលពីថ្ងៃចន្ទទី២៤ខែកុម្ភៈឆ្នាំ២០២៥ថា ដ្បិតឥឡូវ មិនទាន់មានការចង្អុលបង្ហាញថា មេរោគដែលទើបរកឃើញនេះ នឹងឆ្លងទៅមនុស្សក៏ពិតមែន ប៉ុន្តែពិភពលោកត្រូវតែត្រៀមខ្លួន សម្រាប់ករណីជាយថាហេតុណាមួយ។
យោងតាមលោក Schaffner, ការរកឃើញមេរោគនេះ បង្ហាញថា ពិតជាមានការគំរាមកំហែងដែលយើងមើលមិនឃើញ ហើយកុំភ្លេចខ្លួនឲ្យសោះ។ ការរកឃើញថ្មីនេះ ធ្វើឲ្យយើងយល់កាន់តែច្បាស់ អំពីការគំរាមកំហែងនៃរោគរាតត្បាតដ៏មានសក្តានុពលជាច្រើន ដែលលាក់ខ្លួននៅក្នុងធម្មជាតិ ហើយអាចចម្លងដល់មនុស្សបាន។
ស្របពេលជាមួយគ្នានោះដែរ លោកបានអំពាវនាវឲ្យប្រទេសទាំងអស់លើពិភពលោក ត្រូវមានកិច្ចសហប្រតិបត្តិការជាមួយគ្នាលើវិស័យសុខាភិបាលសាធារណៈ ព្រោះវាជារឿងចាំបាច់បំផុត។
សូមជម្រាបជាថ្មី កាលពីសប្តាហ៍មុន អ្នកវិទ្យាសាស្រ្តចិន បានរកឃើញវីរុសកូរ៉ូណាមួយប្រភេទថ្មីឈ្មោះ HKU5-CoV-2 នៅក្នុងខ្លួនសត្វប្រចៀវ ហើយថា ហើយវាមានលក្ខណៈស្រដៀងទៅនឹងវីរុសកូរ៉ូណាដែរ ពោលគឺវាអាចចម្លងដល់មនុស្សនិងបំផ្លាញសួត ជាពិសេសអ្នកដែលមានប្រព័ន្ធសរីរាង្គខ្សោយ។
តាមការចុះផ្សាយរបស់ Economic Times កាលពីចុងសប្តាហ៍, HKU5 ជាប្រភេទ beta-coronavirus ដែលជាក្រុមមេរោគដូចគ្នាទៅនឹង SARS-CoV-1, MERS-CoV និង SARS-CoV-2 ដែលជាភ្នាក់ងារបណ្តាលឲ្យកើតមានជំងឺ កូវីដ-១៩ ដែរ។
ការសិក្សាបង្ហាញថា HKU5 អាចចងភ្ជាប់ទៅនឹងប្រូតេអ៊ីន ACE2 របស់មនុស្ស ដូចទៅនឹងវីរុស SARS-CoV-2 ដើម្បីចូលទៅក្នុងកោសិកាដែរ។ សមត្ថភាពនេះបង្ហាញថា HKU5 មានសក្តានុពលក្នុងការឆ្លងកោសិកាមនុស្ស ដ្បិតបច្ចុប្បន្ន នៅមានកម្រិតទាបក៏ដោយ៕
អត្ថបទ៖ សុខ សុវណ្ណ
ចុចអាន៖ លក្ខណៈស្រដៀងគ្នារវាងវីរុសកូរ៉ូណាដែលបង្កជំងឺកូរីដ១៩និងមេរោគ HKU5-CoV-2
ម៉ាស៊ីនលាងឈាមទំនើបតម្លៃជាង ១,៦០០០ដុល្លារ ត្រូវប្រគល់ជូនមន្ទីរពេទ្យបង្អែកខេត្តកំពង់ឆ្នាំង
សកម្មជនប្រឆាំងថៃប្តេជ្ញាតតាំងប្រឆាំងនឹងច្បាប់កាស៊ីណូ និងអាជីវកម្មកម្សន្ត
រដ្ឋមន្ត្រីបរិស្ថាន៖ ក្រសួង មិនបានលាក់បាំងព័ត៌មានគុណភាពខ្យល់ពុលឡើយ ព្រោះបើលាក់បាំងស្មើនឹងធ្វើបាបពលរដ្ឋ
រដ្ឋសភាប្រគល់កៅអីដែលជាអតីតអាសនៈរបស់តំណាងរាស្រ្ត ឱ្យវិទ្យាល័យឥន្រ្ទទេវី ទុកប្រើតាមតម្រូវការ
Metfone គាំទ្រចំពោះសកម្មភាពមនុស្សធម៌ និងចែករំលែកអំណោយដល់សិស្សនៅខេត្តស្ទឹងត្រែង
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
នាយករដ្ឋមន្ត្រី៣រូបក្នុងត្រកូល «ស៊ីណាវ៉ាត្រា» មានវាសនាខ្ពស់រួចផុតពីការទម្លាក់អំណាចដោយសភា ប៉ុន្តែ២រូបឆ្លងមិនផុតរដ្ឋប្រហារ
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
ហ្សេលេនស្គី ថា ពូទីន នឹងស្លាប់ឆាប់ៗ
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៦ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៣ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១០ ម៉ោង agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៦ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ
-
ព័ត៌មានអន្ដរជាតិ៦ ថ្ងៃ agoអង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក