ស្ងាត់ៗ! ចំនួនអ្នកឆ្លង កូវីដ នៅមីយ៉ាន់ម៉ាកើនឡើងដល់ជាង ១០ ម៉ឺននាក់

ចំនួនអ្នកឆ្លងជំងឺកូវីដ ១៩ សរុបនៅក្នុងប្រទេសមីយ៉ាន់ម៉ាបានកើនឡើងដល់ ១៤២,២៤០ ករណីកាលពីថ្ងៃសៅរ៍ ។ នេះបើយោងតាមការចេញផ្សាយពីក្រសួងសុខាភិបាល និងកីឡារបស់ប្រទេស ។

សេចក្តីរាយការណ៍និយាយថា ប្រទេសមីយ៉ាន់ម៉ាបានរាយការណ៍ពីករណីឆ្លងថ្មីចំនួន ១៣ ករណីក្នុងរយៈពេល ២៤ ម៉ោងចុងក្រោយ ខណៈចំនួនអ្នកស្លាប់មាន ៣,២០៤ នាក់ ។

ទន្ទឹមនោះអ្នកជំងឺជាសះស្បើយសរុបចំនួន ១៣១,៧៦៣ នាក់ត្រូវបានចេញពីមន្ទីរពេទ្យរហូតមកដល់ពេលនេះ ខណៈចំនួនសំណាកដែលត្រូវបានធ្វើតេស្តប្រចាំថ្ងៃរកជំងឺកូវីដ ១៩ បានថយចុះប្រហែល ១,០០០ ពីសំណាកប្រហែល ១០,០០០ នាក់ចាប់តាំងពីដើមខែកុម្ភៈ ។

គួរបញ្ជាក់ថា ជំងឺកូវីដ ១៩ ត្រូវបានគេរកឃើញដំបូងនៅប្រទេសមីយ៉ាន់ម៉ាកាលពីថ្ងៃទី ២៣ ខែមីនា ឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ នៅតែច្រើន! ប្រេស៊ីល បន្តរកឃើញអ្នកឆ្លងកូវីដជិត ៨ ពាន់ករណី និងស្លាប់ជាង ២ ពាន់នាក់

ចុចអាន ៖ មិនចេះតិច! ឥណ្ឌា រកឃើញអ្នកឆ្លងកូវីដថ្មីជិត ៤៤,០០០ ករណីក្នុងមួយថ្ងៃ