ព័ត៌មានអន្ដរជាតិ
ត្រាំ សម្លឹងឃើញធនធានរ៉ែកម្ររបស់ រុស្ស៊ី
បន្ទាប់ពីប្រធានាធិបតីរុស្ស៊ី វ្ល៉ាឌីមៀរ ពូទីន ប្រកាសពីការត្រៀមខ្លួនធ្វើការជាមួយសហរដ្ឋអាមេរិក ដើម្បីអភិវឌ្ឍអណ្តូងរ៉ែនិងរោងចក្រចម្រាញ់រ៉ែកម្រ ស្រាប់តែពេលនេះ ប្រមុខសេតវិមាន លោក ដូណាល់ ត្រាំ បានបង្ហាញចេតនាចង់បានរ៉ែកម្ររបស់រុស្ស៊ី ប៉ុន្តែតាមរយៈការវិនិយោគ។
ឆ្លើយតបសំណួរអ្នកកាសែតអំពីកិច្ចព្រមព្រៀងរុស្ស៊ី-អាមេរិក, លោក ត្រាំ ថ្លែងក្នុងសេតវិមាននៅថ្ងៃពុធទី២៦ខែកុម្ភៈឆ្នាំ២០២៥ថា «ជាការពិត បើសិនជាអាច ខ្ញុំក៏ចង់ទិញរ៉ែនៅដីរុស្ស៊ីដែរ។ ពួកគេមានធនធានរ៉ែកម្រល្អៗណាស់ ហើយមានទាំងហ្គាសនិងប្រេងទៀតផង មើលទៅ វាពិតជាអស្ចារ្យមែនទែន។ វាក៏អស្ចារ្យដែរសម្រាប់រុស្ស៊ី ព្រោះយើងអាចធ្វើកិច្ចព្រមព្រៀងនៅទីនោះ។ ពួកគេមានដីដ៏មានតម្លៃដែលមិនព្រមប្រើប្រាស់»។
រឿងនេះកើតឡើងបន្ទាប់ពីមន្ត្រីអ៊ុយក្រែន និយាយថា ពេលនេះលោក វ្ល៉ូឌីមៀរ ហ្សេលេនស្គី បានឯកភាពប្រគល់ធនធានរ៉ែកម្រឲ្យសហរដ្ឋអាមេរិកជាថ្នូរនឹងជំនួយយោធាដើម្បីប្រឆាំងជាមួយរុស្ស៊ី ខណៈលោកនឹងធ្វើដំណើរទៅទីក្រុងវ៉ាស៊ីនតោន នៅថ្ងៃសុក្រនេះ ដើម្បីចុះហត្ថលេខាលើកិច្ចព្រមព្រៀង។
តាមការចុះផ្សាយរបស់ CNN ដោយដកស្រង់សម្តីអ៊ុយក្រែន, មូលហេតុដែលទីក្រុងកៀវ ឯកភាពលើកិច្ចព្រមព្រៀងនេះគឺដោយសារតែ សហរដ្ឋអាមេរិកក៏មិនទាមទារទឹកប្រាក់បានពីធនធានរ៉ែរហូតដល់៥០០ពាន់លានដុល្លារ យកមកសងខ្លួនដូចលើកមុនដែរ ខណៈឯកសារព្រាងចុងក្រោយដែលចុះកាលបរិច្ឆេទថ្ងៃចន្ទ ត្រូវគេមើលឃើញថា អាមេរិកនឹងតម្រូវឲ្យទីក្រុងកៀវបង្កើតមូលនិធិមួយ ហើយទុក៥០%នៃចំណូលបានពីធនធានរ៉ែគ្រប់គ្រងដោយរដ្ឋរបស់ខ្លួន ហើយយកមូលនិធិនេះ ទៅវិនិយោគនៅក្នុងឧស្សាហកម្មអ៊ុយក្រែន។
សម្តីរបស់លោក ត្រាំ នោះទៀតសោត កើតឡើងក្រោយពេលលោក ពូទីន បញ្ជាក់យ៉ាងច្បាស់ថា ទីក្រុងមូស្គូបានត្រៀមខ្លួនរួចជាស្រេចដើម្បីធ្វើការជាមួយសហរដ្ឋអាមេរិក លើការអភិវឌ្ឍអណ្តូងរ៉ែនិងរោងចក្រចម្រាញ់រ៉ែកម្រជាពិសេសនៅក្នុងតំបន់ចំនួន៤ ដែលរុស្ស៊ីកាត់យកពីអ៊ុយក្រែន។
លោកពូទីននិយាយថា «យើងត្រៀមខ្លួនរួចជាស្រេចអស់ហើយ ដើម្បីធ្វើការជាមួយដៃគូអាមេរិករបស់យើង ប្រសិនបើពួកគេបង្ហាញចំណាប់អារម្មណ៍ក្នុងការធ្វើការជាមួយគ្នា ហើយនោះក៏រួមទាំងការអភិវឌ្ឍនៅក្នុងតំបន់ចំនួន៤ដែលបានវិលមកក្រោមការគ្រប់គ្រងរបស់រុស្ស៊ីវិញផងដែរដូចជា Donetsk,Lugansk, Kherson និង Zaporozhye»។
សូមជម្រាបថា យោងតាមទិន្នន័យឆ្នាំ២០២៤ រុស្ស៊ីមានធនធានរ៉ែកម្របម្រុង សរុប៣.៨លានតោន ឈរលេខ៥លើពិភពលោកបន្ទាប់ពីចិន ប្រេស៊ីល ឥណ្ឌានិងអូស្រ្តាលី៕
អត្ថបទ៖ សុខ សុវណ្ណ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?